Awdur: Gill Stevens

Diolch yn fawr iawn i’r holl artistiaid, gerddi cymunedol, prosiectau celf defnyddiol/cymdeithasol a’r holl gyfranwyr eraill sydd wedi gwneud yr arddangosfa hon yn bosibl.

Diolch hefyd i fasnachwyr Cwrt Bwyd Tŷ Pawb a Hyb Amlddiwylliannol Gogledd Cymru am ddarparu’r bwyd cyffrous yn y digwyddiad agoriadol.

Cofrestrwch i gael newyddlen Tŷ Pawb yn syth i’ch blwch negeseuon

Mae Gardd Gorwelion / Horizon Garden yn archwilio tyfu cymunedol ac amgen mewn ymateb i’r brys cymdeithasol sy’n ymwneud â newid hinsawdd, ynysu cymdeithasol, unigrwydd a thlodi bwyd.

Fel rhan o’r arddangosfa byddwn yn rhoi sylw i rai o brosiectau Celf Gymdeithasol a thyfu Wrecsam gan gynnwys Gardd Gymunedol Coedpoeth a Gardd Furiog Erlas, yn ogystal â Maes Parcio Creadigol Tŷ Pawb – y prosiect gardd gymunedol sy’n cael ei ddatblygu ar ein to.

Byddwn hefyd yn proffilio enghreifftiau o brosiectau Celf Ddefnyddiol/Celf Gymdeithasol cenedlaethol gan gynnwys GRAFT – gardd a man gweithdy cymunedol dan arweiniad yr artist Owen Griffiths, mewn partneriaeth ag Amgueddfa Genedlaethol y Glannau (NWM) a NTH/NYA; Gardd Aeaf Grandby – gofod sy’n eiddo i’r gymuned a ddatblygwyd gan Grandby Four Streets a’r penseiri Assemble; a Company Drinks – man cymunedol a menter gymdeithasol yn Barking a Dagenham.

Mae angen JavaScript ar y sioe sleidiau hon.

Gan bwysleisio buddion lles natur, bydd yr arddangosfa hefyd yn ddihangfa werdd ffrwythlon a bywiog i ymwelwyr, yn cynnwys gwaith gan yr artistiaid gweledol Morag Colquhoun, Owen Griffiths, Jackie Kearsley, Sumuyya Khader, Jonathan LeVay, Ann McCay, Aidan Myers ac Alessandra Saviotti .

Mae’r arddangosfa’n cynnwys dau waith celf newydd a gomisiynwyd gan Tŷ Pawb ochr yn ochr â gwaith presennol gan artistiaid o Gymru a’r DU.

Rydym hefyd yn falch iawn o allu cyflwyno nifer o weithiau celf a fenthycwyd gan Amgueddfa Cymru, gan Graham Sutherland, Maurice de Vlaminck a Dr Harold Drinkwater.

Bydd Gardd Gorwelion ar agor o 28 Ionawr tan 8 Ebrill 2023.

Oriau agor yr oriel: 10am-4pm, dydd Llun i ddydd Sadwrn.

Darganfyddwch fwy ar ein gwefan.

Cofrestrwch rŵan

[button color=”” size=”large” type=”square_outlined” target=”new” link=” https://public.govdelivery.com/accounts/UKWCBC_CY/subscriber/new”] Cofrestrwch rŵan [/button]

Mae’r tîm Cymunedau am Waith a Mwy wedi cael eu llongyfarch am wneud gwahaniaeth positif i ddynion yn CEF Berwyn.

Mae’r tîm wedi bod yn siarad â dynion fydd yn cael eu rhyddhau cyn bo hir yn ardal Wrecsam ac yn eu cynghori pa fath o gefnogaeth sydd ar gael iddynt er mwyn eu helpu yn ôl i waith neu hyfforddiant.

Casgliad bin a fethwyd? Gadewch i ni wybod.

Rhoddodd CEF Berwyn wahoddiad i’r tîm, ynghyd ag eraill, i ddathlu eu cyflawniadau ar y cyd dros y flwyddyn ddiwethaf a chawsant wobr a thystysgrif i ddiolch am eu cyfraniad at wneud gwahaniaeth positif.

