Roedd gwasanaeth parcio a theithio Ffordd Rhuthun yn boblogaidd ddydd Sadwrn diwethaf pan wynebodd Wrecsam Chelsea o’r Uwch Gynghrair pan wnaeth nifer y ceir bron dyblu.
A pham lai? Mae’n cynnig parcio rhad, cyfreithlon a chyfleus – heb unrhyw risg o ddirwy parcio? Ac mae digon o le o hyd, felly gwnewch yn siŵr eich bod chi’n ei wneud yn rhan o’ch defod diwrnod gêm – heb unrhyw risg o docyn parcio!
Wrecsam v Abertawe | Dydd Gwener, 13 Mawrth | Cic gyntaf 8pm
Cyn y gêm
Parcio y tu allan i swyddfeydd Cyngor Wrecsam ar Ffordd Rhuthun, Wrecsam LL13 7TU.
Bydd bysus yn rhedeg bob 20 munud gan ddechrau am 6pm; bws olaf 7.20pm.
Ar ôl y gêm
Bydd bysus yn rhedeg bob 20 munud gan ddechrau am 10pm o Ffordd yr Wyddgrug; bws olaf 11.20pm.
Mae pob bws ar ôl y gêm yn rhedeg o Ffordd yr Wyddgrug.
Dim ond £1 am daith ddwyffordd i oedolion (50c i blant)
Maes parcio’n cau am 11.50pm.
Nod y gwasanaeth parcio a theithio ar Ffordd Rhuthun yw atal parcio anghyfreithlon, peryglus ac anystyriol – sy’n well i gefnogwyr sy’n mynd i’r gêm ac i drigolion sy’n byw o fewn pellter cerdded i’r Cae Ras.
Dywedodd y Cynghorydd David A Bithell, Dirprwy Arweinydd sy’n gyfrifol am drafnidiaeth strategol: “Mae parcio diwrnod gêm bob amser yn heriol – ond mae’n wych gweld cymaint o geir yn parcio ar Ffordd Rhuthun (am ddim) a phobl yn teithio ar ein gwasanaeth Parcio a Theithio Arriva pwrpasol, dim ond £1.00 yno ac yn ôl. Rydym yn gweithio gyda CPD Wrecsam ac Arriva ar ddiwrnodau gemau i leihau tagfeydd o amgylch y stadiwm ac yn amlwg mae rhai o’r camau rydyn ni’n eu cymryd yn cael effaith gadarnhaol.
“Mae’r gwasanaeth parcio a theithio yn gweithredu ym mhob gêm gartref a bydd ar agor eto ar gyfer y gêm yn erbyn Dinas Abertawe nos Wener.”
Os nad ydych chi eisiau gyrru i’r gemau…
Os nad ydych chi eisiau gyrru i’r gemau, beth am ddal y bws a thalu llai wrth ddangos eich tocyn gêm i’r gyrrwr?
Prynwch Docyn Parth Wrecsam (gallwch weld y llwybrau yma) a thalu £3.00 ar gyfer Oedolyn/£2.00 ar gyfer Plentyn – gan arbed hyd at £2.60.
Ar ôl y gêm fydd dim brys i deithio adref gan fod tocynnau dydd yn ddilys tan 11.59pm ar y diwrnod, felly gallwch aros yng nghanol y ddinas i ddathlu buddugoliaeth arall!
