Erthgl gwadd
Mae Gŵyl ‘Spirit’ Wrecsam yn cael ei chynnal ar Gae Llyfrgell ddydd Sadwrn 1 Gorffennaf, gyda chyfres o berfformiadau byw gwych, marchnad bwyd artisan anhygoel a llawer mwy!
Mae yna rywbeth i bawb yn y digwyddiad gwych yma sy’n addas i deuluoedd.
O 10am ddydd Sadwrn 1 Gorffennaf, fe fydd Llwyn Isaf (y Cae Llyfrgell) yn cael ei drawsnewid, gyda chyfres o lorïau bwyd, llwyfan a hyd yn oed ardal chwarae i blant.
- Cofrestru -
Mae’r artistiaid a fydd yn perfformio yn cynnwys Dawnswyr Caernarfon, Delta dance Academy Wrexham, Colin Daimond, Sandhya Sridhar, Yasmine Latkowski, Manoj Kumar, Palops United Wrexham, Manju Nilaparambath a llawer mwy. Gall cynulleidfaoedd ddisgwyl cyfres o berfformwyr rhyngwladol medrus, ynghyd â gweithgareddau i blant.
Dywedodd Krishnapriya Ramamoorthy, cynhyrchydd a chyfarwyddwr Paallam Arts,
“Rydym ni’n credu y gall dawns a symudiad gysylltu pobl y tu hwnt i ffiniau. Rydym ni’n bwriadu creu profiad unigryw tra’n dod â chelfyddydau a chymunedau ynghyd drwy Ŵyl ‘Spirit’ Wrecsam.”
Mae tocynnau ar gael rŵan, gyda thocyn teulu (i deulu o 4) ar gael am £5 yn unig.
Mae holl fanylion y tocynnau a dolenni i archebu ar gael yma
Mae’r digwyddiad cyntaf yma gan gwmni rheoli perfformiad celfyddydol lleol Paallam Arts, yn cael ei gefnogi gan Gyngor Wrecsam, Race Council Cymru, Tŷ Pawb, Sefydliad Cymunedol Cymru a mwy.
Yn rhan o’r ŵyl rydym ni’n cynnal gweithdy crefftau ymladd ar gyfer plant oed cynradd ar y diwrnodau canlynol, 30 Mehefin, 3 Gorffennaf a 5 Gorffennaf yng nghanolfan Tŷ Pawb.
Dyma’r amseroedd:
-Blynyddoedd 1 a 2 – 30 Mehefin rhwng 9:30AM-10:30AM/10:30AM-11:30AM ac amser byrbryd rhwng 11:30 a 12PM.
-Blynyddoedd 3 a 4 – 3 Gorffennaf rhwng 9:30 AM-10:30AM/10:30AM-11:30AM gydag amser byrbryd i ddilyn rhwng 11:30 a 12PM.
-Blynyddoedd 5 a 6 – 5 Gorffennaf rhwng 9:30 AM-10:30AM/10:30AM-11:30AM gydag amser byrbryd i ddilyn rhwng 11:30 a 12PM.
Fe fydd hwn yn ddigwyddiad ‘EWCH ATI I GYMRYD RHAN’ i blant
i gymryd rhan ac ymgysylltu gyda gweithgaredd corfforol. Rydym ni’n cysylltu â chymaint o ysgolion â phosibl yn Sir Wrecsam i fod yn rhan o’r gweithdy. Gall ysgolion ddewis un diwrnod neu dri diwrnod yn seiliedig ar eu diddordebau.
Rydym ni’n cynnig ffi gostyngedig o £2 y plentyn i gymryd rhan yn y gweithdy i dalu am gost ychwanegol.
I gael gwybodaeth am yr ŵyl, ewch i www.paallamarts.org ac i gael unrhyw wybodaeth ychwanegol e-bostiwch paallam.arts@gmail.com, neu ffoniwch 07493355830
