I gychwyn blwyddyn o ddathliadau i Wrecsam, cynhelir digwyddiad lansio cyhoeddus arbennig Ddydd Mercher, 14 Ionawr, yn llyfrgell Wrecsam.
Bydd Blwyddyn o Ryfeddod Wrecsam 1876 yn gweld rhaglen o ddigwyddiadau a fydd yn cael eu cynnal gydol 2026.
Blwyddyn o gerrig milltir
Wrth i ni gychwyn y pen-blwydd yn 150, byddwn yn dod at ein gilydd i anrhydeddu’r flwyddyn a gafodd Wrecsam ym 1876 a’r holl gyflawniadau nodedig a arweiniodd at ei galw’n “Flwyddyn o Ryfeddod”.
Bydd y sioeau yn dod â rhai o’r cerrig milltir a gyflawnodd Wrecsam yn 1876 yn fyw, gan gynnwys:
- Lansio Cymdeithas Bêl-droed Cymru, a thîm cenedlaethol cyntaf Cymru.
- Agor gardd fynwent Ffordd Rhiwabon.
- Un o’r Arddangosfeydd Trysorau Celf mwyaf i gael eu cynnal yng ngwledydd Prydain erioed.
- Yr Eisteddfod Genedlaethol gyntaf i’w chynnal yn Wrecsam.
…a llawer mwy.
Nodi’r achlysur
Bydd Blwyddyn o Ryfeddod 1876 Wrecsam yn arddangos celfyddyd, diwylliant, diwydiant a masnach Wrecsam – y gorffennol, y presennol a’r dyfodol.
Er mwyn rhoi cychwyn gwych i’r flwyddyn, bydd llyfrgell Wrecsam yn cynnal y digwyddiad lansio cyhoeddus. Gan ddechrau am 6pm Ddydd Mercher, 14 Ionawr, bydd croeso i bawb ddod i nodi dechrau’r hyn sy’n sicr o fod yn flwyddyn wych.
Mae’r digwyddiad yn rhad ac am ddim i fynychu, fodd bynnag, bydd angen i chi gadw lle yn y digwyddiad.
Gallwch archebu drwy gysylltu â’n tîm yn llyfrgell Wrecsam ar 01978 292090, neu drwy e-bostio library@wrexham.gov.uk.
