Awdur: Gill Stevens

Clod mawr i Feithrinfa Ddydd Mother Goose ym Mhenley, sydd wedi cael dwy wobr wych gan neb llai na Llywodraeth Cymru.

Mae ei hymrwymiad i sicrhau iechyd ei rhai bach, gan gynnwys maetheg, iechyd y geg, gweithgarwch corfforol, chwarae, iechyd meddyliol ac emosiynol, lles a pherthnasau wedi ennill gwobr Cynllun Iechyd a Chynaliadwyedd Cyn Ysgol iddi.

Mae hi hefyd wedi ennill gwobr Tiny Tums i gydnabod y bwyd y mae’n ei baratoi a’i weini.

Mae gan y feithrinfa fan awyr agored gwych i blant chwarae a dysgu yn ogystal â safonau uchel o ran diogelwch a hylendid

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Mae aelod o’n staff, Nerys Bennion, sef y Swyddog Cyn-Ysgolion Iach, wedi bod yno yn helpu ar hyd y daith i gyflawni’r wobr hon.

“iechyd a lles yn flaenllaw”

Dywedodd Nerys Bennion, Swyddog Cyn-Ysgolion Iach:

“Mae Meithrinfa Ddydd Mother Goose wedi dangos bod iechyd a lles cyffredinol plant a staff yn flaenllaw iawn yn y lleoliad. Mae amgylchedd y lleoliad yn hyfryd y tu mewn a’r tu allan. Mae’n croesawu pob menter sy’n gallu helpu i ddylanwadu ar arfer yn y feithrinfa a gwneud y profiad i staff a phlant yn un arbennig iawn. Rwy’n siŵr y bydd yn parhau i hyrwyddo amgylchedd iach a hapus ar gyfer y plant a fydd yn derbyn gofal yn y dyfodol.”

Dywedodd y Cynghorydd Phil Wynn, yr Aelod Arweiniol dros Addysg:

“Llongyfarchiadau i bob un sy’n gysylltiedig â’r wobr haeddiannol hon. Da iawn bawb.”

Meddai Michelle Jones, rheolwr Mother Goose:

“Hoffem ddiolch i Nerys am ei chefnogaeth gyda’r cynllun hwn. Rydym yn falch o fod wedi cwblhau’r fenter hon sy’n cefnogi ein harfer da yn Meithrinfa Mother Goose.”

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Yn ddiweddar fe wnaethon ni gyhoeddi Adroddiad Blynyddol Cyfarwyddwr y Gwasanaethau Cymdeithasol, sy’n edrych ar ba mor dda yw’n gwasanaethau yn Wrecsam a sut rydym wedi gweithio gyda phartneriaid a phobl leol.

Mae hefyd yn nodi ein cynlluniau ar gyfer y dyfodol a sut mae’r rhain yn cael eu selio ar beth wnaethoch chi ddweud wrthym oedd ei angen arnoch.

Gan fod gennym lai o adnoddau bellach ond fod mwy o alw, rhaid i ni feddwl yn wahanol ynglŷn â sut yr ydym yn darparu gwasanaethau, a byddwn yn parhau i weithio’n agos â phartneriaid, teuluoedd ac unigolion i hybu eich lles.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Dywedodd y Cynghorydd Joan Lowe, Aelod Arweiniol Iechyd a Gofal Cymdeithasol i Oedolion:

“Mae’r braf iawn darllen yr adroddiad ac rydw i’n falch fod staff yn gallu ymateb i’r her o ddarparu gwasanaethau gyda llai o adnoddau. Mae eu hymroddiad a’u hymrwymiad at ofal i’w ganmol a hoffwn ddiolch i bawb am eu cymorth parod parhaus wrth gefnogi’r mwyaf agored i niwed yn ein plith.”

Dyma rai o’r pethau yr hoffem eu gwneud yn y 12 mis nesaf.

