Dyfeisiwyd y Daith Ddementia Rithiol ugain mlynedd yn ôl i roi cyfle i bobl ag ymennydd iach brofi sut beth ydi dementia. Mae’n rhoi cyfle i bobl gerdded i mewn i fyd pobl sy’n byw gyda dementia – ac yna newid yr amgylchedd a’u harferion er mwyn ceisio gwella gofal a chaniatáu i bobl â dementia aros gartref yn hwy.
Wrth gerdded yn ôl traed unigolyn gyda dementia, gallwn ddechrau deall y problemau maent yn eu hwynebu bob dydd. Byddwch yn profi teimladau o fod yn ddryslyd, ar goll, yn ofnus, bregus a llawer mwy, ac felly yn deall beth sydd arnoch chi angen ei newid i wella safonau gofal.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Mehefin 9 – Phoenix Homecare and Support, Wrecsam, LL11 4YL
Mehefin 21 – Cae Pêl-droed Wrecsam, Ystafell 1864, y Cae Ras, Ffordd yr Wyddgrug, Wrecsam, LL11 2AH
Os hoffech chi ddysgu mwy am sut beth ydi byw gyda dementia, yna archebwch eich lle ar y Bws Dementia Rhithiol pan fydd yn dychwelyd i Wrecsam fis Mehefin 2022.
Cynhelir tri sesiwn bob dydd ac mae’n rhaid cadw lle:
Mae’r erthygl hwn yn rhan o gyfres o erthyglau blog sy’n cael eu cyhoeddi’r wythnos hon i gefnogi Wythnos Derbyn Awtistiaeth y Byd 2022.
Mae’r cynllun Lleoedd Diogel yn darparu sicrwydd i bobl sy’n teimlo’n ddiamddiffyn os ydynt yn mynd allan, gan eu cynorthwyo i fyw bywydau mwy annibynnol. Mae gwybod bod Lleoedd Diogel yn eu cymunedau sy’n cynnig cymorth os oes angen, yn cynorthwyo pobl i deimlo’n ddiogel ac yn fwy hyderus wrth fynd allan i’w cymunedau.
Sut mae’r cynllun yn gweithio?
Mae siopau, busnesau a sefydliadau lleol yn cofrestru i fod yn “Lle Diogel”. Bydd sticer yn cael ei osod ar ffenestr neu ddrws Lle Diogel, sy’n nodi bod cymorth ar gael yno.
Os ydych chi’n unigolyn sy’n teimlo’n ddiamddiffyn pan ydych yn mynd allan, gallwch gofrestru ar gyfer y cynllun a chael cerdyn Lleoedd Diogel i gario gyda chi. Bydd y cerdyn yn dangos manylion cyswllt rhywun yr ydych yn ymddiried ynddynt, fel y gall aelod o staff yn y Lle Diogel eu ffonio nhw os ydych angen cymorth.
Yn ogystal â ffonio’r unigolyn cyswllt ar eich cerdyn Lleoedd Diogel, gall aelodau o staff mewn Lle Diogel:
ddod o hyd i rywle diogel i chi aros a’ch cysuro chi tan i’r sefyllfa gael ei ddatrys
galw’r heddlu neu ambiwlans os yw’n argyfwng
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Dywedodd Alwyn Jones, Pennaeth Gwasanaeth Gofal Cymdeithasol “Lleoedd Diogel yw Cynllun Cenedlaethol y mae Wrecsam wedi cofrestru iddo ychydig o flynyddoedd yn ôl. Rydym yn ffodus iawn o gael nifer o Leoedd Diogel yn Wrecsam ac yn falch iawn mai ni yw’r sir gyntaf yng Nghymru i fabwysiadu’r cynllun. Gobeithiwn y bydd yn tyfu o nerth i nerth, gan roi cymorth hanfodol i’r rhai hynny sydd ei angen yn ein cymuned.”
Gwneud cais am gerdyn Lleoedd Diogel
Os ydych yn dymuno defnyddio cynllun Lleoedd Diogel, gallwch lenwi ffurflen gais. Byddwch angen darparu manylion personol, ynghyd ag enwau a rhifau ffôn hyd at dri unigolyn yr ydych yn ymddiried ynddynt (dyma’r unigolion y gellir eu ffonio os ydych angen cymorth – gall fod yn aelod o’r teulu, gofalwr neu ffrind).
Unwaith i chi anfon eich cais, bydd ein tîm Lleoedd Diogel Wrecsam yn egluro sut i ddefnyddio’r cynllun. Byddwch yn derbyn rhestr o Leoedd Diogel yn Wrecsam a’ch cerdyn Lleoedd Diogel gyda’ch rhifau cyswllt arno, er mwyn ei gario wrth fynd allan.
Gall newidiadau bach wneud gwahaniaeth mawr a gall helpu i leihau’r gorbryder i unigolion gydag awtistiaeth a’u helpu i gael profiad cadarnhaol wrth ymweld â busnesau a gwasanaethau.
Mae’r Cynllun Ardystio Ymwybyddiaeth o Awtistiaeth wedi’i anelu at bawb sy’n dymuno cael gwell ymwybyddiaeth a dealltwriaeth o awtistiaeth. Ar ôl i chi gwblhau’r hyfforddiant, fe fyddwch chi’n cael tystysgrif wedi’i bersonoleiddio i’w lawrlwytho.
