Yma yn Wrecsam, mae gennym dimau gwasanaeth llyfrgell ymroddedig ar draws yr awdurdod sy’n gweithio’n galed i ddarparu’r profiadau llyfrgell o’r ansawdd gorau i’n cymunedau.
Yn ogystal â chynnig amrywiaeth eang o lyfrau, maen nhw’n ceisio gweithredu amserlen llawn gweithgareddau i bawb gymryd rhan ynddynt.
Heddiw, rydyn ni’n mynd i edrych ar yr hyn sydd yn yr arfaeth gan dîm llyfrgell y Waun i’w hymwelwyr.
Gwyl i ymwelwyr iau
Mae plant creadigol rhwng 4 ac 11 oed yn gallu dod i roi rhwydd hynt i’w dychymyg yn y Clwb Lego.
Bob dydd Mawrth rhwng 3pm a 4pm, mae plant yn gallu dod draw i greu pob math o bethau. Maen nhw’n gallu dysgu sgiliau bywyd gwych fel meddwl creadigol, gwaith tîm, cyfathrebu, datrys gwrthdaro a datrys problemau trwy chwarae meddal llawn hwyl.
Mae rhieni a gofalwyr â babanod a phlant bach yn gallu dod â’u plant bach i Amser Stori ac Amser Rhigwm.
Cynhelir y grŵp bob dydd Iau rhwng 2.15 pm a 2.45 pm, ac mae’n sesiwn am ddim sy’n llawn straeon anhygoel a chwarae geiriau penigamp. Does dim angen archebu, dewch draw a mwynhau straeon hudolus.
Cefnogi’r gymuned
Mae preswylwyr 50 oed a hŷn yn gallu dod draw i’r sesiwn Galw Heibio gydag Asiant Cymunedol a gynhelir bob dydd Llun o 10am tan 12 hanner dydd.
Yma, mae ein hasiantau cymunedol yn gallu eich cynorthwyo i wneud dewisiadau gwybodus am eich anghenion presennol ac yn y dyfodol. Nod y sesiynau yw eich helpu i deimlo’n fwy annibynnol a diogel a bod pobl yn gofalu amdanoch chi.
Galwch heibio i gael sgwrs anffurfiol â Brigitte. Does dim angen cadw lle ac mae sesiynau galw heibio yn rhad ac am ddim.
Mae Grŵp y Dynion yn cwrdd bob dydd Llun rhwng 11.30am ac 1pm ac mae’n agored i bob dyn o unrhyw oedran i alw heibio i le diogel ac anfeirniadol er mwyn sgwrsio. Mae’r grŵp yn cynnal gweithgareddau, siaradwyr gwadd a lluniaeth am ddim.
Does dim angen archebu i gymryd rhan, felly dewch draw i ymuno.
Ar ail ddydd Llun y mis, 2pm – 4pm, mae llyfrgell y Waun yn cynnig Gwasanaeth Galw Heibio Awtistiaeth Integredig.
Mae’r sesiynau hyn yn gallu rhoi cyngor/cymorth i chi yn ogystal â gwybodaeth am wasanaethau arbenigol a allai helpu pobl naill ai ag awtistiaeth, neu’r rhai sy’n cefnogi oedolyn neu blentyn ag awtistiaeth.
Does dim angen archebu ar gyfer y sesiynau hyn ac mae croeso i ymwelwyr ddod draw ar unrhyw adeg yn ystod y sesiwn galw heibio.
Brwdfrydedd creadigol a rennir
Ar gyfer oedolion sydd â chariad at bopeth llenyddol, mae’r Grŵp Darllen Oedolion yn cwrdd ar ddydd Llun cyntaf y mis, 1pm – 2pm.
Yma, gallwch ymuno â phobl o’r un anian sy’n dwlu ar lyfrau i drafod y teitlau diweddaraf ac o bosibl wneud ffrindiau newydd sydd â diddordeb cyffredin yn y gair ysgrifenedig.
Fel arall, os ydych chi’n grefftwr geiriau brwd, mae’r Grŵp Ysgrifennu Creadigol i Oedolion yn eich croesawu ar ddydd Gwener cyntaf y mis, 10.30am – 11.30am.
Mae hyn yn gyfle gwych i rannu stori yr hoffech i eraill ei chlywed. Mae’n lle i ddod iddo os oes angen ysbrydoliaeth, adborth neu hyd yn oed paned o de arnoch. Mae aelodau’n gallu rhannu syniadau a chalonogi ei gilydd ar eu prosiectau llenyddol.
I gale rhagor o fanylion am yr holl ddigwyddiadau a grybwyllir yma a mwy, ewch i’n tudalen digwyddiadau llyfrgelloedd. Neu gallwch ffonio llyfrgell y Waun ar 01691 772344 neu e-bostio lprc@wrexham.gov.uk am ragor o wybodaeth.
