Ar 6 Ebrill 2022 cynhaliodd Wrecsam Egnïol dwrnamaint pêl-droed rhwng ysgolion, sef Twrnamaint 5 Cynradd C.P. Ysgolion Cymru, yn The Rock yng Nghefn Mawr a gafodd ei gefnogi gan gais Dinas Diwylliant #Wrecsam2025.
Cymerodd 24 o ysgolion ran yn y twrnamaint yn ystod y dydd gyda’r tîm o Ysgol Rhostyllen yn fuddugol. Bydd y tîm yn awr yn mynd ymlaen i gynrychioli Wrecsam yn Rownd Derfynol y Sir yn Y Drenewydd ar 6 Mai.
Dywedodd llefarydd o Wrecsam Egnïol “roedd yn braf gweld cymaint o ysgolion yn cystadlu yng nghystadleuaeth 5 Cynradd C.P. Ysgolion Cymru. Roedd y gystadleuaeth yn rhoi cyfle gwych i bob ysgol a gymerodd ran i gystadlu mewn digwyddiad ar gyfer y sir gyfan. Roedd gweld y plant yn gwenu ac yn bod yn egnïol ar ôl yr heriau maent wedi’u hwynebu oherwydd y pandemig yn gwneud y profiad yn hyd yn oed gwell”.
Bydd twrnamaint, yn defnyddio’r un fformat, yn cael ei gynnal ar ôl y gwyliau Pasg ond bydd hwn yn benodol i enethod i roi cyfle iddynt gystadlu mewn twrnamaint a fydd yn rhoi mwy o gyfleoedd i enethod gymryd rhan mewn chwaraeon.