Gallwch gael gafael ar hyfforddiant ymwybyddiaeth o awtistiaeth ar-lein, yn rhad ac am ddim yma.
Mae’r hyfforddiant yn dangos sut mae gwneud newidiadau bach yn gallu lleihau’r gorbryder i unigolion sy’n byw gydag awtistiaeth a’u helpu i deimlo’n fwy cynhwysol yn eu cymuned. Mae’r hyfforddiant awtistiaeth, a ddatblygwyd gan y Gwasanaeth Awtistiaeth Integredig, yn cefnogi Cod Ymarfer newydd Awtistiaeth.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Mae llawer o fusnesau a sefydliadau ar draws Wrecsam eisoes wedi cael yr hyfforddiant. Mae holl lyfrgelloedd Wrecsam yn Ymwybodol o Awtistiaeth ac mae staff wedi cwblhau’r hyfforddiant. Dyma rai o hanesion ac enghreifftiau busnesau eraill Wrecsam sydd wedi cwblhau’r hyfforddiant.
“Fe wnaethom yr hyfforddiant ymwybyddiaeth o awtistiaeth yn ein siop farbwr. Gan fod gen i wyres sydd ag awtistiaeth, roeddwn i eisiau gwneud sesiynau torri gwallt ychydig yn haws i blant awtistig a’u rhieni, hyd yn oed os mai bod ag ychydig mwy o ddealltwriaeth ac amynedd mae hynny’n ei olygu.” Blades Gents Barbers
“Yma yn BNI North Wales, rydym ni’n cefnogi cynhwysiant a niwroamrywiaeth. Rydym wedi cwblhau Hyfforddiant Ymwybyddiaeth o Awtistiaeth ac rydym yn teimlo’n barod i gefnogi unigolion mewn busnes sydd yn awtistig. Mae gennym ni bellach ddealltwriaeth ehangach o anghenion unigryw y rhai sydd ar y sbectrwm ac rydym wedi paratoi i ddarparu awyrgylch groesawgar a chyfforddus i bawb. Mae BNI yn rhwydwaith busnes proffesiynol, byd-eang, sydd yn cynnig amrywiaeth o wasanaethau i raddfa busnesau lleol. Rydym ni’n deall bod pawb yn wahanol ac felly mae ganddynt anghenion cefnogaeth wahanol. Mae gennym lawer o hyfforddiant, mentora a chefnogaeth i fusnesau bach yn ardal Gogledd Cymru sydd yn cynnwys sut i gynhyrchu busnes ar lafar. Rydym ni’n credu ein bod yn amgylchedd diogel a chefnogol i’r rhai sydd yn y busnes sydd angen y gefnogaeth, datblygiad ac amgylchedd cysylltiedig sydd ei angen i ffynnu, nid i oroesi yn unig.” BNI – Cyfarwyddwr Gweithredol – Jennifer Hardman”
Mae’r holl staff yn Yellow & Blue wrthi’n cwblhau Hyfforddiant Ymwybyddiaeth o Awtistiaeth ac yn fuan fe fyddwn ni’n sefydliad sy’n Ymwybodol o Awtistiaeth. Mae Y&B hefyd yn benthyg clustffonau VR Ymwybyddiaeth o Awtistiaeth gan CBSW ac fe fydd y rhain ar gael ynghyd ag eitemau synhwyraidd mewn ardal synhwyraidd sydd wedi’i greu’n arbennig yn y Ganolfan (ar ôl iddo gael ei gwblhau).
Dim ond ychydig o enghreifftiau a hanesion yw’r rhain o sut mae busnesau lleol yn gwneud newidiadau i helpu pobl sydd yn byw gydag awtistiaeth i deimlo’n fwy cyfforddus yn eu cymuned leol.
Yn rhan o Wythnos Ymwybyddiaeth o Awtistiaeth y Byd fe fyddwn ni’n rhannu cyfres o flogiau am y gwaith yn ein cymunedau i wneud Wrecsam yn Ymwybodol o Awtistiaeth, yn ogystal â thynnu sylw at y wybodaeth a chefnogaeth sydd ar gael i bobl a theuluoedd sy’n byw gydag awtistiaeth.
Elusen Gofrestredig yw Your Space sydd yn gweithio’n agos gyda Chyngor Wrecsam i ddarparu cefnogaeth i oedolion ifanc a phlant sydd ar y sbectrwm awtistiaeth ynghyd â’u teuluoedd.
Cynhelir digwyddiadau a gweithgareddau yn cynnwys clybiau i’r rhai yn eu harddegau, diwrnodau allan i’r teulu, a chlybiau gwyliau. Mae yna lawer i’w wneud. Gall Your Space hefyd ddarparu Gwasanaeth Cymorth 1-1 i Deuluoedd ar gyfer eich plentyn a seibiant i chi. Gall y gwasanaeth unigryw yma gynnwys mynd allan am weithgaredd hwyliog, ymuno â sesiwn mewn clwb gweithgaredd, mwynhau ystafell synhwyraidd neu gefnogaeth yn y cartref. Gallwch ddysgu mwy am yr amrywiaeth o weithgareddau a chefnogaeth y mae Your Space yn ei gynnig drwy fynd i’w gwefan
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Mae Your Space hefyd wedi creu cyfleoedd prentisiaethau gwych i bobl sydd ar y sbectrwm awtistig.