Cyflwynwyd y wobr gan Lywodraethwr CEF Berwyn, Nick Leader, ac arysgrifiwyd arni:

‘Diolch yn fawr iawn am roi cyfle i ddynion CEF Berwyn gael gwaith a’u helpu i wneud gwahaniaeth positif i’w dyfodol’.

Dywedodd y Cynghorydd Nigel Williams, Aelod Arweiniol yr Economi ac Adfywio, “Mae’r berthynas â CEF Berwyn yn un gref iawn erbyn hyn ac mae’r tîm yn edrych ymlaen at gydweithio yn y dyfodol fel bod y rhai sy’n nesáu at gael eu rhyddhau yn ymwybodol o’r cyfleoedd sydd ar gael iddynt.”

All Cymunedau am Waith a Mwy fy helpu i?

Mae gan Gymunedau am Waith a Mwy dîm ymroddedig o staff hynod o fedrus, sydd yn gallu cefnogi pobl sy’n byw yn Wrecsam drwy ddarparu mentora un-i-un sydd wedi’i addasu i anghenion unigolion.

• Sgiliau hanfodol
• Addysg a hyfforddiant
• Sgiliau digidol Sut i lwyddo mewn cyfweliad
• Cefnogaeth gyda CV a cheisiadau swyddi
• Cymhelliant a Hyder
• Cyngor ar fod yn hunangyflogedig
• Gwirfoddoli/Lleoliadau Gwaith
• Gwaith â Thâl

Os ydych yn ddi-waith ar hyn o bryd ac yn byw yn Wrecsam, yna gall Cymunedau am Waith Wrecsam eich helpu. Ewch i igofrestru eich manylion, a bydd aelod cyfeillgar o’r tîm yn cysylltu â chi.

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Mae landlordiaid preifat wedi’u gwahodd i gyfarfod nesaf y Fforwm Landlordiaid, ddydd Mercher, 1 Mawrth 2023 am 5:30pm ym Mhrifysgol Glyndŵr Wrecsam.

Casgliad bin a fethwyd? Gadewch i ni wybod.

Bydd y Siaradwyr yn cynnwys:

• Sandra Towers – Cymdeithas Landlordiaid Preswyl Cenedlaethol
• Nick Hodgetts – Glixtone, Arbenigwyr Lleithder a Llwydni
• Bethan Jones – y wybodaeth ddiweddaraf am Rhentu Doeth Cymru
• Diweddariad gan yr Awdurdod Lleol
• Jo Seymour – Cymru Gynnes – y wybodaeth ddiweddaraf am ECO 4
• Gwasanaeth Tân ac Achub Gogledd Cymru – dros dro ar hyn o bryd

Dylai pawb gwrdd ym mhrif dderbynfa Prifysgol Glyndŵr Wrecsam. Darperir lluniaeth.

Mae disgwyl i’r Fforwm fod wedi gorffen erbyn 7:30pm.

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Wrth i’r argyfwng costau byw barhau a gyda’r tywydd oer yn gafael, rydyn ni’n falch o allu diweddaru’r rhestr o Ganolfannau Clyd sydd ar gael yn y sir.

Casgliad bin a fethwyd? Gadewch i ni wybod.

Yn ogystal â’n holl lyfrgelloedd a’r Hwb Lles ar Stryt Caer, mae’r lleoliadau canlynol i gyd wedi llwyddo i gael cyllid grant i agor fel canolfannau clyd:

