Rydym yn falch o weithio gyda Fair Events Management, Hospis Ty’r Eos, Dôl yr Eryrod a Heart Radio i nodi cychwyn tymor y Nadolig!
Dewch i ganol dinas Wrecsam ddydd Sadwrn, 16 Tachwedd – lle bydd digon o bethau’n digwydd i’ch cael chi yn hwyl yr ŵyl, gan gynnwys:
Diwrnod Hwyliog Nadoligaidd ar Sgwâr y Frenhines
Gan ddechrau am 12pm, ymunwch â ni am ddiwrnod llawn o hwyl yr ŵyl, gyda stondinau bwyd blasus, adloniant a gweithgareddau gwyliau ar gyfer pob oedran!
Bydd Fair Events yn darparu reidiau a stondinau gemau, arlwy o fwyd stryd (gan gynnwys dewisiadau fegan), gyda masnachwyr o Farchnad Crefftwyr Wrecsam yn cynnwys:
- Cofrestru -
- Anrhegion
- Cacennau a melysfwyd
- Nwyddau tŷ
- Eitemau crefft
Gorymdaith Llusern Hosbis Tŷ’r Eos a Gweithdai Addurno Llusern
Cofrestrwch nawr ar gyfer yr Orymdaith Llusernau noddedig! Cofrestrwch eich plentyn am £6 yn unig (mae oedolion sy’n dod gyda chi yn mynd am ddim) a derbyniwch lantern papur a golau batri y gellir ei addasu.
Gallwch gofrestru trwy wefan Hosbis Tŷ’r Eos.
Casglwch ac addurnwch eich llusern yn ein Gweithdai Gwneud Llusernau yn Chapter Court (7-9 Heol y Frenhines, LL11 1AP):
- Dydd Sadwrn 9 Tachwedd am 12:30pm – 3:30pm
- Dydd Sadwrn 16 Tachwedd am 12: 30pm – 3:30pm
Am 4:30pm, bydd yr Orymdaith Llusernau a Goleuadau yn dechrau – o Sgwâr y Frenhines gan orffen yn Nôl yr Eryrod.
Digwyddiad Troi’r Goleuadau Ymlaen Wrecsam- Canolfan Siopa Dôl yr Eryrod
Bydd Oli, cyflwynydd Heart Radio Gogledd Cymru, yn cyflwyno rownd derfynol ar y llwyfan gydag amrywiaeth o gerddoriaeth ac adloniant byw.
4 – 5pm
Rebecca Royal, Urban Fusion (dawns)
5 – 7pm: Digwyddiad diweddglo prif lwyfan
Yn cynnwys: Ben Ofoedu (Phats & Small) – seren y sioe, Dene Michael (Black Lace), Kevin Davy White, Passmore, Lois
Dywedodd Cyng Nigel Williams, Aelod Arweiniol yr Economi ac Adfywiad “Fe gawn ni hwyl a sbri yn y digwyddiad blynyddol hwn sy’n cychwyn dathliadau’r Nadolig yn Wrecsam gyda marchnad Fictoraidd am bedwar diwrnod, cyn i farchnadoedd Fictoraidd wedi’u hadnewyddu agor ddiwedd y mis.
“Bydd yno rywbeth at ddant pobl o bob oed gyda reidiau, stondinau, bwyd a diod a digonedd o adloniant i’r teulu oll.
“Mae’n gyfle gwych hefyd i gefnogi ein busnesau lleol ynghanol y ddinas.
“Rwy’n arbennig o falch ein bod yn gweithio â Hosbis Tŷ’r Eos unwaith eto i godi arian hollbwysig iddynt, ac rwy’n annog teuluoedd i ddod draw i’r gweithdai gwneud llusernau ac ymuno â’r orymdaith i greu mwy o hud y Nadolig.”
Efallai yr hoffech hefyd ddarllen: Marchnadoedd wedi’u hadnewyddu yn Wrecsam i agor ym mis Tachwedd ochr yn ochr â Marchnad Nadolig Fictoraidd
