Digwyddiad Recriwtio Cyngor Wrecsam
Pryd? 18 Hydref 2023.
Lle? Tŷ Pawb, 2pm-6pm
Eisiau newid gyrfa? Os felly, dewch draw i’n digwyddiad recriwtio ac archwilio’r cyfleoedd amrywiol sydd ar gael i weithio i Gyngor Wrecsam.
Mae gennym ni amrywiaeth eang o swyddi ar gael ar gyfer y bobl addas!
Yn y digwyddiad, cewch sgwrsio â’n tîm am y gwahanol gyfleoedd gyrfa sydd ar gael, a byddan nhw hefyd yn gallu rhoi gwybodaeth i chi am yr holl fuddion cyflogaeth gwych sy’n gysylltiedig â gweithio i ni.
Unwaith eto, rydym wedi ennill y Wobr Iechyd Corfforaethol Aur, a chawsom ganmoliaeth am ein mentrau iechyd a lles helaeth yr ydym ni’n eu darparu i’n gweithwyr.
Diddordeb?
Galwch heibio i ganolfan Tŷ Pawb unrhyw bryd rhwng 2pm a 6pm ar 18 Hydref i gael cyngor, cefnogaeth a mwy o wybodaeth ynghylch gweithio i Gyngor Wrecsam.
Edrychwn ymlaen at eich gweld.
Swyddi a gyrfaoedd – gweithiwch i ni a bod yn rhan o’r stori.