• Canolfan Glyd Bethel, Rhodfa Kenyon, Garden Village, LL11 2SP (dydd Mercher 10am–1pm).
• Clwb Bwyd Caia, Eglwys Sant Marc, Parc Caia, LL13 9LA (dydd Mawrth 11am–2pm).
• Y Ganolfan Gymdeithasol, Glyn Ceiriog, LL20 7HE (dydd Mercher 1pm–4pm).
• Cornel Glyd Cymuned Dolywern, Neuadd Goffa Oliver Jones, Dyffryn Ceiriog, LL20 7BA (dydd Mawrth a dydd Gwener 9.30am–3pm).
• Gardd Furiog Fictoraidd Erlas, Ffordd Bryn Estyn, Rhosnesni, LL13 9TY (dydd Llun i ddydd Gwener 10am–3pm).
• Canolfan Cefnogaeth Gymunedol Gwersyllt, Canolfan Adnoddau Gymunedol Gwersyllt, Gwersyllt, LL11 1ED (dydd Mawrth a dydd Iau 9am–1pm, dydd Mercher 10am–2pm).
• Adeilad yr Hwb, Parc Caia, LL13 8TH (dydd Mercher).
• Canolfan Glyd Tŷ Agored, Canolfan Adnoddau Gymunedol Acton, Acton LL12 7LB (dydd Gwener 10am–4pm).
• Canolfan Hamdden Plas Madoc, Plas Madoc, LL14 3HL (dydd Gwener 9am–12pm).
• Eglwys y Santes Fair, Rhiwabon, LL14 6TA (dydd Mawrth 12pm–4pm).
• Canolfan Glyd Canolfan Fenter Brymbo, Brymbo, LL11 5BT (dydd Mercher 10am–5pm).
• Croeso Cynnes yn Ymddiriedolaeth Gresffordd, LL12 8PS (dydd Iau 9.30am–12.30pm).
• Croeso Cynnes ar ddyddiau Llun yn Xplore!, Stryt Caer, Wrecsam LL13 8AE (dydd Llun 9.30am–2.30pm).

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Yn dilyn penderfyniad y Bwrdd Gweithredol heddiw, gall tir ger Fenns Bank a Bronington gael ei adfer yn fawndir sy’n storio carbon yn naturiol. Mae’r prosiect hwn yn cefnogi un o’r themâu a geir yn ein Cynllun Datgarboneiddio – Defnydd Tir ac Isadeiledd Gwyrdd .

Mae’r tir yn cynnwys ardaloedd o fawn, sydd â phriodweddau atafaelu carbon gwerthfawr iawn ac sydd hefyd yn addas ar gyfer plannu ychwanegol i gynyddu ein stoc llwyni, coed a choetiroedd, gan gefnogi natur a gwella bioamrywiaeth gyffredinol yr ardal.

Casgliad bin a fethwyd? Gadewch i ni wybod.

Mae mawn yn cynnwys carbon naturiol sydd wedi’i drapio yn y pridd ers miloedd o flynyddoedd, ac mae’n chwarae rhan bwysig iawn i drapio a storio carbon yn naturiol. Er mwyn cloi carbon mae’n rhaid i’r mawn fod yn tyfu, ac mae angen cynefin iach i hynny ddigwydd – bydd mawndiroedd difrodedig yn rhyddhau carbon deuocsid yn ôl i’r atmosffer, felly mae’n hollbwysig sicrhau bod mawndiroedd yn cael eu rheoli’n iawn.

Mae’r tir dan sylw yn agos iawn at Warchodfa Natur Genedlaethol Mawnogydd Fenns, Whixall a Llys Bedydd sydd, gyda Mawnogydd Wern a Cadney, yn Safle o Ddiddordeb Gwyddonol Arbennig sy’n ffurfio trydedd gyforgors iseldir mwyaf y DU.

I’r dyfodol, efallai y bydd cyfle i ddatblygu’r ardal fel man agored cyhoeddus, gwella hygyrchedd y llwybr cyhoeddus presennol a galluogi mynediad cymunedau i fyd natur, gweithgareddau addysgol a gofodau dysgu.

Meddai’r Cyng. Mark Pritchard, Arweinydd y Cyngor.: “Dyma brosiect unigryw ac un sydd â’r potensial i wella’r ardal a thynnu carbon o’n hamgylchedd. Hoffaf ddiolch i’r rheiny a oedd yn rhan o’r gwaith o ganfod y tir a chyflwyno cynlluniau cyffrous ar gyfer ei adfer.

“Bydd y systemau ecolegol y bydd yn eu hannog a’u cefnogi yn enfawr a bydd Wrecsam ar flaen y gad o ran prosiectau arloesol i leihau a gwrthbwyso allyriadau carbon yng Nghymru.”

Meddai’r Cyng. David A Bithell, Dirprwy Arweinydd y Cyngor a’r Cefnogwr Newid Hinsawdd: “Ym mis Medi 2019 datganasom argyfwng newid hinsawdd ac ecolegol, ac ers hynny mae llawer o waith wedi’i wneud i fynd i’r afael â’r argyfwng. Drwy’r prosiect hwn gallwn ddangos ein bod ni’n rhoi ein cynlluniau datgarboneiddio wrth wraidd ein penderfyniadau ac yn gwneud gwahaniaeth go iawn.”