“Fe ddechreuais i weithio yn Your Space ym mis Medi 2021 fel Prentis Gweinyddol am flwyddyn.
Rydw i ar y sbectrwm fy hun, felly yn fy swydd yn Your Space, rydw i’n hoffi’r ffaith fy mod yn helpu plant a phobl ifanc sydd ar y sbectrwm neu sydd â phroblemau tebyg. Mae Your Space yn leoliad sydd yn deall ac sydd yn fy nerbyn.
Ar y cyfan rydw i’n mwynhau fy rôl yn Your Space, ac mae’r bobl rydw i’n gweithio â nhw yn bobl sy’n deall, yn helpu ac yn glên. Mae’n awyrgylch braf i weithio ynddo ac rydw i’n teimlo fy mod wedi gwneud yn dda yn fy swydd, ac rydw i wedi magu hyder ers dechrau gweithio yn Your Space.”
Jasmine, Prentis yn Your Space.
Gŵyl Gelfyddyau Your Space
Ymunwch â ni ddydd Sadwrn, 2 Ebrill rhwng 12pm a 4pm am ddigwyddiad hwyliog i ddathlu cymuned Your Space ar Ddiwrnod Awtistiaeth y Byd. Bydd y digwyddiad yn Yellow and Blue a fydd yn cael ei gynnal gan Your Space.
Bydd lansiad ar gyfer albwm newydd Your Space ‘Songs out of the Ordinary’, yn agor y digwyddiad a bydd hefyd yn cynnwys cerddoriaeth, arddangosfeydd celf a ffotograffiaeth a gweithdai rhyngweithiol.
Mae’r digwyddiad cynhwysol hwn yn cynnwys hwyl i’r teulu cyfan! Bydd modd benthyg gwarchodwyr clyw addas.
Os hoffech chi ragor o wybodaeth am y gwasanaethau a’r cyngor sydd ar gael ar draws Cymru, ewch i
Rhwng 28 Mawrth – 2 Ebrill, mae’n Wythnos Derbyn Awtistiaeth, ac mae’r dathliad yn 60 oed eleni.
Yn ystod yr wythnos, byddwn yn amlygu rhai o’r prosiectau gwych mae Cyngor Wrecsam yn eu cefnogi yn ogystal â’r hyfforddiant sydd ar gael yn Wrecsam i helpu i greu cymdeithas sy’n gweithio i bobl awtistig.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Mae Cyngor Wrecsam yn gweithio’n agos gyda phartneriaid a sefydliadau ar draws y fwrdeistref sirol i godi ymwybyddiaeth o’r heriau mae pobl ag awtistiaeth yn eu hwynebu bob dydd, yn ogystal ag edrych ar ffyrdd o wella gwasanaethau’n barhaus i bobl ag awtistiaeth a’u teuluoedd.
Mae cwrs hyfforddiant ar-lein am ddim i godi ymwybyddiaeth o awtistiaeth hefyd, sydd ar gael i fusnesau lleol ac unigolion. Gobeithir y bydd mwy o bobl yn cwblhau’r hyfforddiant a chreu rhagor o gyfleusterau sy’n hygyrch i bobl sy’n byw gydag awtistiaeth a’u teuluoedd yn Wrecsam.
Dywedodd Alwyn Jones, Prif Swyddog Gofal Cymdeithasol yng Nghyngor Bwrdeistref Sirol Wrecsam, “Rydym wedi bod yn gweithio gydag aelodau o’r gymuned fusnes leol, rhieni, gofalwyr a phobl ar y sbectrwm awtistig i ddatblygu cymunedau sy’n ymwybodol o awtistiaeth ar draws y sir, gan ganiatáu i bobl sy’n byw gydag awtistiaeth a’u teuluoedd gael mynediad i wasanaethau a chyfleusterau rydym ni i gyd yn eu cymryd yn ganiataol, a’u mwynhau.
“Mae’n wych bod modd i mi ddweud bod pob un o’n llyfrgelloedd wedi cwblhau hyfforddiant a’u bod yn Ymwybodol o Awtistiaeth, ac rydym wedi gwneud yr hyfforddiant yn orfodol i holl staff y cyngor yn ddiweddar. Mae’n gwneud gwahaniaeth mawr i bobl sy’n byw gydag awtistiaeth a’u teuluoedd, ac rydym yn edrych ymlaen at weld rhagor o fusnesau a sefydliadau lleol yn dod i gwblhau’r hyfforddiant a bod yn Ymwybodol o Awtistiaeth.”
Hyfforddiant Ymwybyddiaeth o Awtistiaeth
Mae’r cynllun Ardystio Ymwybyddiaeth o Awtistiaeth wedi’i anelu at bawb sy’n dymuno cael gwell ymwybyddiaeth a dealltwriaeth o awtistiaeth. Ar ôl cwblhau’r hyfforddiant, byddwch chi’n cael tystysgrif bersonol i’w lawrlwytho.
Mae Dy Le Di yn elusen gofrestredig sy’n gweithio’n agos gyda Chyngor Wrecsam i ddarparu cefnogaeth i oedolion ifanc a phlant ar y sbectrwm awtistig a’u teuluoedd. Mae rhagor o wybodaeth am Dy Le Di ar gael trwy eu gwefan (add link)
Gŵyl Gelf Dy Le Di
Ymunwch â ni ddydd Sadwrn, 2 Ebrill rhwng 12pm – 4pm am ddigwyddiad difyr i ddathlu cymuned Dy Le Di ar Ddiwrnod Awtistiaeth y Byd. Dy Le Di fydd yn cynnal y digwyddiad, yn Yellow a Blue.
