Gwaredu gwastraff yn anghyfreithlon yw tipio anghyfreithlon. Gall amrywio o fod yn fag bin unigol i fod yn filoedd o dunelli o wastraff. Gall fod yn beryglus, mae’n llygru’r tir a’r dyfrffyrdd ac yn costio swm sylweddol o arian i awdurdodau lleol ei glirio.
Rhwng Ebrill 2023 – Mawrth 2024 roedd 1285 o ddigwyddiadau o dipio anghyfreithlon wedi’u cofnodi yn Wrecsam yn unig.
Mae tipio yn anghyfreithlon a dylai preswylwyr sicrhau eu bod yn defnyddio cwmni gydag enw da er mwyn gwaredu unrhyw eitemau swmpus, neu wasanaeth casglu gwastraff swmpus y Cyngor.
Os oes gennych lawer iawn o sbwriel i’w waredu, sicrhewch eich bod yn defnyddio cwmni gydag enw da i wneud hyn ar eich rhan. Fel deiliad aelwyd mae gennych ddyletswydd i wirio bod y person yr ydych yn ei ddefnyddio â’r drwydded iawn i wneud hynny. Ni all y cwmni sy’n gweithredu ar eich rhan waredu’r eitemau yn eich canolfannau ailgylchu cartref ond rhaid iddynt eu gwaredu mewn cyfleuster wedi ei drwyddedu’n breifat.
Gwasanaeth Casglu Gwastraff Swmpus Cyngor Wrecsam…
Gallwch hefyd ddefnyddio gwasanaeth casglu gwastraff swmpus Cyngor Bwrdeistref Sirol Wrecsam. Mae gwastraff swmpus yn cyfeirio at eitemau sy’n rhy fawr i’w cludo gyda’r casgliad sbwriel arferol. Gall hyn gynnwys eitemau fel dodrefn, nwyddau gwyn a chyfarpar garddio. Gellir casglu hyd at wyth o eitemau am isafswm o £57.50. Bydd gan unrhyw eitem ychwanegol dros wyth eitem ffi ychwanegol o £10 fesul eitem.
Fel arfer gwneir casgliadau swmpus ar eich diwrnod casglu nesaf cyn belled â bod hysbysiad o 2 ddiwrnod gwaith wedi cael ei roi.
Byddwn yn casglu:
• Dodrefn (e.e. byrddau, cadeiriau, gwelyau, matresi, cypyrddau, desgiau, silffoedd llyfrau, cypyrddau dillad)
• Nwyddau gwyn (e.e. oergelloedd, rhewgelloedd, popty, peiriannau sychu dillad, microdon)
• Offer yr ardd (e.e. peiriannau torri gwair bach, offer gardd, byrddau a chadeiriau gardd, barbeciw, beiciau)
• Carped (darnau bychain o garped ac isgarped (toriadau o ddim mwy na maint un ystafell yn unig)
• Offer trydan ac electroneg (e.e. cyfrifiaduron, teledu)
Yr ydym yn cynnig casgliad ymyl palmant o wastraff gardd/organig yn y bin gwyrdd yn unig, nid ydym yn cynnig unrhyw wasanaeth casglu arall ar gyfer gwastraff gwyrdd, pridd na rwbel.
Bydd casgliadau swmpus fel arfer yn cael eu gwneud ar eich diwrnod casglu nesaf, os ydych wedi rhoi rhybudd o 2 ddiwrnod gwaith. Gellir dod o hyd i ragor o wybodaeth am y casgliadau swmpus yma
Meddai’r Cynghorydd Terry Evans, Aelod Arweiniol yr Amgylchedd a Chludiant, “Mae tipio yn anghyfreithlon a dylai preswylwyr sicrhau eu bod yn defnyddio cwmni gydag enw da er myn gwaredu unrhyw eitemau swmpus, neu wasanaeth casglu gwastraff swmpus y Cyngor.” “Mae clirio sbwriel tipio anghyfreithlon yn gostus, yn cymryd amser ac yn tynnu adnoddau i ffwrdd o’r llefydd sydd eu hangen fwyaf.
Canolfannau Ailgylchu Gwastraff y Cartref
Sylwch fod holl ganolfannau ailgylchu wedi cau ar ddiwrnod Nadolig, ond maent ar agor fel arall.
Gallwch ddod o hyd i’ch canolfan ailgylchu agosaf a’r oriau agor isod:
Lôn y Bryn, Ystâd Ddiwydiannol Wrecsam LL13 9UT
- 8am – 8pm drwy gydol y flwyddyn
Y Lodge, Brymbo, Wrecsam LL11 5NR
- 9am – 4pm
Banc Wynnstay, Plas Madoc, Wrecsam LL14 3ES
- 9am – 4pm
Canolfannau Ailgylchu Gwastraff y Cartref | Cyngor Bwrdeistref Sirol Wrecsam
