Sesiynau ymarfer am ddim i rai dros 60 oed yn cychwyn fis Mehefin

Mae cynnig gwych i rai dros 60 oed yn Wrecsam wrth i’n Tîm Wrecsam Egnïol drefnu ystod o sesiynau gweithgareddau am ddim i’ch helpu i gadw’n heini a gwneud eich ymarferion.

Cynhelir y sesiynau ym Myd y Dŵr, Queensway, Gwyn Evans, Y Waun, Plas Madoc ac ar-lein hefyd!

Bydd y sesiynau hyn yn rhad ac am ddim am y 12 wythnos gyntaf, yn dechrau ddydd Llun 7fed o Fehefin ac yn gorffen ar y 29ain o Awst.  Mae croeso i’n haelodau presennol  a rhai sydd ddim yn aelodau.

Dewch i wybod am y newidiadau yn y cyfyngiadau Covid-19 yng Nghymru.

Mae amrywiaeth o ddewis, o gampfa pobl hŷn, nofio a sesiynau ymarfer grŵp. Does dim angen profiad arnoch i ymuno a bydd y tîm yn eich tywys drwy’r sesiynau ac yn gwneud yn siŵr y byddwch yn mwynhau.

Dyma’r rhesymau pam y dylech chi fynychu ein sesiynau ymarfer corff i bobl hŷn:

• Hybu eich system imiwnedd
• Lefelau is o straen
• Cadw eich annibyniaeth
• Peidio â dioddef poen
• Lleihau’r perygl o afiechyd y galon a strôc
• Lleihau’r perygl o glefyd siwgr math 2, rhai mathau o ganser, iselder a dementia
• Lleihau’r perygl o syrthio
• Cyfarfod ffrindiau newydd!
• Hyrwyddir cadw pellter cymdeithasol drwy ein canolfannau
  hylif hylendid dwylo ar gael drwy’r adeilad
• Glanhau rheolaidd gan dimau’r canolfannau
• Cwsmeriaid yn glanhau offer ffitrwydd cyn ac ar ôl eu defnyddio
• Systemau un ffordd o fewn y canolfannau

Bydd angen archebu ymlaen llaw drwy ffonio eich Canolfan Hamdden neu drwy e-bostio active60@wrexham.gov.uk i gymryd rhan ar-lein.

Amserlen digwyddiadau isod:

Amserlen Ymarfer Corff Zoom 60+ – anfonwch e-bost i

Active60@wrexham.gov.uk

Mae’r sesiwn wedi ei ariannu’n garedig gan Chwaraeon Cymru fel rhan o Gynllun Gweithredu Pwysau Iach Cymru Iach.

😷 Mae’r cyfyngiadau yng Nghymru’n llacio’n raddol. Gwnewch yn siŵr eich bod yn deall beth gewch chi ei wneud a beth na chewch chi ei wneud.👈