Bydd Brecwast Busnes Cynghrair Mersi a’r Ddyfrdwy nesaf yn cael ei gynnal ddydd Mawrth 27 Mehefin rhwng 8.30am a 10.00am (cofrestru o 8am) yn Net World Sports, sydd yn noddi’r digwyddiad yn garedig iawn yn Lôn y Bryn, Ystâd Ddiwydiannol Wrecsam, LL13 9UT
I archebu eich lle am ddim, e-bostiwch Business@wrexham.gov.uk erbyn 20 Mehefin 2023.
Os hoffai unrhyw fusnes wneud cais neu gael stondin i arddangos eu hunain, e-bostiwch Business@wrexham.gov.uk
Dywedodd y Cynghorydd Nigel Williams, Aelod Arweiniol yr Economi ac Adfywio: “Mae Brecwast Busnes yn ffordd wych o rwydweithio gydag eraill ar draws y rhanbarth, gyda chyfres o gyflwyniadau i ddilyn gan fusnesau eraill.
- Cofrestru -
“Maen nhw’n help yn benodol i fentrau busnesau bach a chanolig ac maent yn annog twf ac arloesedd er mwyn sicrhau llwyddiant.”
Beth yw Cynghrair Mersi a’r Ddyfrdwy?
Mae Cynghrair Mersi a’r Ddyfrdwy yn bartneriaeth twf economaidd strategol trawsffiniol, yn cynnwys Cilgwri, Gorllewin Swydd Gaer a Chaer, Sir y Fflint a Wrecsam. Yn ogystal â’r pedwar Awdurdod Lleol, mae Coleg Cambria, Awdurdod Cyfun Dinas-Ranbarth Lerpwl, Trafnidiaeth Cymru, Llywodraeth Cymru, Prifysgol Glyndŵr Wrecsam a Phrifysgol Caer yn aelodau partner hefyd.
Rhwydwaith Arloesi MDA
Yn dilyn y dirwasgiad yn 2010, roedd busnesau ar y ddwy ochr y ffin yn wynebu heriau economaidd a masnachol, felly er mwyn mynd i’r afael â’r heriau hyn lansiodd y Cynghrair Merswy a’r Ddyfrdwy y Rhwydwaith Arloesi – cyfres o frecwast busnes bob yn ail fis yn cael eu cynnal chwe gwaith y flwyddyn bob yn ail rhwng Cymru a Lloegr. Bwriad y rhwydwaith yw dod â chwmnïau â gwybodaeth a’r rheiny sydd yn cefnogi twf busnesau o’r fath, megis ymgynghorwyr, buddsoddwyr, ymgynghorwyr cyfreithiol, arbenigwyr diwydiant a phrifysgol, asiantaethau llywodraeth ayyb i annog twf economaidd cynaliadwy. Mae’r rhwydwaith yn helpu i wella perfformiad busnesau, drwy annog busnesau i siarad gyda’i gilydd, datblygu cysylltiadau a chyswllt newydd, a gwneud busnesau bach a chanolig yn ymwybodol o fentrau rhanbarthol a chenedlaethol a chyfleoedd.
Mae’r digwyddiadau awr o hyd yn cael eu cynnal am 8.30am tan 9.30am mewn lleoliadau trawsffiniol amrywiol. Mae fformat y digwyddiad yn anffurfiol iawn gydag oddeutu 40 munud ar gyfer rhwydweithio ac adran stondin/siaradwr cyflym am 20 munud gyda hyd at 10 siaradwr. Mae busnesau o fewn y rhanbarth yn cael eu dewis i siarad yn y digwyddiad sydd yn galluogi cwmnïau i arddangos eu busnesau, amlygu cynnyrch/ gwasanaethau newydd a darparu llwyfan i hyrwyddo mentrau rhanbarthol a chenedlaethol. Mae dros 150 o gyfranogwyr yn mynychu pob digwyddiad.
Mae lleoedd yn cael eu cynnig i fusnesau am ddim gyda nawdd yn cael ei geisio ar gyfer pob digwyddiad i gyflenwi costau lluniaeth a hurio’r lleoliad. Mae mannau gwag arddangos ar gael ar gyfer nifer benodol o gyfranogwyr i arddangos eu busnesau, ac mae’n hanfodol i archebu lle yn fuan gan fod digwyddiadau yn cael eu llenwi o fewn oriau.
Beth yw nodau ac amcanion y rhwydwaith
Mae Rhwydwaith Arloesi Cynghrair Merswy a’r Ddyfrdwy yn ceisio cefnogi busnesau gyda gwybodaeth, busnesau bach a chanolig yn bennaf i:
- gwella eu perfformiad mewn twf busnes ac arloesi
- helpu busnesau wynebu heriau economaidd a masnachol a pharatoi ar gyfer twf parhaus
- mynediad at rwydweithiau arloesi rhanbarthol a chenedlaethol perthnasol megis Rhwydweithiau Trosglwyddo Gwybodaeth sy’n cael ei redeg gan y Bwrdd Strategaeth Technoleg a’r partneriaid ac aelodau
Adborth gan fynychwyr
“Digwyddiad rhwydweithio gorau yn y rhanbarth. Rwyf wedi gwneud llawer o gysylltiadau ac wedi cael gwaith a rhoi busnes oherwydd y digwyddiadau hyn.”
“Mae’n wych cael cyfarfod cleientiaid posibl a chadw cysylltiadau gweithredol gyda phartneriaid cydweithio busnes cyfredol.”
“Rwy’n teimlo ei fod yn ein cadw’n ddiweddar gyda’r hyn sy’n mynd ymlaen yn yr ardal ac yn rhoi persbectif gwahanol gyda’r amrywiaeth o aelodau sy’n mynychu.
“Rhwydweithio a dal i fyny gyda chydweithwyr.”
“Mae’n wych i rwydweithio a dysgu am fusnesau bach a chanolig yn yr ardal.”
“Codi ymwybyddiaeth o’n busnes, gwneud cyswllt o ansawdd dda, ac yn denu cleientiaid posibl,” “Yn wych i gyfarfod cyflenwyr, creu rhwydwaith a datblygu arweinwyr busnes newydd.”