• Parhau i ddatblygu ein gwasanaethau Cymraeg i fodloni ein Safonau Iaith Gymraeg.
• Sicrhau fod ein cynlluniau gofal a chymorth ar gyfer pobl ifanc yn canolbwyntio mwy ar ganlyniadau a monitro os yw’r canlyniadau personol a gytunwyd arnynt yn cael eu cyflawni.
• Parhau i ddatblygu ein cefnogaeth i bobl yn eu cartrefi eu hunain er mwyn darparu annibyniaeth.
• Sefydlu tîm diogelu yn y gwasanaeth Gofal Cymdeithasol i Oedolion.
• Cael mwy o Asiantwyr cymunedol i weithio ym mhob rhan o’r fwrdeistref.
• Ceisio defnyddio arian grant i drechu digartrefedd ar gyfer rhai sy’n gadael gofal yn Wrecsam.

Gallwch edrych ar Adroddiad Blynyddol Cyfarwyddwr y Gwasanaethau Cymdeithasol yma

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Rydym wedi newid ein dull o ran sut rydym yn delio ag atgyfeiriadau i wasanaethau plant er mwyn sicrhau y cedwir y plentyn wrth wraidd yr asesiadau a wneir.

Rydym bellach yn gwneud mwy i ddeall amgylchiadau plant a beth maen nhw ei eisiau. Yn ogystal ag adnabod cryfderau a galluoedd eu teuluoedd.

Mae’r tîm Pwynt Mynediad Sengl hefyd wedi’i wneud yn fwy. Y tîm hwn yw’r pwynt cyswllt cyntaf i unrhyw un sy’n gwneud atgyfeiriad newydd i’r gwasanaethau plant – yn cynnwys asiantaethau partner a’r cyhoedd.

Mae’r tîm bellach yn cynnwys Swyddog Cymorth Cymunedol yr Heddlu, gyda gweithiwr cymdeithasol cyfiawnder ieuenctid, gweithiwr cymdeithasol addysg ac ymwelydd iechyd i ymuno â’r tîm yn 2017.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

mewn perygl, byddwn yn gweithredu’n ddi-oed i ddiogelu ei les.
Rydym wedi perfformio’n well nag unrhyw gyngor yng Nghymru, felly rydym ni’n mynd i barhau i fonitro ein gwaith a’r ffordd y bydd ein gwasanaeth yn cadw’r plentyn wrth wraidd y mater.

“y plentyn yw calon ein hasesiad”

Meddai’r Cynghorydd Bill Baldwin, Aelod Arweiniol y Gwasanaethau Plant:

“Mae deall sut mae person ifanc yn teimlo yn hanfodol bwysig i fodloni eu hanghenion, ac anghenion eu teulu. Dyna pam bod gweld a siarad efo’r plentyn wrth graidd ein proses asesu ni.

Cymerwyd yr erthygl hon o’r Adroddiad Cyfarwyddwyr Gwasanaethau Cymdeithasol Blynyddol sydd ar gael yma

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Yn Wrecsam, mae tîm hwyluso gofal diwedd oes MacMillan, BIPBC a Chyngor Wrecsam wedi cynorthwyo ‘Rhaglen Addysg Chwe Cham o Ofal Lliniarol a Diwedd Oes’, ar gyfer staff mewn Cartrefi Nyrsio.

Mae’n bwysig bod unigolion mewn cartrefi gofal yn cael dweud eu dweud am eu dewisiadau gofal, ac mae’r rhaglen addysg yma’n galluogi staff i gefnogi unigolion gydag urddas, sensitifrwydd a thrugaredd.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Derbyniodd y Cartrefi Gofal a fu’n rhan o’r fenter eu tystysgrif ar ran eu sefydliadau mewn seremoni yn Neuadd y Dref yn ddiweddar.

Mae cartrefi nyrsio yn chwarae rôl hanfodol yng ngofal pobl hŷn ar ddiwedd eu hoes. Maent yn darparu gofal lliniarol i 16% o’r boblogaeth, ac mae’r ffigwr hwn yn cynyddu i 30% i rai dros 85 mlwydd oed. Mae’n hanfodol bwysig felly bod y gweithlu’n cael ei hyfforddi i ddarparu gofal o ansawdd uchel sy’n seiliedig ar dystiolaeth i gleifion sy’n nesáu at ddiwedd eu hoes.

