Diweddariad 16.28
Oherwydd amodau rhewllyd byddwn yn cau llyfrgelloedd Rhos a Brynteg ychydig yn gynnar heddiw. Byddant yn cau am 5pm yn hytrach na 6pm.
Diweddariad 12.33
Mae Cadeirydd ac Is-gadeirydd y Pwyllgor Cynllunio wedi cytuno, oherwydd yr eira trwm a’r amodau teithio anodd heddiw, y bydd y Pwyllgor Cynllunio yn cael ei gynnal ar Zoom, heb opsiwn i fynychu’n bersonol. Bydd y cyfarfod yn dal i gael ei ffrydio’n fyw ar y wefan.
Diweddariad 12.20
Graeanu
Ers dydd Gwener, mae criwiau wedi bod yn graeanu drwy’r dydd a’r nos, gan wasgaru dros 1000 tunnell o halen. Rydym yn cydnabod pryderon trigolion ynghylch cyflwr rhai ffyrdd ar draws y fwrdeistref, fodd bynnag mae tua 700 milltir o ffyrdd yn Wrecsam sy’n ei gwneud hi’n amhosibl graeanu pob ffordd. Mae’r Cyngor yn parhau i graeanu llwybrau blaenoriaeth, a gellir dod o hyd i fanylion amdanynt ar-lein yma Graeanu priffyrdd llwybrau | Cyngor Bwrdeistref Sirol Wrecsam
Ar ben ei hun ychydig iawn o effaith sydd gan halen a wasgarir ar y ffyrdd ar doddi eira. Mae angen i gerbydau yrru arno i gymysgu’r halen â’r iâ a’r eira. Mae hyn yn creu hydoddiant halwynog sydd â phwynt rhewi is. Dim ond wedyn y bydd yr eira a’r iâ yn toddi. Felly, lle gall ymddangos nad yw rhai ffyrdd wedi’u graeanu, mewn gwirionedd mae pob llwybr ar ein rhwydwaith blaenoriaeth wedi’i graenu sawl gwaith dros y cyfnod oer diweddar hwn.
Rydym yn annog gyrwyr i gymryd gofal ychwanegol a gwneud teithiau hanfodol yn unig.
Gwastraff
Oherwydd y tywydd garw dros y penwythnos, rhagwelir y bydd mwy o darfu ar gasgliadau gwastraff yr wythnos hon. Yn anffodus, o ystyried y rhagolygon sy’n esblygu a’r gofynion gweithredol i ddelio â graeanu a chanlyniadau’r tywydd garw, ni allwn warantu pryd y bydd casgliadau.
Cyflwynwch eich gwastraff yn y modd arferol gan gymryd gofal ychwanegol i amddiffyn rhag y gwyntoedd, a byddwn yn ymdrechu i gasglu cyn gynted â phosibl.
*Mae Llyfrgell Overton ar gau heddiw (05/01/25)
*Mae Tŷ Pawb ar agor fel arfer
Diweddariad Eira Tai
Swyddfeydd Ystadau Tai
Nid ydym wedi gallu agor ein Swyddfa Ystadau yn Rhos y bore yma oherwydd y tywydd. Gallwn barhau i ateb galwadau ffôn yn ystod y cyfnod hwn a byddwn yn parhau i fonitro’r tywydd – https://www.wrexham.gov.uk/service/information-council-housing-residents/your-local-housing-estate-office
Mae pob Swyddfa Ystadau arall yn parhau ar agor.
Atgyweiriadau Tai
Oherwydd y tywydd, efallai y bydd rhywfaint o darfu ar Atgyweiriadau Tai. Bydd yr Adran Tai yn ymdrechu i gynnal darpariaeth gwasanaeth, gan flaenoriaethu atgyweiriadau brys, er gwaethaf yr heriau parhaus gyda’r tywydd.
Rhowch wybod am atgyweiriadau yn y ffyrdd arferol – https://www.wrexham.gov.uk/service/repairs/report-repair
Rhoi Gwybod am Ddigartrefedd
Os ydych yn ddigartref neu’n poeni o fod mewn risg o fod yn ddigartref…
Gallwch ffonio ein tîm Dewisiadau Tai unrhyw adeg ar 01978 292947.
Os ydych yn pryderu am rhywun sydd yn cysgu allan…
Gallwch ddefnyddio gwefan Streetlink neu ap symudol Streetlink i anfon rhybudd ynghylch rhywun yr ydych yn pryderu amdano sydd yn cysgu allan. Mae darparu gymaint o fanylion â phosibl yn rhoi siawns gwell i’r tîm estyn allan yn ardal Wrecsam leoli’r unigolyn a chynnig cymorth. https://thestreetlink.org.uk/
Gallwn bob amser gynnig cyngor, a byddwn yn ceisio darparu cymorth pe