Bydd y digwyddiad yn agor gyda lansio albwm newydd Dy Le Di, ‘Songs out of the ordinary’, a bydd hefyd yn cynnwys cerddoriaeth, celf ac arddangosfeydd ffotograffiaeth a gweithdai rhyngweithiol.
Mae’r digwyddiad hwn yn cynnwys y teulu cyfan. Bydd modd benthyg teclynnau diogelu’r clustiau.
Os hoffech ragor o wybodaeth am y gwasanaethau a chyngor sydd ar gael ar draws Cymru, ewch i
Mae’r strwythur wedi ei drawsnewid yn fawr dros y 18 mis diwethaf, gan ei droi o fod yn fonolith diflas o’r 1960au i adeilad modern llawn bywyd – yn addas ar gyfer cyflenwi gwasanaethau cyhoeddus modern.
Yn gynharach heddiw (ddydd Mawrth, 15 Mawrth) agorwyd y swyddfeydd gan Faer Wrecsam, y Cynghorydd Ronnie Prince, yn ogystal ag Arweinydd Cyngor Wrecsam, y Cynghorydd Mark Pritchard, a’r Prif Weithredwr, Ian Bancroft.
Mae’r agoriad yn cyd-daro â nifer o staff y cyngor yn dychwelyd yn raddol i’r swyddfa yn dilyn cyfnodau hirion o weithio gartref yn ystod y pandemig.
Ac yn ddiweddarach eleni, bydd Canolbwynt Lles Cymunedol newydd Wrecsam – sy’n cyfuno gwasanaethau iechyd, gofal cymdeithasol a chefnogaeth y sector gwirfoddol, mewn partneriaeth â Bwrdd Iechyd Prifysgol Betsi Cadwaladr – hefyd yn agor ar y safle.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
Ymgymerwyd â’r gwaith gan gwmni lleol, Reed Construction, gyda chymorth cyllid gan Lywodraeth Cymru.
Lleihau ôl troed carbon
Dywed Maer Wrecsam, y Cynghorydd Ronnie Prince:
“Mae hwn wedi bod yn ddatblygiad anhygoel, sydd wedi rhoi bywyd newydd i adeilad a oedd wirioneddol angen ei foderneiddio.
“Mae bellach yn adeilad allweddol yng nghanol y dref, a bydd yn darparu safle ar gyfer staff gofal cymdeithasol, yn ogystal â lleoliad newydd ar gyfer Adran Addysg ac Ymyrraeth Gynnar y cyngor.”
Dywed y Cynghorydd Mark Pritchard, Arweinydd Cyngor Wrecsam:
“Mae’r trawsnewid wedi bod yn anhygoel, ac mae gennym bellach leoliad gwaith sy’n addas ar gyfer cyflenwi gwasanaethau modern i bobl leol.
“Bydd tua 625 o staff yn defnyddio Adeiladau’r Goron fel safle, gan gynyddu nifer yr ymwelwyr i ganol y dref. Bydd y swyddfeydd yn cynnwys desgiau, ardaloedd trafod, fideogynadledda a chyfleusterau eraill a fydd yn darparu’r offer a’r amgylchedd sydd eu hangen ar y staff.”
“Rydym hefyd wedi gwella perfformiad ynni’r adeilad. Roedd hyn yn un o brif sbardunau’r cynllun o’r dechrau.”
Dywed Ian Bancroft, y Prif Weithredwr:
“Buom yn gweithio’n agos gyda’r contractwr i wella effeithlonrwydd thermol yr adeilad, ac rydym hefyd wedi defnyddio’r gofod yn y to i gadw paneli solar a fydd yn lleihau’r ôl troed carbon ymhellach.
“Mae gennym bellach adeilad sydd nid yn unig yn dda i’r gweithwyr a’r cymunedau’r ydym yn eu gwasanaethu, ond sydd hefyd yn well i’r amgylchedd.
“Mae’n bopeth y dylai lleoliad gwaith modern, hyblyg, fod.”
Rydym yn gyffrous iawn i gyflwyno pennaeth dros dro ein hysgol gynradd cyfrwng Cymraeg newydd, fydd yn agor ym mis Medi ac yn darparu addysg i blant 3 i 11 oed. Mae’r ysgol, Ysgol Llan-y-pwll wedi’i lleoli yn ardal Borras canol y dref.
Ganwyd Rhiannon James yn Wrecsam ac mae’n dal i fyw yn yr ardal gyda’i gŵr a thri o blant ac mae’n awyddus i ddechrau yn ei rôl newydd. Dywedodd “Rwy’n gyffrous iawn am gael fy mhenodi yn bennaeth cyntaf Ysgol Llan-y-pwll.
Bydd yr ysgol yn agor ei drysau i ddisgyblion meithrin a derbyn ym mis Medi fel rhan o strategaeth Llywodraeth Cymru i gael miliwn o siaradwyr Cymraeg erbyn 2050.
