Os ydych chi’n chwilio am rhywbeth lleol i’w wneud dydd Sadwrn yma, yna pam na ewch i ymweld â chanol y dref lle mae llawer iawn o bethau’n digwydd!
Mae popeth yn barod ar gyfer Gŵyl Stryd Mehefin, a bydd yn ddigwyddiad cyffrous iawn! Y mis hwn, maen nhw wedi uno gyda Chymdeithas Mudiadau Gwirfoddol Wrecsam a fydd yn cynnal eu Diwrnod Gwirfoddolwyr ar Sgwâr y Frenhines.
CELFYDDYDAU, MARCHNADOEDD, CYMUNED – COFRESTRWCH I DDERBYN NEWYDDION O TŶ PAWB .
Bydd llwyth o stondinau a gweithgareddau, grwpiau cymunedol, sefydliadau a pherfformwyr a fydd yn dod at ei gilydd i gael un dathliad mawr ar gyfer ymwelwyr â chanol y dref i’w mwynhau.
Bydd Techniquest ar agor unwaith eto yn hen adeilad TJ Hughes lle gallwch weld arddangosfeydd hyd yn oed yn fwy ac yn well nag erioed – chewch chi ddim eich siomi gyda’r Stondin Wyddoniaeth Hwyl i’r Teulu!
Bydd Tŷ Pawb yn ymuno yn yr hwyl gyda rhaglen o ddigwyddiadau drwy gydol y dydd gan gynnwys Siop Cyfnewid Sticeri Cwpan y Byd, agor dau arddangosfa newydd “Wrecsam yw’r Enw” a “Nascent Inclinations” (arddangosfa graddedigion y brifysgol), Clwb Celf dydd Sadwrn a bydd y Gwasanaethau Ieuenctid yn dathlu Wythnos Gwaith Ieuenctid yn arddangos yr holl wasanaethau ffantastig sydd ar gael i bobl ifanc yn yr ardal a fydd yn cynnwys cerddoriaeth fyw a gweithgareddau celf a chrefft i blant.
Bydd “Arddangosfa Bysgio” gyda cherddoriaeth fyw rhwng 11am a 5pm ac wrth gwrs mae dwy gêm bêl-droed cwpan y byd Ffrainc v Ariannin ac Uruguay v Portiwgal ar y sgrin fawr.
https://www.facebook.com/wrexhamstreetfestival/videos/1797246103629616/
Mae rhagor o wybodaeth am y digwyddiad ar gael ar dudalen Facebook yr Ŵyl Stryd yn https://www.facebook.com/wrexhamstreetfestival.
Mae’r digwyddiad yn cael ei gynnal rhwng 10am a 4pm gyda Nascent Inclinations yn agor yn swyddogol am 5pm.
Cofrestrwch i dderbyn newyddion a diweddariadau gan Tŷ Pawb
[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_61″] DERBYN NEWYDDION O TŶ PAWB [/button]
