Mae XGas sy’n gwmni nwy, olew, plymio a gwresogi yn Rhostyllen, yn dathlu 20 mlynedd o fusnes eleni. Maent yn Bartner Gwasanaeth Worcester Bosch ac yn ddiweddar aeth ein Haelod Arweiniol yr Amgylchedd ac Adfywio, y Cyng. Nigel Williams i ymweld â nhw i ddarganfod beth oedd wedi’u gwneud mor llwyddiannus.
Dechreuodd y Cyfarwyddwyr Paul Jones ac Alan Taylor y busnes yn 2003 ac maent wedi ehangu eu cwmni a’r gweithlu’n llwyddiannus dros yr 20 mlynedd ddiwethaf wrth iddynt adeiladu sail cwsmeriaid mawr a ffyddlon yn Wrecsam, Caer a’r ardaloedd amgylchynol.
Yn ystod ei ymweliad, siaradodd Nigel â Paul ynghyd â’r Rheolwr Gweithrediadau Kerry Powell a’r Rheolwr Cyfrifeg Joanne Taylor, a dywedasant “Rydym yn hynod o falch o’r ffordd mae’r cwmni wedi tyfu o Paul ac Alan pan ddechreuodd yn 2003 i’n tîm presennol o 22 o weithwyr. O’r dechrau roeddem yn benderfynol i gynnig y lefel uchaf o wasanaeth a gofal i’n cwsmeriaid a thrwy waith caled ein tîm anhygoel yma yn XGas, rydym wedi dod yn osodwyr mwyaf boeleri Worcester Bosch yn yr ardal.
- Cofrestru -
Rydym yn cyflawni atgyweiriadau o dan warant a hefyd yn cynnig contractau gwasanaeth i’n cwsmeriaid ar gyfer heddwch meddwl. Gallwn gynnig cynlluniau talu hyblyg, felly os fydd boeler cwsmer yn torri’n annisgwyl, gallent gael boeler newydd sbon wedi’i osod gyda hyd at 12 mlynedd o warant am gost fisol fforddiadwy”
Mar gan XGas raglen prentisiaeth barhaus gan gynnig cyfle i bobl leol gael cymwysterau NVQ drwy hyfforddiant yn y swydd gyda’u peirianwyr a mynychu Coleg Cambria.
Maent hefyd yn cefnogi’r gymuned leol ac yn noddi CPD Rhostyllen ac amryw o ddigwyddiadau yn yr ardal.
Mae ganddynt sgôr 5 seren ar Trustpilot ac maent yn Fasnachwr Dibynadwy Which?
Mae XGas yn edrych i ddyfodol mwy gwyrdd felly pan fydd yr amser yn dod i amnewid eich boeler, maent yn hyderus fod ganddynt y datrysiad perffaith ar gyfer eich cartref.
Dywedodd y Cyng. Nigel Williams, aelod Arweiniol yr Amgylchedd ac Adfywio, “Mae ganddynt dîm o staff hynod o ymroddgar ac yn ehangu eu gweithlu’n barhaus. Mae eu gwasanaeth i gwsmeriaid o’r radd flaenaf felly does dim syndod bod ganddynt enw da ymysg eu cwsmeriaid.”
“Mae gan Wrecsam gyfoeth o gwmnïau sy’n cynnig ansawdd a gwasanaeth ac nid yw XGas yn eithriad. Dymunaf pob llwyddiant iddynt ar gyfer yr 20 mlynedd nesaf o fasnachu yma yn Wrecsam.”
Ychwanegodd Paul, “Hoffai Alan a minnau, a’r holl dîm yn XGas ddiolch yn fawr i’n holl gwsmeriaid sydd wedi ein cefnogi ni dros yr 20 mlynedd ddiwethaf a gobeithiwn yn fawr y gallwn barhau i’ch gwasanaethu am nifer o flynyddoedd i ddod”.
Er mwyn darganfod sut all XGas eich helpu chi i osod boeler newydd, gwasanaethu neu atgyweirio eich cyfarpar presennol neu gyflawni gwaith atgyweirio plymio yn eich eiddo, ewch i’w gwefan.
Wedi methu casgliad bin? Rhowch wybod i ni ar-lein – mae’n hawdd.
RHOWCH WYBOD AM GASGLIAD BIN A FETHWYD
