Mae’r Nadolig yn gyfnod arbennig o brysur yn y canolfannau ailgylchu, felly mae’n syniad da iawn cynllunio’ch ymweliad ymlaen llaw i’w wneud mor hawdd a didrafferth â phosib.
Rydym yn gwerthfawrogi y gall y Nadolig fod yn gyfnod sy’n achosi llawer o straen beth bynnag, a’ch bod yn debygol o fod eisiau mynd i mewn ac allan o’r cyfleusterau cyn gynted â phosibl. Dyma pam mae hi’n well paratoi a chael popeth sydd ei angen arnoch yn barod o flaen llaw.
Dyma rai pethau y gallwch ei wneud cyn cychwyn sydd wir yn ein helpu, ond sydd hefyd yn ei gwneud yn gyflymach a mwy esmwyth i chi hefyd…
Didolwch eich ailgylchu cyn gadael
Didolwch y deunyddiau gwahanol cyn i chi deithio i’ch canolfan ailgylchu lleol, er mwyn sicrhau eu bod yn barod i’w taflu’n syth i’r baeau cywir. Dyma un o’r prif ffyrdd y gallwch ein helpu.
Os na fyddwch chi’n didoli eich ailgylchu cyn i chi gyrraedd, byddwch ar y safle’n hirach nag sydd angen a bydd hyn yn arafu eich ymweliad.
Dewch â dull adnabod gyda chi bob amser
Dim ond preswylwyr Wrecsam gaiff ddefnyddio ein canolfannau ailgylchu, felly pan fyddwch chi’n cyrraedd y safleoedd, gofynnir i chi ddangos dull adnabod i ni fod yn sicr eich bod yn byw yn lleol.
Cofiwch ddod â rhywbeth gyda chi i ni ei wirio a’i fod wrth law er mwyn cyflymu’r broses.
Ceisiwch osgoi’r adegau prysuraf yn draddodiadol
Mae bob amser yn syniad da ystyried pryd ydych chi’n ymweld a cheisio osgoi’r adegau prysuraf pan fo’n bosibl.
Oriau Agor
Lôn y Bryn, Ystâd Ddiwydiannol Wrecsam LL13 9UT
8am – 8pm
Y Lodge, Brymbo, Wrecsam LL11 5NR
9am – 4pm
Banc Wynnstay, Plas Madoc, Wrecsam LL14 3ES
9am – 4pm
Noder y bydd y tri chanolfan ail-gychu ar gau ar ddiwrnod Nadolig.
Dim deunyddiau y gellir eu hailgylchu yn y sgip gwastraff cyffredinol
Os byddwch chi’n dod ag unrhyw fagiau du i’r canolfannau ailgylchu, sicrhewch fod unrhyw boteli plastig, caniau ac ati sydd wedi cael eu rhoi ynddynt mewn camgymeriad yn cael eu tynnu allan ac yn cael eu rhoi gyda’ch ailgylchu ymyl palmant, neu mae modd iddynt gael eu hailgylchu yn y banciau ailgylchu yn y ganolfan ailgylchu.
Coed Nadolig
Oes gennych chi goeden Nadolig go iawn (un nad yw’n artiffisial)? Os felly, mae hon yn gallu mynd yn y sgipiau gwastraff gardd yn unrhyw un o’n tair canolfan ailgylchu cartref i’w hailgylchu pan fyddwch wedi gorffen â hi.
Gormod o gardbord
Os ydych chi’n boddio dan gardbord o anrhegion mwy o faint, gallwch ddod â hwn gyda chi i’w ailgylchu.
Batris
Cofiwch y gallwch chi ailgylchu pob math o fatris yn y tair canolfan ailgylchu yn Wrecsam – hyd yn oed batris ceir!
Podiau coffi
Oeddech chi’n gwybod ein bod wedi ychwanegu podiau coffi wedi’u defnyddio at yr eitemau sy’n cael eu casglu yn ein canolfannau ailgylchu, mewn partneriaeth â Podback, y gwasanaeth ailgylchu podiau. Mae preswylwyr bellach yn gallu ailgylchu eu podiau coffi alwminiwm a phlastig yng nghanolfannau Lôn y Bryn, Brymbo a Phlas Madog. Edrychwch ar y blog hwn am fwy o fanylion…
Ailgylchu eitemau trydanol
Mae gan bob un o’r tair canolfan ailgylchu yn Wrecsam fanciau lle gallwch ailgylchu pob math o wahanol eitemau trydanol. Boed hynny’n ffôn symudol wedi torri yw e neu hen geblau nad ydynt yn gweithio mwyach, gallwch ei ailgylchu gyda ni.
Unrhyw beth i’w ailddefnyddio?
Croesawir llyfrau a beiciau i deganau plant a nwyddau’r cartref, unrhyw beth nad ydych yn eu defnyddio mwyach, ond efallai y gallent fod yn ddefnyddiol i rywun arall, yn y siop ailddefnyddio ar Lôn y Bryn.
Gallwch roi eitemau i’r siop ailddefnyddio yn unrhyw un o’n tair canolfan ailgylchu; siaradwch gydag un o’n cynorthwywyr a fydd yn eich cyfeirio i’r man cywir.
Gallwch gyfrannu i’r siop ailddefnyddio drwy gydol y flwyddyn, felly ym mis Ionawr, os nad ydych eisiau cadw eich coeden artiffisial neu addurniadau tan y flwyddyn ganlynol, bydd y siop yn hapus i’w cymryd nhw.
Bydd y siop yn cadw’r eitemau ac yn eu gwerthu nhw’r flwyddyn ganlynol. Byddent yn hapus i dderbyn cyfraniadau hyn yn oed tu allan i’r tymor.
Casgliadau biniau dros gyfnod yr ŵyl – Newyddion Cyngor Wrecsam
