Mae gwaith yn cael ei wneud yn St. George’s Crescent dros yr wythnosau nesaf i wella’r rhwydwaith gwefru cerbydau trydan.
Mae’r gwaith stryd wedi’i drefnu i ddechrau ar 12 Ionawr 2026, ac mae disgwyl iddo bara tua thair wythnos.
Yn ystod y cyfnod hwn, bydd:
- lonydd ar gau dros dro
- llwybr dargyfeirio byr ar gyfer traffig ffyrdd
- mynediad llawn i gerddwyr drwy gydol y cyfnod
- mynediad di-dor at siopau, bwytai a busnesau lleol
Byddwn yn gwneud pob ymdrech i leihau’r aflonyddwch a chadw’r ardal yn ddiogel ac yn hygyrch drwy gydol y gwaith.
Mae’r gwaith hwn yn angenrheidiol er mwyn cefnogi gosod dwy uned gwefru cerrynt union bwerus ychwanegol ym maes parcio St Georges Crescent. Ar ôl cwblhau’r gwaith, bydd yr uwchraddiad hwn yn arwain at gynnydd yn nifer yr ymwelwyr drwy annog rhagor o yrwyr cerbydau trydan i barcio, gwefru a threulio amser yn yr ardal leol, gan gefnogi twf parhaus busnesau cyfagos.
Wrth i ni symud tuag at y gwaharddiad ar werthu cerbydau newydd sy’n cael eu pweru gan injan hylosgi mewnol yn 2030 a cherbydau hybrid yn 2035, mae amrywiaeth o atebion posibl ar gyfer gwefru cerbydau trydan yn gyhoeddus a bydd y mannau gwefru hyn yn gwella ein rhwydwaith o fannau gwefru cyhoeddus dibynadwy o ansawdd uchel ymhellach.
Dywedodd y Cynghorydd David A Bithell, yr aelod arweiniol dros newid hinsawdd: “Mae gwneud y penderfyniad i newid i gerbyd trydan yn golygu ystyried llawer o ffactorau – yn enwedig os na allwch barcio oddi ar y ffordd gartref. Mae’r gwaith yma, ynghyd â’r gwaith diweddar ym maes parcio’r llyfrgell yng nghanol y ddinas, yn golygu bod y rhai sy’n dewis newid yn cael eu cefnogi.
“Bydd Cyngor Wrecsam yn parhau i weithio i gynyddu’r rhwydwaith gwefru cerbydau trydan yng nghanol y ddinas ac mewn ardaloedd preswyl o amgylch y fwrdeistref sirol.”
Gostyngiad i breswylwyr Wrecsam
Oeddech chi’n gwybod bod preswylwyr Wrecsam yn gallu cael gostyngiad ar fannau gwefru yn ein meysydd parcio?
Os hoffech ragor o wybodaeth ac i wneud cais am y gostyngiad, cysylltwch ag info@costelloes.co.uk.
