Os ydych chi yn 66 oed neu’n hŷn ac ar incwm isel, yna fe allech chi fod yn gymwys am Gredyd Pensiwn. Fe fyddai hyn yn rhoi arian ychwanegol i chi ac yn eich cefnogi gyda chostau gwresogi.
Erbyn hyn, mae’n rhaid i chi fod yn hawlio Credyd Pensiwn er mwyn gallu cael Taliad Tanwydd y Gaeaf.
Beth yw Credyd Pensiwn?
Budd-dal sy’n seiliedig ar brawf modd i bobl dros oedran Pensiwn y Wladwriaeth ac sydd ar incwm isel. Mae Credyd Pensiwn yn ychwanegu at eich incwm i gyrraedd lefel gofynnol wythnosol.
Mae Credyd Pensiwn ar wahân i’ch Pensiwn y Wladwriaeth. Gallwch gael Credyd Pensiwn hyd yn oed os oes gennych incwm arall, cynilion neu fod yn berchen ar eich cartref eich hun.
- Cofrestru -
Mae yna hefyd ganllaw Credyd Pensiwn hawdd i’w ddarllen ar GOV.UK (sydd yn egluro popeth mewn iaith fwy syml).
Faint gallaf ei gael?
Mae Credyd Pensiwn yn werth, ar gyfartaledd, £3,900 y flwyddyn.
Mae Credyd Pensiwn yn ychwanegu at:
- Eich incwm wythnosol i £218.15 os ydych yn sengl
- Eich incwm wythnosol ar y cyd i £332.95 os oes gennych bartner
Os yw’ch incwm yn uwch, efallai y byddwch yn dal i fod yn gymwys I gael Credyd Pensiwn os oes gennych anabledd, rydych yn gofalu am rywun, mae gennych gynilion neu mae gennych gostau tai.
Beth arall y gallaf ei gael os byddaf yn hawlio Credyd Pensiwn?
Os cewch Gredyd Pensiwn gallwch hefyd gael help arall, fel:
- Y Taliad Tanwydd Gaeaf
- Help gyda chostau gwresogi drwy’r Cynllun Gostyngiad
Cartrefi Cynnes a Thâl Tywydd Oer - Budd-dal tai os ydych yn rhentu’r eiddo rydych yn byw ynddo
- Cymorth ar gyfer llog morgais os ydych yn berchen ar yr eiddo rydych chi’n byw ynddo
- Gostyngiad Treth Gyngor
- Trwydded deledu am ddim os ydych yn 75 oed neu’n hŷn
- Help gyda thriniaeth ddeintyddol y GIG, sbectol a chostau trafnidiaeth ar gyfer apwyntiadau ysbyty, os ydych chi’n cael math penodol o Gredyd Pensiwn
- Gostyngiad ar y gwasanaeth ailgyfeirio Post Brenhinol os ydych yn symud tŷ
Sut ydw i’n gwneud cais?
Cam 1
Defnyddiwch y gyfrifiannell cyflym ar-lein i wirio cymhwysedd a faint y gallech ei gael.
Cam 2
Sicrhewch bod y wybodaeth ganlynol wrth law:
- Rhif Yswiriant Gwladol
- Gwybodaeth am unrhyw incwm, cynilion a buddsoddiadau sydd gennych
- Manylion banc
Cam 3
Ewch i gov.uk/credyd-pensiwn i wneud cais ar-lein.
Fel arall, gallwch ffonio llinell gais Credyd Pensiwn ar 0800 99 1234.
Cam 4
Fe’ch hysbysir drwy’r post pan fydd eich cais wedi’i asesu.
Dyddiad cau (Y Taliad Tanwydd Gaeaf)
Diolch i reolau ôl-ddyddio Credyd Pensiwn, mae’n bosibl gwneud cais am Gredyd Pensiwn ac ôl-ddyddio’r hawliad hyd at 3 mis – cyhyd â bod hawl yn ystod y cyfnod hwnnw.
Mae hyn yn golygu mai’r dyddiad olaf i wneud cais a dal i fod yn gymwys am Daliad Tanwydd Gaeaf yw Rhagfyr 21, 2024.
Efallai yr hoffech hefyd ddarllen: Wythnos Mynd Ar-lein: 2 ddigwyddiad cyngor digidol am ddim i’w cynnal yn Wrecsam
