Os oes gennych chi, neu rywun rydych chi’n ei adnabod system Teleofal wedi’i osod, gwnewch yn siŵr eich bod chi’n darllen ymlaen i ddarganfod am sgàm sy’n effeithio ar drigolion Wrecsam ar hyn o bryd.
Rydym wedi cael gwybod bod rhai preswylwyr wedi derbyn galwad ffôn gan Medicor Medical Group, sy’n honni eu bod yn gysylltiedig â Delta. Gofynnir iddyn nhw a oes ganddyn nhw teleofal ac, os oes, dywedir wrthyn nhw wedyn bod angen iddyn nhw dalu am uwchraddio i offer digidol ac maen nhw’n cael eu rhoi o dan bwysau i wneud hynny dros y ffôn.
Cofiwch bob amser:
- Nid yw Cyngor Wrecsam byth yn ffonio rhywun a chymryd taliad
- Nid ydym yn codi tâl am uwchraddio offer teleofal i ddigidol
- Yn olaf, os oes rhywbeth sy’n gofyn am daliad, byddwch yn derbyn llythyr gennym ni yn gofyn i chi ein ffonio ni ar ein llinell dalu.
Nid yw cyngor Wrecsam yn gweithio gyda Medicor Medical Group, felly nid yw unrhyw un sy’n cysylltu eu hunain â’r cwmni hwn yn ddilys.
Beth ddylwn i ei wneud os ydw i’n cael galwad?
Os oes unrhyw un yn ansicr, dylech ddod â’r alwad i ben bob amser a ffonio’r rhif teleofal swyddogol ar 01978 298543.