“Rwy’n edrych ymlaen at groesawu ein disgyblion cyntaf a’u harwain a’u cefnogi ar eu siwrnai gyffrous o ddysgu drwy’r amrywiaeth o brofiadau dynamig a ddarperir gan yr ysgol. Bydd yn gyfle anhygoel ac rwy’n edrych ymlaen at sefydlu ysgol hapus a chroesawgar gydag ethos cymuned sy’n ffynnu. Gan y byddaf y pennaeth cyntaf yn yr ysgol, byddaf yn gallu gosod gweledigaeth glir o’r hyn rwy’n gobeithio ei gyflawni.
“Rwy’n teimlo ei bod yn fraint cael y cyfle i arwain a datblygu’r math o ysgol y teimlaf y dylai pob plentyn gael mynediad iddi; un lle mae pob plentyn yn bwysig, yn cael eu meithrin ac yn llwyddiannus.
Derbyniodd Rhiannon ei haddysg gynradd yn Ysgol Bodhyfryd a’i haddysg uwchradd yn Ysgol Morgan Llwyd. Yn dilyn hyn, astudiodd ar gyfer gradd Seicoleg ym Mhrifysgol Caerhirfryn ac yna cwblhaodd gwrs TAR ym Mhrifysgol Metropolitan Manceinion. Dechreuodd ei gyrfa addysgu yn Ysgol Gwynedd, Y Fflint cyn symud i ddysgu yn Ysgol Bryn Tabor, Coed-Poeth yn 2009. Mae hi’n Ddirprwy Bennaeth yno ar hyn o bryd ond bydd yn dechrau yn ei rôl newydd fel pennaeth dros dro yn Ysgol Llan-y-pwll yn nhymor yr haf.
Bydd yna lawer o benderfyniadau i’w gwneud a nifer o bethau i’w rhoi ar waith cyn agor Ysgol Llan-y-pwll yn swyddogol ym mis Medi.
Dywedodd y Cyng. Phil Wynn, Aelod Arweiniol Pobl – Addysg, “Rydym yn gyffrous iawn am agor yr ysgol gynradd cyfrwng Cymraeg newydd. Dylai rhieni ystyried anfon eu plant i Llan-y-pwll gan y bydd yn amgylchedd hapus, croesawgar a gofalgar ble bydd pawb yn llwyddo. Mae penodiad Rhiannon fel Pennaeth dros dro yn rhoi’r ysgol mewn dwylo medrus iawn ac rwy’n hyderus y bydd yn ffynnu gyda’i gweledigaeth i ddatblygu amgylchedd hapus ble gall y plant ffynnu.”
Dywed Karen Evans, Prif Swyddog Addysg ac Ymyrraeth Gynnar: “ Mae hwn yn dechrau taith cyffroes i Ysgol Llan-y-pwll a bydd y sefydliad o Ysgol gynradd newydd yn Wrecsam yn cadarnhau ein gwaith i ddarparu lefelau uchel o addysg i bob plentyn yn y sir.”
Os yw eich plentyn yn dathlu eu 3ydd neu 4ydd pen-blwydd cyn 1 Medi 2022, gallwch gyflwyno cais ar-lein yn www.wrecsam.gov.uk neu e-bost admissions@wrexham.gov.uk am gymorth pellach.
Efallai eich bod sylwi bod rhywfaint o’r gwaith adeiladu wedi dechrau ar Adeiladau’r Goron ar Stryt Caer yng nghanol tref Wrecsam. Mae’r gwaith yma’n rhan o broses gyffrous newydd i drawsnewid llawr gwaelod yr hen adeilad yn ‘Gyfleuster Iechyd a Lles Cymunedol’ newydd ar gyfer Wrecsam.
Gyda chymorth cyllid gan Lywodraeth Cymru, bydd y gofod yn darparu gwasanaethau iechyd, gofal cymdeithasol, trydydd sector a chymunedol integredig. Y nod yw ei gwneud hi’n haws i bobl, teuluoedd a gofalwyr o bob oedran allu cael gafael ar wybodaeth, cyngor a chymorth.
Prosiect partner yw cyfleuster Iechyd a Lles Cymunedol Wrecsam rhwng Cyngor Wrecsam, Bwrdd Iechyd Prifysgol Betsi Cadwaladr a Chymdeithas Mudiadau Gwirfoddol Wrecsam. Bydd yn adeiladu ar, yn hytrach na dyblygu gwasanaethau sydd eisoes ar gael yng nghanol tref Wrecsam ac ardaloedd lleol eraill.
Bydd y gofod yn gweithredu fel lleoliad canolog ar gyfer ystod o gyfleusterau hygyrch, gan alluogi pobl a theuluoedd sydd ag ystod eang o anghenion cefnogi i gymryd rhan gyda gwasanaethau cymunedol yn ogystal â chael mynediad hawdd at wybodaeth a chyngor ataliol.
Nod y cyfleuster yw ffurfio cysylltiadau gydag asiantaethau eraill a llwybrau cefnogi er mwyn darparu amrywiaeth o wybodaeth, cyngor a chefnogaeth i bobl, teuluoedd a gofalwyr.
Bydd lloriau uchaf yr adeilad yn lleoliad i staff gofal cymdeithasol sydd yn helpu i ddarparu gwasanaethau plant ac oedolion, yn ogystal â dod yn lleoliad newydd ar gyfer ein Hadran Addysg ac Ymyrraeth Gynnar.
