Mae dros 80 o fentrau bychain iawn wedi eu sefydlu yn Wrecsam sy’n cynnig gofal a dewisiadau cymorth lleol iawn sy’n greadigol a hyblyg i bobl hŷn a phobl ag anableddau. Mae’r bobl hynod frwdfrydig hyn wedi helpu i drefnu bod cynllun yn cael ei ariannu gan Gyngor Bwrdeistref Sirol Wrecsam ac sy’n cael ei redeg gan fenter cymdeithasol ar draws y DU gyfan sef Community Catalysts.
Mae’r mentrau hyn wedi eu sefydlu a’u rhedeg gan bobl leol sydd â brwdfrydedd llwyr i gefnogi eraill. Mae’r cynllun yn eu helpu nhw i sefydlu eu hunain ac i gwrdd â’r Safonau Ei Wneud yn Iawn”. Maen nhw’n cynnig amrywiaeth o ddewisiadau o lanhau, cymorth i baratoi a mwynhau hoff bryd, cerdded cŵn, cymorth i wneud ymarfer corff a diwrnodau allan.
Meddai Fiona Futcher sy’n rhedeg menter cymunedol o’r enw Gofal Ceiriog:
“Dwi’n cael cyfle i ddod i nabod y bobl dwi’n cynnig cymorth iddyn nhw yn ogystal â’u teuluoedd – ac maent hwythau yn dod i nabod finnau, yn aml yn clywed llawer o hanesion am fy anifeiliaid anwes a fy ngheffyl! Mae adeiladu perthnasau yn golygu fy mod yn gallu cynnig gwasanaeth i gyd-fynd â’u gofynion unigol. Dwi wrth fy modd yn cefnogi pobl a dod i’w nabod nhw, dwi’n gallu helpu gydag unrhyw agwedd o fywyd bob dydd a hyd yn oed ar gael i wneud ymweliadau ar alwad. Byddaf yn gwneud fy ngorau dros y bobl dwi’n gefnogi a fy nod yw eu helpu nhw i aros yng nghartrefi eu hunain am gyn hired ag sy’n bosib”.
- Cofrestru -
Mae mam Dave yn derbyn cefnogaeth gan Gofal Ceiriog, ac meddai Dave:
“Mae mam yn cael cymorth gan nifer fechan o bobl leol hunangyflogedig. Mae’r gofal a’r cymorth y maen nhw’n ei gynnig o’r radd flaenaf. Mae sefydlogrwydd yng ngofal mam, ac mae ganddi berthynas gyda’r gweithwyr – mae nhw hefyd yn cynnig cyfeillgarwch a chwmni. Mae hyn yn bwysig iawn i mam am ei bod hi’n gaeth i’w chartref, a dydi rhan fwyaf o’i chyfoeswyr ddim gyda ni rhagor.”
Amlygodd Steve Latham-White, Uwch Swyddog Comisiynu yng Nghyngor Bwrdeistref Sirol Wrecsam y rheswm pam bod y rhaglen mor llwyddiannus: “Pan yn bosib rydym eisiau i breswylwyr Wrecsam gael dewis a rheolaeth dros yr help a’r gefnogaeth y maen nhw’n ei dderbyn er mwyn bod mor annibynnol â phosib. Bellach mae dewis eang o fentrau i ddewis ohonynt gan ‘Small Good Stuff’ o ganlyniad i lwyddiant rhaglen Community Catalysts.
Meddai Amy Kordiak o Community Catalyst Wrecsam sy’n rhedeg y cynllun: “Mae darganfod gofal a chymorth i’ch hun neu rywun yr ydych yn ei garu yn gallu bod yn gyfnod llawn straen a phryder. Os ydych yn edrych am ddewisiadau cymorth sydd ychydig yn wahanol neu o ddiddordeb i chi, neu i anwylyd, efallai y dewch o hyd i rywun lleol all eich cefnogi sydd yn ei cyfeiriadur am ddim, sef y ‘Small Good Stuff’!
I ddarganfod mwy am y dewisiadau gofal a chymorth sydd ar gael yn Wrecsam ewch YMA