Mae’r adroddiad llawn ar gael yma.

Gwybodaeth gefndir

Ym mis Medi 2019 datganasom argyfwng hinsawdd ac ecolegol ac ym mis Mai 2021 cyhoeddasom Gynllun Datgarboneiddio (y Cynllun).

Mae’r cynllun yn sefyll uwchlaw cynlluniau gweithredu sy’n seiliedig ar bum thema allweddol. Adeiladau ac Ynni, Cludiant a Symudedd, Defnydd Tir ac Isadeiledd Gwyrdd, Caffael a’r Gadwyn Gyflenwi, a Dylanwadu a Galluogi Newid yn ogystal â chamau gweithredu uwch sy’n rhan bwysig o’n hymateb i fynd i’r afael â’r argyfwng hinsawdd.

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Bore ‘ma mae Bwrdd Gweithredol y Cyngor wedi cytuno i ddarparu cymorth ariannol o £10,000 i Yellow and Blue (YaB) er mwyn iddynt wella ac estyn ei gynllun cymorth costau byw i drigolion.

Mae YaB yn sefydliad nid-er-elw sydd yn bennaf yn cefnogi dinasyddion diamddiffyn Wrecsam. Nod YaB ydi helpu unrhyw un sy’n ei chael hi’n anodd, sy’n wynebu caledi tymor byr neu hirdymor, sy’n anabl neu sy’n dioddef o salwch.

Casgliad bin a fethwyd? Gadewch i ni wybod.

Dros y Nadolig, darparodd YaB amgylchedd cynnes, diogel a chyfeillgar yn rhad ac am ddim, gan roi cyfle i bobl a chymunedau fwynhau lluniaeth a gweithgareddau cymdeithasol gydag eraill a derbyn gwybodaeth a chyngor, a hynny ar adeg pan oedd llawer o adeiladau, gwasanaethau a sefydliadau eraill ar gau ar gyfer y Nadolig a’r gwyliau banc.

Bydd y penderfyniad i ddyrannu £10,000 i YaB yn galluogi’r sefydliad i ehangu, gwella ac ailadrodd y ddarpariaeth yng ngwanwyn 2023:

• Darparu lluniaeth, byrbrydau a mwy o brydau bwyd o sylwedd
• Cwrdd â’r costau ychwanegol yn sgil estyn yr oriau agor e.e. y rhyngrwyd, gwresogi, goleuadau, glanhau a gwaredu sbwriel, cyfleusterau gwefru ffonau symudol a chyfarpar TG, eitemau cyfoethogi a gweithgareddau ac ati
• Cynhyrchu deunyddiau hyrwyddo, yn cynnwys posteri papur ac electronig, hysbysiadau, negeseuon, negeseuon Trydar ac ati

Meddai’r Cyng. David A Bithell, Cadeirydd y Grŵp Costau Byw Trawsbleidiol: “Mae YaB yn cael ei staffio gan wirfoddolwyr ac maen nhw’n gwneud gwaith ardderchog ar gyfer y rheiny sydd angen cymorth a chyngor. Mae ganddyn nhw gwpwrdd bwyd gwych a gafodd ei ddefnyddio 467 o weithiau ym mis Rhagfyr yn unig. Maen nhw’n llawn haeddu ein cefnogaeth, felly hefyd yr unigolion a’r teuluoedd y maen nhw’n eu helpu.”

Meddai’r Cyng. Beverley Parry Jones, Cefnogwr Gwrth-dlodi: “Heb amheuaeth, mae’n gyfnod anodd iawn i bobl ar y funud – yn enwedig i’r bobl fwyaf diamddiffyn. Mae YaB yn cynnig lle diogel a chroeso cynnes. Gwn y bydd yr arian yn cael ei wario’n dda ar y rheiny sydd yn ei haeddu fwyaf.”