“Cysur a chymorth”

Dywedodd y Cynghorydd Joan Lowe, Aelod Arweiniol Iechyd a Gofal Cymdeithasol i Oedolion:

“Yn anffodus, mae’n rhaid i bawb ohonom ar ryw adeg baratoi am farwolaeth un o’n hanwyliaid. Bydd gallu siarad gyda gofalwyr sydd wedi’u hyfforddi’n arbennig yn y maes hwn yn gysur ac yn gymorth i deuluoedd. Fe hoffwn ddiolch i’r bobl sydd wedi cyflwyno’r rhaglen hon am eu hymroddiad a sensitifrwydd tuag at y pwnc anodd hwn, ac i’r cartrefi gofal sydd yn croesawu’r fenter.”

Yn ganolbwynt i’r rhaglen Chwe Cham, mae enwebu staff ym mhob lleoliad gofal a fydd yn cefnogi gofal lliniarol a diwedd oes.

Y cartrefi gofal yn Wrecsam a fu’n rhan o’r hyfforddiant oedd Plas Rhosnesni, Cae Bryn, Highfield/Bryn Bella, Llangollen Fechan, Bodlondeb a Neuadd Gwastad.

Derbyniwch newyddion a gwybodaeth gan Gyngor Wrecsam yn syth bin drwy Fy Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]

Os hoffech chi yrfa ym maes gofal cymdeithasol ac os ydych chi dros 18 oed, dyma’r digwyddiad i chi.

Mae gennym ni brentisiaethau ar gael ar hyn o bryd mewn gofal cymdeithasol ac mae ’na gyfle i gael gwybod mwy mewn prynhawn agored a fydd yn cael ei gynnal yng Nghanolfan Adnoddau Gwersyllt. Fe fyddwch chi’n gallu siarad gyda’r rhai sy’n elwa o’r gwasanaeth, rheolwyr gwasanaeth a gweithwyr cefnogi ynglŷn â gweithio yn y sector gofal cymdeithasol.

GALLWCH GAEL NEWYDDION A GWYBODAETH AR UNWAITH GAN GYNGOR WRECSAM GYDA FY NIWEDDARIADAU.

Mi fydd y digwyddiad yn cael ei gynnal ddydd Iau, 27 Gorffennaf rhwng 12.30pm a 4.00pm.

Rydyn ni’n chwilio am bobl sy’n ofalgar ac yn amyneddgar ac sy’n hoffi i bob diwrnod fod yn wahanol ac yn her.   Fe fyddwch chi hefyd yn cael eich talu wrth ddysgu sgiliau.

“cyfle gwych”

Dywedodd y Cynghorydd Joan Lowe, Aelod Arweiniol Iechyd a Gofal Cymdeithasol i Oedolion:

“Mae gweithio ym maes gofal cymdeithasol yn gallu rhoi boddhad mawr ac mae hwn yn gyfle gwych i weithio yn y sector a hefyd i gael profiad a chymwysterau gwerthfawr i barhau yn y proffesiwn.”

Mae’r digwyddiad yn cael ei gynnal gan Adran Datblygu Gweithlu’r Cyngor, sy’n gweithio mewn partneriaeth ag ITEC Wrecsam, a fydd yn cynnig llawer o hyfforddiant a phrofiad perthnasol er mwyn i chi allu cael cymwysterau llawn a chael mwy o waith yn y sector gofal.

Derbyniwch newyddion a gwybodaeth gan Gyngor Wrecsam yn syth bin drwy Fi Niweddariadau.

[button color=”” size=”large” type=”square_outlined” target=”new” link=”http://www.wrexham.gov.uk/welsh/user_register_w/register_w.cfm”]COFRESTRWCH FI[/button]