Ychydig dros flwyddyn yn ôl aeth Claire a Paul Marshall ati i fynd i’r afael â gwastraff bwyd a chefnogi eu cymuned. Mae’r hyn a ddechreuodd fel menter fach yn yr Orsedd bellach wedi tyfu’n llinell bywyd hanfodol i gannoedd o deuluoedd.
Yn wreiddiol, roedd Cwpwrdd Bwyd yr Orsedd yn ymdrech fach i atal bwyd rhag mynd i safleoedd tirlenwi a chynorthwyo ychydig o gymdogion – ond buan iawn y sylweddolodd Claire a Paul fod yna angen difrifol yn eu cymuned. Heddiw mae’r Cwpwrdd Bwyd yn cael tua 400 o ymweliadau bob wythnos ac yn cydweithio’n rheolaidd gyda’r gwasanaethau cymdeithasol i helpu pobl mewn angen. Yn ogystal â hyn maen nhw hefyd yn dosbarthu bocsys bwyd gyda’r nos, i geisio sicrhau nad oes neb yn newynog.
Mae graddfa eu hymdrechion wedi tyfu’n aruthrol. O gychwyn digon cyffredin gyda thri char a sied fach ddau fetr sgwâr, mae gan y Cwpwrdd Bwyd bellach ddwy fan, dau gar a swyddfa 32tr wrth 10tr ar dir maen nhw’n ei brydlesu gan garej oddi ar Gilgant Waverley, LL12 0EG, sy’n dyst i dwf parhaus a’r galw cynyddol am eu gwasanaethau.
Er gwaethaf yr ehangu cyflym, mae Cwpwrdd Bwyd yr Orsedd yn wynebu heriau sylweddol. Er eu bod nhw’n casglu bwyd gan y rhan fwyaf o’r archfarchnadoedd chwe diwrnod yr wythnos, ac yn derbyn rhoddion gan y cyhoedd, maen nhw dan bwysau mawr. Oherwydd diffyg cyllid a chasgliadau bwyd digonol maen nhw’n cael trafferth cwrdd â’r galw sy’n cynyddu’n barhaus..
- Cofrestru -
Meddai Paul Marshall: “Ac eithrio Banc Bwyd Wrecsam, mae’n siŵr mai ni ydi’r un mwyaf yn yr ardal, ac rydym ni’n dal yn tyfu.”
Mae’r Cwpwrdd Bwyd yn gweithio mewn ffordd wahanol i fanciau bwyd traddodiadol gan mai’r prif nod ydi lleihau gwastraff. Ar agor saith diwrnod yr wythnos, mae croeso i unrhyw un gerdded i mewn a chymryd unrhyw beth sydd ei angen arnyn nhw. Mae ganddyn nhw bolisi dim gwastraff, gan sicrhau bod unrhyw fwyd na ellir ei ddosbarthu yn cael ei roi i ffermwyr lleol er mwyn atal gwastraff.
Oriau agor:
- Dydd Llun, dydd Mawrth, dydd Mercher a dydd Gwener: 10:30 AM – 2:30 PM a 3:30 PM – 5:30 PM
- Dydd Iau: 10:30 AM – 2:30 PM
- Dydd Sadwrn a dydd Sul: 10:30 AM – 4:00 PMM
Mae codi arian yn elfen hanfodol o’u gwaith. Mae Claire a Paul yn trefnu dau neu dri digwyddiad codi arian bob blwyddyn. Ar ôl cael lleoliad newydd, maen nhw rŵan yn bwriadu canolbwyntio ar godi arian i brynu fan newydd sy’n fwy dibynadwy. Mae’r fan sydd ganddyn nhw ar hyn bryd, sy’n hanfodol i’w gwaith, yn hen ac yn annibynadwy a does ganddi ddim y cyfleusterau rhewi angenrheidiol.
Mae Cwpwrdd Bwyd yr Orsedd yn dyst i bŵer y gymuned a’r gwahaniaeth y gall unigolion ymroddgar ei wneud. Wrth iddyn nhw barhau i ddatblygu ac addasu i gwrdd ag anghenion, mae gweledigaeth Claire a Paul o gymuned heb wastraff a newyn yn dod yn agosach i gael ei gwireddu..
cyfryngau cymdeithasol:
cyfryngau cymAm ragor o wybodaeth neu i wneud cyfraniad, cysylltwch âdeithasol:
Paul and Claire Marshall
Cwpwrdd Bwyd yr Orsedd
rossettfoodcupboard@gmail.com