Dywedodd y Cynghorydd Mark Pritchard Arweinydd y Cyngor ac Aelod Arweiniol Asedau, “Bydd y cyfleuster Iechyd a Lles Cymunedol yn ei gwneud hi’n haws i bobl, teuluoedd a gofalwyr gael gafael ar wybodaeth, cyngor a chymorth. Mae’r manylion dylunio yn bwysig gan y byddant yn gwella perfformiad ynni yr adeilad, gyda’r ffocws ar ymagwedd ‘adeiladwaith yn gyntaf’ er mwyn gwella effeithlonrwydd thermal amlen yr adeilad. Bydd paneli ffotofoltäig yn cael eu gosod ar y to hefyd er mwyn gostwng allyriadau carbon a gwella allyriadau carbon yr adeilad ymhellach. “Mae’n brosiect cyffrous a fydd yn cael effaith gadarnhaol ar y gymuned ac yn trawsnewid yr hen adeilad mewn i ofod a fydd yn gwneud gwahaniaeth i fywydau pobl sy’n byw a gweithio yn Wrecsam.”
Dywedodd y Cynghorydd Andrew Atkinson, Aelod Arweiniol Gwasanaethau Plant, “Dyma brosiect cyffrous iawn a fydd o fudd i bawb yn Wrecsam. Bydd yn darparu mynediad gwell at weithwyr proffesiynol i aelodau’r cyhoedd ac ymagwedd fwy hyblyg at ddarpariaeth. Bydd plant a theuluoedd hefyd yn elwa o fynediad gwell at gyfleusterau gwell yng nghanol y dref, gan hyrwyddo cydraddoldeb drwy sicrhau y gall pobl sydd ag anghenion penodol gael gafael ar yr un cyfleusterau yng nghanol y dref â theuluoedd eraill.”
Dywedodd y Cynghorydd Joan Lowe, Aelod Arweiniol Gofal Cymdeithasol i Oedolion, “Bydd cyfleuster Iechyd a Lles Cymunedol Wrecsam yn ychwanegiad gwych i ganol tref Wrecsam, bydd yn darparu cefnogaeth i bobl sydd angen cyngor neu wybodaeth am ystod eang o bynciau. Fe fydd hi’n haws i bobl gael gafael ar wybodaeth a chyngor mewn un lle yn ogystal â darparu safle lle gall sefydliadau partner weithio’n ddi-dor gyda’u gilydd i roi’r gofal a gwybodaeth gorau posib’ i unrhyw un sydd ei angen.”
Dywedodd y Cynghorydd Phil Wynn, Aelod Arweiniol Addysg, “Dyma gyfle gwych i Wrecsam gan y bydd Gwasanaethau Plant ac Addysg wedi’u cydleoli yn yr un adeilad, ac yn darparu gwell mynediad i blant a theuluoedd at y gwasanaethau cefnogaeth rydym ni’n eu darparu. Fel plentyn y chwedegau, dwi’n falch y bydd Adeiladau’r Goron yn cael eu hadnewyddu gan fod yr adeilad yn enghraifft cynnil o adeiladwaith y 1960au.”
Dywedodd y Cynghorydd John Pritchard, Aelod Arweiniol Pobl – Gwasanaeth Ieuenctid a Gwrthdlodi, “Dyma brosiect cydweithio gwych a bydd y gwasanaethau sy’n cael eu darparu yn estyn allan at bawb o bob oedran yn Wrecsam. Fe fydd y gwasanaethau hyn yn fwy hygyrch yn sgil yr adeilad. Mae’n gyffrous iawn ac alla’ i ddim aros i weld y gwasanaethau yn gwella bywydau pobl yn yr ardal.”
Dywedodd Karen Evans – Cyfarwyddwr Cynorthwyol Gwasanaethau Cymunedol, Bwrdd Iechyd Prifysgol Betsi Cadwaladr – Bydd datblygu cyfleusterau Iechyd a Lles Cymunedol yn Wrecsam yn rhoi cyfleoedd newydd i bobl gael gafael ar wybodaeth, cyngor a gwasanaethau iechyd a lles mewn ffordd gyfannol. Mae’n bleser gennym fod yn cydweithio i ddylunio’r amgylchedd a’r gwasanaeth sy’n cael ei gynnig yn y cyfleuster ac rydym yn edrych ymlaen at ddarparu gwasanaethau iechyd a lles yma yn y dyfodol agos.
Mae John Gallanders – Prif Swyddog Cymdeithas Mudiadau Gwirfoddol Wrecsam yn falch iawn bod y trydydd sector wedi cael cyfle i fod yn rhan o ddatblygu’r cyfleuster Iechyd a Lles Cymunedol. Bydd cyfranogiad y trydydd sector yn sicrhau bod cefnogaeth gyfannol yn gysylltiedig â’r Awdurdod Lleol a’r Bwrdd Iechyd i bobl sydd angen ystod eang o gymorth. Gyda chymaint o bethau’n effeithio ar fywydau pob, bydd cael un pwynt cyswllt yn osgoi gorfod mynd a dod. Dros y misoedd nesaf, bydd Cymdeithas Mudiadau Gwirfoddol Wrecsam yn cysylltu â sefydliadau trydydd sector allai fod yn rhan o ddarpariaeth y gwasanaeth.’