Daw’r dyraniad hwn yn sgil derbyn £141,000 ym mis Tachwedd i gefnogi nifer o fentrau i leddfu’r argyfwng costau byw. Gallwch ddarllen mwy am hyn yma:

£22,000 i helpu Banc Bwyd Wrecsam ymestyn ei ddarpariaeth

Yn ogystal â hyn cymeradwyodd y Bwrdd Gweithredol gynnig i gyflogi Cydlynydd Rhwydwaith Bwyd mewn partneriaeth, a fydd yn cwmpasu, mapio ac yn sefydlu Partneriaeth Bwyd Traws Sector yn y fwrdeistref sirol. Mae Llywodraeth Cymru wedi dyfarnu £97,000 ar gyfer y swydd hon.

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Fore heddiw fe gymeradwyodd Bwrdd Gweithredol Cyngor Wrecsam newidiadau sylweddol i’r pecyn o gymorth ariannol a gynigir i ofalwyr maeth yr awdurdod lleol.

Mae Maethu Cymru Wrecsam yn rhan o rwydwaith o 22 o wasanaethau maethu Awdurdod Lleol dielw sy’n defnyddio dull ar y cyd i siapio dyfodol plant yng Nghymru.

“Rydym wedi ymrwymo i weithio fel un tîm gan ddibynnu ar ein gilydd i fod yn weithgar wrth wella’r dyfodol ar gyfer yr holl blant lleol yn ardal Wrecsam.”

Mae ein pecyn cymorth ariannol newydd isod;

Y lwfans a ddyfernir i bob gofalwr maeth fesul plentyn yr wythnos yn Wrecsam fydd:

• Plant rhwng 0-4 oed = £215 (yn codi o £200)
• Plant rhwng 5-10 oed – £230 (yn codi o £183)
• Plant rhwng 11-15 oed – £245 (yn codi o £183)
• Plant a phobl ifanc 16 oed a hŷn = £255 (yn codi o £228)
• Gofalwyr Maeth Pan Fydda i’n Barod = £240 (yn codi o £189)
• Gofalwyr maeth Mam a’i Phlentyn = £695 (yn codi o £428)

Bydd y cynnydd hwn yn dod i rym o 1 Chwefror 2023 ac yn berthnasol i’r rhai sy’n Ofalwyr Maeth Cysylltiedig (Perthnasau), Gofalwyr Maeth Awdurdod Lleol, Gofalwyr Maeth Therapiwtig Awdurdod Lleol, Gofalwyr Maeth Pan Fydda i’n Barod a Gofalwyr Gwarchodaeth Arbennig.

Bydd gofalwyr maeth proffesiynol canolraddol sydd wedi cael hyfforddiant arbenigol ychwanegol yn cael £190 ychwanegol fesul plentyn, yr wythnos. Bydd gofalwyr maeth proffesiynol arbenigol profiadol sy’n gallu cynnig lle i blant a phobl ifanc sydd ag anghenion cymhleth yn cael £290 ychwanegol fesul plentyn, yr wythnos.

Dywedodd Alwyn Jones, Prif Swyddog Gofal Cymdeithasol:

“Mae plant o bob oed ar hyd a lled Wrecsam sydd ein hangen ni, ac fel gofalwr maeth dibynadwy y gellir ymddiried ynddoch chi, maent eich angen chi hefyd. O fabanod, plant bach a phlant yn eu harddegau, i frodyr a chwiorydd a rhieni ifanc, mae gan bob un ohonynt stori unigryw i’w rhannu. Mae ein bwriad yma yn Maethu Cymru Wrecsam yr un fath; i greu dyfodol gwell i bob plentyn yn ein gofal”.

“Mae Maethu Cymru Wrecsam wedi gwneud y newidiadau hyn gan ein bod wedi gwrando ar bryderon ein gofalwyr maeth ynglŷn â chostau yn cynyddu. Bydd y cynnydd yn ychwanegol at ein buddion presennol gan gynnwys gostyngiad o 75% yn nhreth y cyngor, grantiau ychwanegol ar gyfer penblwyddi a gwyliau. Mae’r cyngor yn gobeithio y bydd y cynnig hwn yn annog mwy o bobl i faethu gyda Maethu Cymru Wrecsam ac y bydd yn helpu i gadw plant yn eu cymuned leol, yn agos i ysgolion, ffrindiau a rhwydweithiau cefnogaeth.”

Mae anogaethau eraill yn cynnwys:

Gostyngiad o 75% yn Nhreth y Cyngor ar gyfer holl ofalwyr maeth a gymeradwywyd.

