Ydych chi wedi bod yn benthyca e-lyfrau ac e-lyfrau llafar am ddim o’r llyfrgell?
Mae’r ffordd rydych chi’n eu benthyca wedi newid, felly gwnewch yn siŵr eich bod yn darllen ymlaen i weld beth sydd angen i chi ei wneud. Ac os nad ydych chi’n eu defnyddio’n barod, darllenwch ymlaen i weld beth rydych chi’n ei golli!
Os ydych chi wedi bod yn defnyddio https://wales.libraryebooks.co.uk/ i ddarllen eich e-lyfrau a’ch e-lyfrau llafar, bydd angen i chi gofrestru gyda BorrowBox. Gallwch wneud hynny yma. Gallwch hefyd lawrlwytho’r ap ar gyfer Apple neu Android.
Fel o’r blaen, mae’n hollol am ddim, a gallwch lawrlwytho hyd at saith e-lyfr A saith e-lyfr llafar ar yr un pryd, am 21 diwrnod! Gallwch hyd yn oed eu lawrlwytho pan rydych chi dramor.
Heb fenthyca o’r blaen?
Os nad ydych chi erioed wedi benthyca e-lyfr neu e-lyfr llafar o’ch llyfrgell, rydych chi wedi colli profiad gwych! Gwnewch yn siŵr bod gennych eich cerdyn llyfrgell wrth law, ac ewch i lawrlwytho’r ap rŵan. Byddwch hefyd angen eich rhif pin ar gyfer eich cerdyn llyfrgell, felly os nad oes gennych un yn barod, ewch i’ch llyfrgell leol gyda phrawf o’ch cyfeiriad.
[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/MyServices”] COFRESTRWCH AM FILIAU DI-BAPUR [/button]