Bydd y manylion dylunio yn gwella perfformiad ynni’r adeilad yn sylweddol, ac roedd hyn yn gymhelliant mawr o ddechrau’r cynllun. Gan weithio’n agos gyda’r contractwr a’u dylunwyr, bu’r ffocws ar ddull “adeiladwaith yn gyntaf” er mwyn gwella effeithlonrwydd thermal cyffredinol amlen yr adeilad er mwyn lleihau allyriadau carbon.
Bydd y to yn cael ei ddefnyddio’n llawn er mwyn gosod nifer o baneli ffotofoltäig a fydd yn gwella ôl troed carbon yr adeilad trwy gynhyrchu ynni adnewyddadwy ar y safle.
Ar ôl i’r gwaith gael ei gwblhau, bydd yr adeilad yn cyrraedd gradd ‘B’ a fydd yn arddangos gostyngiad sylweddol mewn allyriadau carbon a byddai’r perfformiad yn gymaradwy â nifer o brosiectau adeiladu newydd.
Disgwylir i’r gwaith gymryd hyd at 18 mis i’w gwblhau a’r gobaith yw y bydd cyfleuster Iechyd a Lles Cymunedol Wrecsam yn agor i’r cyhoedd yn fuan yn 2022.
Fel y gwyddom i gyd, mae toriadau dinistriol wedi bod i gyllid llywodraeth leol ers i’r caledi ariannol ddechrau yn 2007/08, ac yn ystod y cyfnod hwn rydych wedi rhoi eich safbwyntiau ar gynigion am arbedion.
Eleni rydym yn gofyn un cwestiwn – beth ydych chi’n credu y dylem ei wneud?
Er bod dal ansicrwydd ynghylch cyllideb flwyddyn nesaf, bydd Llywodraeth Cymru yn darparu rhagor o wybodaeth tuag at ddiwedd mis Rhagfyr, rydym yn gwybod y bydd yr angen i wneud penderfyniadau anodd yn parhau a bydd y rhain yn cynnwys gwneud mwy o doriadau.
Rhwng 30 Tachwedd a 13 Rhagfyr, byddwch yn gallu rhoi gwybod i ni beth yw eich safbwyntiau mewn pedwar ffordd wahanol:
Llenwi’r arolwg – naill ai ar-lein neu ar bapur. Os hoffech gopi papur o’r arolwg, anfonwch e-bost atom i ofyn am hyn gan gynnwys eich manylion cyswllt ar telluswhatyouthink@wrexham.gov.uk neu ffoniwch 01978 292000.
Mynychu sesiwn zoom cyhoeddus ar-lein dydd LLun, 7 Rhagfyr 2020, 5pm-6pm (cofrestrwch eich diddordeb drwy anfon e-bost at modernwaysofworking@wrexham.gov.uk erbyn dydd Iau, 3 Rhagfyr. Gadewch i ni wybod beth yw eich enw, ac os ydych yn cynrychioli unrhyw grŵp neu sefydliad.
Fe allwch chi hefyd ysgrifennu atom yn ‘Dywedwch Eich Barn’, 3rd Floor Annex, Neuadd y Dref, Wrecsam, LL11 1AY
Dyma ychydig o bwyntiau i chi ystyried wrth feddwl am eich syniadau:
Mae’n rhaid i ni ddarparu gwasanaeth yn ôl y gyfraith; pethau fel gofal cymdeithasol ar gyfer oedolion a phlant, ac ysgolion / addysg.
Mae costau eraill y mae’n rhaid i ni eu talu, er enghraifft ar gyfer gwaredu gwastraff neu fudd-daliadau tai.
Gellir gwneud arbedion effeithlonrwydd yn y meysydd hyn, ond mae’n rhaid dal darparu’r gwasanaeth.
Bydd nifer o’r toriadau yn dod o feysydd eraill yn ôl disgresiwn
Hefyd rydym angen ystyried ffyrdd o greu incwm a ffynonellau o incwm, megis lefelau Treth Y Cyngor.
Croesawir awgrymiadau eraill hefyd – bydd yr ymgynghoriad yn cynnwys pob eitem ar y rhestr o arbedion mae rhaid i ni eu gwneud, ond y rhain yw’r meysydd y mae rhaid i ni ganolbwyntio arnynt.
Dywedodd y Cynghorydd Mark Pritchard, Arweinydd y Cyngor: “Yn Wrecsam, mae ein cynllun ariannol tymor canolig yn nodi diffyg o ryw £18miliwn ar gyfer y cyfnod 2021-24. Mae hyn yn ychwanegol i’r £11 miliwn sydd wedi’i arbed yn ystod y dair blynedd diwethaf (gan gynnwys y flwyddyn ariannol gyfredol). Yn ystod y cyfnod o galedi ariannol mae’r Cyngor wedi gwneud toriadau ac arbedion effeithlonrwydd o dros £64 miliwn. Rydym yn gofyn i chi roi gwybod i ni sut y gellir gwneud yr arbedion hyn. Nid oes penderfyniadau wedi cael eu gwneud – rydym angen clywed beth sydd gennych i ddweud cyn i ni allu eu gwneud.”