Lwfans gwisg ysgol o £180 ar gyfer plant ysgol gynradd a £280 ar gyfer plant ysgol uwchradd. Bydd hwn yn cael ei dalu ym mis Awst cyn dechrau’r flwyddyn ysgol newydd.

Taliad Atgyfeiriad o £500 i ofalwyr maeth sy’n atgyfeirio darpar ofalwyr a hynny am bob ymgeisydd llwyddiannus sy’n cael ei gymeradwyo.

Taliad Blynyddol o £100 ym mlwyddyn 1, £300 ym mlwyddyn 3, £500 ym mlwyddyn 5 a £500 ym mlwyddyn 10 yn ogystal â chydnabyddiaeth o’u gwasanaeth hirdymor.

Taliad Hyfforddiant o £50 i ofalwyr maeth sy’n gallu cyflwyno rhaglenni hyfforddiant am bob hanner diwrnod y darperir hyfforddiant. Byddai’n rhaid i ofalwyr ddangos tystiolaeth o’u gallu proffesiynol i gyflwyno’r hyfforddiant hwn.

Dywedodd y Cynghorydd Rob Walsh, Aelod Arweiniol Gwasanaethau Plant:
“Roeddwn i’n falch iawn o gyflwyno’r adroddiad a bod yr aelodau’n cytuno ei bod yn amser am newid o fewn ein system gofal maeth.

“Gall bod yn ofalwr maeth ennyn llawer o foddhad ac mae’n cefnogi cenedlaethau Plant Wrecsam y dyfodol. Mae ein cynnig newydd yn gwerthfawrogi’r gofalwyr maeth hynny, y rhan hollbwysig sydd ganddynt o ran gwella bywydau pobl ifanc, a bydd yn ein helpu ni i ofalu am blant Wrecsam mor agos ag sy’n bosibl i’w cartref.”

“Trwy gynyddu’r taliadau’n sylweddol i ofalwyr maeth y gobaith yw dod â mwy i’r awdurdod lleol a fydd yn lleihau ein dibyniaeth ar y sector Maethu Annibynnol yn sylweddol.

“Mae’r cynnydd yn y taliadau yn golygu bod Wrecsam yn arwain y ffordd o ran diwygio taliadau maethu a chydnabod y gwaith ardderchog y mae ein gofalwyr maeth yn ei wneud. Fe fyddwn yn annog unrhyw un sydd â diddordeb mewn dod yn ofalwr maeth i gysylltu â Maethu Cymru Wrecsam.”

Dywedodd Alastair Cope, Pennaeth Maethu Cymru;

“Mae cytundeb diweddar Cyngor Wrecsam i gynyddu eu lwfansau gofal maeth yn dangos eu hymrwymiad i recriwtio a chadw gofalwyr maeth a sicrhau bod gofalwyr maeth yn cael eu cydnabod am y gwaith ardderchog y maent yn ei wneud gyda’n plant.

“Mae Maethu Cymru yn gweithio’n frwd tuag at gysondeb o ran y cymorth a’r gwobrau i’n holl ofalwyr maeth ac mae’r penderfyniad hwn yn dangos parodrwydd awdurdodau lleol i barhau i wella eu cynnig i ofalwyr maeth ac annog pobl i faethu, drwy eu hawdurdod lleol, er mwyn sicrhau dyfodol gwell i blant lleol.”

Os oes gennych ddiddordeb mewn dysgu mwy am ofal maeth, cysylltwch â Maethu Cymru Wrecsam a gofyn am gael sgwrs ag un o’n Swyddogion Recriwtio: 01978 295 316 neu anfonwch e-bost at fostering@wrexham.gov.uk i gael rhagor o fanylion.

Gweler isod enghraifft weithredol er gwybodaeth:

Gofalwr sy’n bodloni’r meini prawf ar gyfer taliad Sgiliau Proffesiynol Canolraddol ac sydd â dau blentyn wedi’u lleoli gyda nhw yn cynnwys un plentyn 10 oed ac un 14 oed. Byddai’r gofalwr yn cael:

• Taliad sylfaenol am blentyn 10 oed bob wythnos = £230
• Taliad sylfaenol am blentyn 14 oed bob wythnos = £245
• Taliad sgiliau canolraddol = £190 yr wythnos x2 = £380 yr wythnos
• Cyfanswm y Taliad – £855 yr wythnos

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Mae Gwasanaeth Llyfrgell Wrecsam yn cydweithio â’r elusen genedlaethol yr Asiantaeth Ddarllen i hyrwyddo’r cysylltiad rhwng darllen yn rheolaidd a gwell canlyniadau iechyd y gaeaf hwn.

