Ydych chi’n dda yn gwrando ar bobl?
Ydych chi’n gweithio’n dda fel rhan o dîm?
Ydych chi’n meddu ar onestrwydd a chymeriad da?
Os felly, gallech fod yn addas iawn ar gyfer Pwyllgor Safonau Cyngor Bwrdeistref Sirol Wrecsam.
Mae Cyngor Wrecsam yn awyddus i benodi aelod annibynnol newydd i’w Bwyllgor Safonau, sy’n chwarae rhan bwysig yn cynnal safonau moesegol uchel ar lefel bwrdeistref sirol a chyngor cymuned.
Mae’r Pwyllgor Safonau yn cyfarfod o leiaf bedair gwaith y flwyddyn, ac mae’r aelodau’n cael eu talu am eu hamser.
Y dyddiad cau ar gyfer ceisiadau yw 10 Ebrill 2026, a chynhelir cyfweliadau ar 23 Ebrill 2026.
