O ddydd Llun 18 Gorffennaf bydd system un ffordd ar hyd Ffordd Ddyfrllyd a Ffordd Croesnewydd ger Ysbyty Maelor i ganiatáu ar gyfer gwelliannau angenrheidiol i’r arosfannau bysiau ar hyd y llwybr hwn.
Bydd y ffordd yn weithredol un ffordd, o Ffordd Croesnewydd tuag at gylchfan A5152 Ffordd y Bradle. Bydd traffig sy’n dymuno mynd ar hyd Ffordd Croesnewydd o Ffordd Ddyfrllyd yn cael ei ddargyfeirio ar hyd yr A541 Ffordd yr Wyddgrug a B5101 Ffordd y Bers.
Derbyniwch newyddion a gwybodaeth gan eich cyngor lleol – cofrestrwch i dderbyn bwletinau ar ffurf e-bost.
O ddydd Llun 1 Awst am wythnos, bydd goleuadau traffig dwy ffordd ychwanegol dros dro ar waith ar Ffordd Croesnewydd, wrth gyffordd Gât 1 y brif fynedfa/maes parcio i Ysbyty Maelor.
Disgwylir i’r gwaith bara 3 wythnos.
Mae’r gwaith yn rhan o gynllun gan Lywodraeth Cymru i wella’r Seilwaith ar gyfer Gwasanaethau Bysiau Traws Cymru. Bydd y gwaith hwn yn caniatáu gwelliannau ar hyd gwasanaethau bws T3 Wrecsam i Abermaw a T12 Wrecsam i Fachynlleth.
Cynghorir modurwyr i gynllunio llwybr arall lle bo modd yn ystod y gwaith, a diolchir iddynt ymlaen llaw am eu cydweithrediad.
Cynghorir y rhai sy’n dymuno defnyddio’r gwasanaethau bws ar hyd y llwybr hwn y bydd arosfannau bysiau dros dro wrth y Groesfan Rheilffordd i’r rhai sy’n gadael yr ysbyty, ac wrth Westy’r Ramada ar gyfer y rhai sy’n ymweld â’r ysbyty.
Meddai’r Cynghorydd David A Bithell, Aelod Arweiniol gyda chyfrifoldeb dros Drafnidiaeth Strategol, “Rydym yn gwybod y bydd y gwaith hwn yn achosi anghyfleustra i ddefnyddwyr ffyrdd a bysiau, ond mae’n angenrheidiol a bydd defnyddwyr bysiau yn gweld gwelliannau i’r arosfannau unwaith y byddant wedi’u cwblhau.”
Derbyniwch ein prif straeon dros e-bost.
[button color=”” size=”large” type=”square_outlined” target=”new” link=”https://public.govdelivery.com/accounts/UKWCBC_CY/subscriber/new?topic_id=UKWCBC_CY_5″]TANYSGRIFWYCH[/button]