Dywedodd y Cynghorydd Hugh Jones, Aelod Arweiniol Pobl – Cymunedau, Partneriaethau, Gwarchod y Cyhoedd a Diogelwch Cymunedau “Unwaith eto, mae’n rhaid gwneud penderfyniadau anodd a bydd eich awgrymiadau yn chwarae rhan bwysig yn y ffordd yr ydym yn cynllunio gwneud y toriadau angenrheidiol i’n cyllideb. Efallai bydd pob preswylydd yn Wrecsam yn cael eu heffeithio gan unrhyw newidiadau arfaethedig, felly mae’n hanfodol bod gymaint o bobl â phosibl yn cymryd rhan yn yr ymgynghoriad hwn.”
Yng Nghyngor Wrecsam rydym yn falch o ddarparu cartrefi gydol oes o ansawdd ardderchog i’n tenantiaid. Bydd y gwaith a wnawn yn awr, yn ddim byd tebyg i’r hyn a wnaethom o’r blaen. Mae’r eiddo hyn wedi cael eu hadnewyddu yn llwyr o’r top i’r gwaelod, gan gynnwys ceginau ac ystafelloedd ymolchi newydd, gwaith plastro, gwaith trydanol, gwaith allanol a mwy.
Yn flaenorol, doedden ni ddim mewn sefyllfa ariannol i gynnig eiddo wedi’i adnewyddu i denantiaid newydd ac roeddent yn cael eu cyflwyno yn y cyflwr y gadawyd nhw ynddo, a dim ond gwaith i’w gwneud yn ddiogel oedd yn cael ei wneud cyn i denantiaid symud i mewn. Rydym wedi symud yn bell o hynny erbyn hyn, gan ragori ar y Safon Ansawdd Tai Cymru. Rydym bellach yn cofrestru tenantiaid newydd i eiddo sy’n debyg i ‘gartref arddangos’ y gallant fod yn falch ohono, ac y gallwn ni fod yn falch ohono.
Dywedodd Steve, Saer – Cyngor Wrecsam “Beth allaf ei ddweud, roedd yr eiddo roeddem yn arfer eu rhoi yn ôl yn wael. Dim ond gwasanaeth atgyweirio oeddem y dyddiau hynny a gofynnwyd i ni drwsio pethau. Byddwn yn embaras wrth fynd i mewn a gwneud y gwaith pan oedd y tenantiaid yno, roeddent bob amser yn edrych yn siomedig ein bod ond yn ‘gwneud y pethau sylfaenol’, a byddant yn teimlo y byddai’n dasg enfawr iddynt addurno i safon resymol. Yr adeg hynny, byddent yn cael lwfans addurno a fyddai prin yn talu am y paent ar gyfer lawr grisiau, ond mewn gwirionedd roedd y tŷ cyfan angen mwy na dim ond cot o baent.
Ond erbyn hyn – mae’n drawsnewidiad llwyr. Mae’r eiddo cyfan yn cael ei adnewyddu o’r top i’r gwaelod ac rydym bellach yn defnyddio ein sgiliau i’w potensial llawn, nid dim ond trwsio. Rydym yn darparu cartrefi i bobl y maent yn eu caru ac nid oes rhaid iddynt wneud unrhyw beth iddynt. Rwy’n teimlo’n falch pan welaf ymateb pobl i’w cartrefi newydd, mae’n gwneud i ni deimlo fel bod y gwaith a wnawn i gyd yn werth yr ymdrech. Mae’r boddhad o’r swydd yn hynod. Nawr bod gennym amrywiol sgiliau, mae’n golygu ein bod yn llawer mwy effeithlon ac effeithiol ac y gallwn gynnig gwasanaeth llawer mwy proffesiynol.”
Dywedodd Claire, Swyddfa Ystâd Rhos – Cyngor Wrecsam “mae’n rhoi llawer mwy o foddhad i mi nawr wrth gofrestru tenantiaid newydd, rwy’n falch o gael rhoi’r goriadau iddynt. Pan oeddwn yn cofrestru pobl o’r blaen, byddwn yn ceisio darbwyllo tenantiaid i beidio ag edrych gormod ar y décor, ac ar ôl iddynt addurno, byddai’n teimlo’n llawer mwy cartrefol.”
Dywedodd Miss Roberts, Tenant Cyngor Wrecsam – “Mae fy nhŷ newydd yn fendigedig, mae wedi ei gwblhau i safon mor uchel, y tu mewn a’r tu allan. Rwy’n teimlo’n lwcus iawn i gael cartref mor hyfryd. Mae fy swyddfa ystâd lleol wedi bod mor wych ac wedi fy nghefnogi bob cam o’r ffordd.”
Mae’r cynnyrch o’r safon uchaf a gynigiwn erbyn hyn, trwy fuddsoddiad a oedd gwir ei angen yn ein stoc dai, yn golygu ein bod hefyd yn gostwng cost ein hymateb i geisiadau am waith atgyweirio ac felly mae llai o amharu ar ein tenantiaid hefyd. Rydym hefyd wedi cael y cyfle i gynnig prentisiaethau masnach a swyddi i bobl leol, gan helpu ein heconomi lleol, cefnogi ein cymunedau a’u gwneud yn lleoedd i fod yn falch ohonynt.
Dywedodd y Cyng. David Griffiths – “Mae’n braf gweld bod y gwaith caled a’r buddsoddiad yn talu ar ei ganfed; boddhad swydd, tenantiaid hapus a chymunedau sy’n ffynnu.”