Gyda chefnogaeth Llywodraeth Cymru, bydd llyfrgelloedd ledled Cymru yn cymryd rhan yn yr ymgyrch gwybodaeth gyhoeddus ‘Porwch mewn Llyfr’ sy’n ceisio hyrwyddo darllen ychydig bach bob wythnos i gefnogi iechyd meddwl a lles pobl.

Casgliad bin a fethwyd? Gadewch i ni wybod.

Mae ymchwil yn dangos bod oedolion sy’n darllen am 30 munud yr wythnos yn unig yn fwy tebygol o ddweud bod ganddynt fwy o foddhad â bywyd, mwy o hunan-barch a’u bod yn gallu ymdopi â sefyllfaoedd anodd yn well, a bod defnyddwyr llyfrgelloedd yn dweud bod eu hiechyd cyffredinol yn well na phobl nad ydynt yn eu defnyddio.

Bydd chwe thema wythnosol i gyd yn canolbwyntio ar ddarllen a lles. Beth am ymuno â’n hymgyrch ac ychwanegu 30 munud o ddarllen bob wythnos at eich addunedau blwyddyn newydd!

Wedi methu casgliad bin? Rhowch wybod i ni ar-lein – mae’n hawdd.

[button color=”” size=”large” type=”square_outlined” target=”new” link=”https://myaccount.wrexham.gov.uk/cy/service/Report_a_missed_waste_collection”] RHOWCH WYBOD AM GASGLIAD BIN A FETHWYD [/button]

Fel y gwyddom ni i gyd, rydym ni’n wynebu cyfnod oer ac mae hyn yn debygol o barhau tan y penwythnos o leiaf. Er gwaethaf y gwaith sylweddol a chyson ar ein rhwydwaith, mae cyflwr y ffyrdd yn parhau i fod yn beryglus mewn mannau.

Ydych chi’n ddioddefwr siarc benthyg arian? Ffoniwch 0300 123 311.

Mae hyn o ganlyniad i’r adeg hon o’r flwyddyn wrth ystyried bod yr ychydig o haul a geir yn wan iawn a’r cyfuniad o ffyrdd yn rhewi a llawer o ddŵr o gwmpas, sy’n golygu bod ffyrdd yn llithrig iawn hyd yn oed pan fo’n ymddangos nad oes eira arnynt.

Mae’r holl wagenni a’r criwiau graeanu wedi bod allan yn gynnar yn gyson ers 14 Ionawr.  Mae gennym ni Beiriannydd ar Ddyletswydd wedi’i ddynodi i fonitro’r tywydd 24/7 ac mae gennym ni fwy na digon o stociau halen ac adnoddau staff i ymateb.

Ar ôl bore heriol pryd y bu amodau ffyrdd anodd hyd yn oed ar wynebau’r ffyrdd hynny yr oedd wedi’u trin ac y bu’r criwiau’n gweithio arnyn nhw’n gyson am nifer o ddyddiau.  Yn anffodus, cawsom ni nifer o ddigwyddiadau ar ein rhwydwaith ac rydym ni’n annog i unrhyw un sy’n teithio feddwl yn ofalus a oes angen iddyn nhw deithio a bod yn hynod o ofalus wrth yrru a cherdded, a chadw’r tywydd mewn cof.

Yn y cyfnod oer diweddaraf hwn mae tua 650 tunnell o halen wedi’i wasgaru ar ein ffyrdd a bydd hyn yn parhau am gyhyd ag sy’n angenrheidiol.  Mae digonedd o stociau halen yn dal i fod yn ein tri depo ac mae’r rhain yn cael eu monitro a’u rheoli’n ofalus drwy gydol y tymor.

Cymerwch ofal a chadwch yn ddiogel!

