Bydd Wrecsam unwaith eto yn dathlu Diwrnod Chwarae Cenedlaethol gyda digwyddiad yng nghanol dinas Wrecsam ar ddydd Mercher, 6 Awst, 12-4pm ar Sgwâr y Frenhines a Llwyn Isaf (cae Neuadd y Dref).
Mae diwrnod chwarae i bawb – waeth beth fo’ch oedran! Gwahoddir babanod a phlant bach, plant hŷn, pobl ifanc, rhieni, neiniau a theidiau a gweithwyr proffesiynol i ymuno yn y digwyddiad am ddim a chwareus hwn.
Bydd sefydliadau sy’n ymwneud â chwarae a gwaith chwarae i blant o bob rhan o Wrecsam yn dod at ei gilydd i gynnig ystod eang o gyfleoedd chwarae am ddim, gan gynnwys ffefrynnau fel y pwll tywod enfawr a chwarae sothach.
Dywedodd y Cynghorydd Phil Wynn, yr Aelod Arweiniol dros Addysg: “Nod y digwyddiad hwn yw tynnu sylw at hawl plant i chwarae, gan annog pobl i gydnabod gwerth chwarae i blant, eu teuluoedd a’u cymunedau lleol. Mae digwyddiad Diwrnod Chwarae Wrecsam yn rhan o ymrwymiad parhaus yr awdurdod lleol i geisio sicrhau bod gan bob plentyn ar draws y fwrdeistref sirol ddigon o amser, lle a chaniatâd i chwarae.”
Mae popeth yn y Diwrnod Chwarae am ddim; y cyfan sydd angen i chi ddod â chi yw hwyliau chwareus a rhai dillad nad oes ots gennych eu gwlychu a’u baeddu. Beth am ddod â phicnic ac aros trwy’r prynhawn?
Derbyniwch y newyddion a’r wybodaeth ddiweddaraf yn syth i’ch mewnflwch.
