Cynhaliodd aelodau o Wasanaeth Cyfiawnder Ieuenctid Wrecsam ddigwyddiad elusennol yn gwerthu teisennau yn ddiweddar, gan godi arian pwysig ar gyfer elusen sy’n atal hunanladdiad ymysg dynion.
Codwyd dros £500 hyd yn hyn i gefnogi Andy’s Man Club a sefydlwyd yn 2016, ac sydd yn cynnal sesiynau wythnosol yng nghanol dinas Wrecsam.
Dewisodd y grŵp gefnogi’r achos haeddiannol gan fod gan un o’r bobl ifanc berthynas sydd yn gefnogwr/eiriolwr ar gyfer Andy’s Man Club yn Wrecsam.
Cynlluniodd Wasanaeth Cyfiawnder Ieuenctid Wrecsam y digwyddiad a gynhaliwyd dydd Iau, 26 Medi, wrth i’r grŵp ddylunio posteri, creu bwydlen o deisennau i’w gwerthu a chreu tudalen GoFundMe i bobl adael eu rhoddion.
- Cofrestru -
Yn dilyn sesiynau pobi a sesiynau addurno teisennau, fe werthodd y grŵp y teisennau mewn bore goffi a gynhaliwyd yn swyddfeydd y Gwasanaeth Cyfiawnder Ieuenctid, ac mewn stondin deisennau dros dro yn Neuadd y Dref i Aelodau’r Cyngor, yn ogystal â thrwy wasanaeth cyflenwi i asiantaethau partner a chydweithwyr yng nghanol y ddinas.
Meddai’r Cynghorydd Phil Wynn, Aelod Arweiniol Addysg, sydd â chyfrifoldeb am Wasanaeth Cyfiawnder Ieuenctid: “Mae’r broses o gynllunio a gwerthu’r teisennau yn glod mawr i’r staff a’r ieuenctid. Fe ddylai aelodau o Wasanaeth Cyfiawnder Ieuenctid Wrecsam fod yn falch iawn o’u hymdrechion, gan olygu bod swm gwych o arian wedi cael ei godi ar gyfer achos haeddiannol iawn. Da iawn i bawb a gymerodd ran.”
Codwyd £510 yn y digwyddiad, ond os hoffech chi gyfrannu, fe allwch chi dal wneud hynny – ewch i dudalen y grŵp ar Go Fund Me.
Andy’s Mans Club
Elusen sydd yn atal hunanladdiad ymysg dynion ydi Andy’s Man Club a sefydlwyd yn 2016 yn dilyn marwolaeth drasig Andrew Roberts trwy hunanladdiad yn 23 oed.
Maen nhw’n hwyluso grwpiau cefnogaeth cymheiriaid amhroffesiynol ar draws y DU y gall unrhyw ddyn dros 18 oed ei fynychu.
Maen nhw’n darparu gofod cyfrinachol anfeirniadol i ddynion ddod ynghyd i sgwrsio am unrhyw beth yr hoffent er mwyn iddynt gael bwrw eu bol. Does yna ddim rhestr aros, dim atgyfeiriad na phroses gofrestru.
Maen nhw’n cynnal sesiynau wythnosol yng nghanol dinas Wrecsam ar nosweithiau Llun 7pm-9pm (heblaw am Wyliau Banc).
I ddysgu mwy, tarwch olwg ar dudalen Facebook Andy’s Man Club.
Mae gardd gymunedol Rhos angen eich cefnogaeth – Newyddion Cyngor Wrecsam
Derbyniwch y newyddion a’r wybodaeth ddiweddaraf yn syth i’ch mewnflwch.