Dyma rai awgrymiadau ar gyfer cadw’n ddiogel yn ystod misoedd y gaeaf:

• Meddyliwch yn ofalus a oes angen i chi deithio mewn tywydd gwael.
• Caniatewch amser ychwanegol ar gyfer siwrneiau yn y gaeaf.
• Trefnwch eich bod chi’n teithio ar hyd prif ffyrdd pan fo modd, gan fod y rhain yn fwy tebygol o gael eu trin.
• Gwnewch yn siŵr eich bod chi’n caniatáu digon o amser cyn eich siwrnai ar gyfer dadrewi eich car (bydd aerdymheru’n clirio’ch sgrin yn gyflymach hefyd)
• Dylech chi gadw rhywfaint o ddillad cynnes ychwanegol a thortsh yn eich car.
• Peidiwch â gadael i’ch tanwydd fynd yn rhy isel.
• Gwiriwch ragolygon y tywydd cyn dechrau ar eich siwrnai, ac os rhagwelir peryglon, dylech chi ystyried a yw eich siwrnai’n angenrheidiol.

Dywedodd y Cynghorydd Hugh Jones, Aelod Arweiniol yr Amgylchedd, “Rwy’n ailadrodd yr angen i feddwl yn ofalus am unrhyw siwrnai, a gallaf gadarnhau bod swyddogion a thimau’n gwneud popeth a allan nhw i gadw ein rhwydwaith cludiant yn ddiogel.”

O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]

Bydd diwrnod plannu perllan ffrwythau gymunedol yn cael ei gynnal ddydd Sadwrn 28 Ionawr ar Ystâd Llwyn Onn oddi ar Ffordd Cefn o 10am.

Rydym ni wedi ymrwymo i amddiffyn coed a choetiroedd ledled y sir yn rhan o’r Strategaeth Coed a Choetir ac Addewid Coetir Wrecsam. Mae rhan o’r Strategaeth yn cynnwys creu amrywiaeth o wahanol gynefinoedd sy’n cefnogi amrywiaeth o fywyd gwyllt yn ogystal â rhoi mynediad i drigolion Wrecsam i fannau gwyrdd lleol ac o ansawdd uchel ar gyfer iechyd a lles.

Ydych chi’n ddioddefwr siarc benthyg arian? Ffoniwch 0300 123 311.

Bydd y berllan ffrwythau hon yn darparu cynefin sy’n gyfoethog o ran pryfed peillio i adar a thrychfilod yn ogystal â chefnogi ein hymdrechion parhaus i gynefinoedd coetir yn y blynyddoedd i ddod.  Byddwn ni’n cael cefnogaeth gan Ymddiriedaeth Treftadaeth Brymbo drwy gydol y dydd, a fydd yn cynnig eu profiad a’u gwybodaeth arbenigol i’n helpu ni wneud y diwrnod yn llwyddiant.

Mae gennym ni 2 sesiwn y gallwch chi gymryd rhan ynddyn nhw, bydd y sesiwn bore o 10-12pm a’r sesiwn prynhawn o 1-3pm felly ymunwch â ni a helpwch ni i blannu coeden ar gyfer dyfodol mwy gwyrdd.

Os byddwch chi’n penderfynu mynd, gwisgwch ddillad cynnes ac esgidiau glaw a dewch â hetiau, sgarffiau a menig gyda chi i gadw’n gynnes. Dylech gyfarfod ar y man gwyrdd oddi ar Ffordd Kempton.

Os hoffech chi wneud sylw ar unrhyw un o’r ardaloedd arfaethedig gallwch chi anfon e-bost at woodlandpledge@wrexham.gov.uk. Gallwch chi hefyd ddangos eich cefnogaeth ar gyfer amddiffyn coed a choetiroedd yn Wrecsam trwy Addewid Coetir Wrecsam ar ein gwefan Addewid Coetir Wrecsam Cyngor Bwrdeistref Sirol Wrecsam a thrwy Facebook a Twitter.

O ran costau byw, gallai gwneud yn siwr eich bod yn hawlio yr holl gymorth a chefnogaeth y mae gennych hawl iddo wneud gwahaniaeth mawr.

[button color=”” size=”large” type=”square_outlined” target=”new” link=”https://www.wrecsam.gov.uk/services/cymorth-gyda-chostau-byw”] HAWLIWCH YR HYN SY’N DDYLEDUS I CHI [/button]