Awgrymiadau isod a rennir gan yr Asiantaeth Safonau Bwyd fel rhan o’u hymgyrch ‘Mae bacteria wrth ei bodd yma.’
- Golchwch eich dwylo’n drylwyr bob amser cyn paratoi bwyd ac ar ôl cyffwrdd â bwyd amrwd.
- Cofiwch ailgynhesu bwyd nes ei fod yn stemio’n boeth drwyddo draw bob amser. Dim ond unwaith y gallwch chi ailgynhesu eich bwyd.
- Peidiwch â golchi cig. Gall gwneud hynny dasgu bacteria niweidiol ar ddwylo, arwynebau gwaith, bwydydd parod i’w bwyta ac offer coginio.
- Gwiriwch fod tymheredd eich oergell bob amser rhwng 0 a 5°C.
- Peidiwch â bwyta, coginio na rhewi’ch bwyd ar ôl ei ddyddiad ‘defnyddio erbyn’. A chofiwch, ni allwch arogli’r bacteria sy’n eich gwneud yn sâl.
- Dylai cadachau a llieiniau sychu llestri gael eu golchi yn y peiriant golchi ar dymheredd poeth. Ar ôl i chi eu golchi, gadewch iddyn nhw sychu cyn i chi eu defnyddio eto gan fod cadachau budr, llaith yn caniatáu i facteria fridio.
- Cofiwch oeri a gorchuddio’ch bwyd ar ôl ei goginio, a’i roi mewn oergell neu rewgell o fewn awr neu ddwy. Peidiwch â gadael bwyd yn y badell am gyfnodau hir gan fod bacteria yn gallu tyfu.
- Glanhewch arwynebau ac offer cegin yn drylwyr cyn ac ar ôl paratoi bwyd i atal bacteria rhag lledaenu.
- Mae’n bwysig dadmer eich bwyd yn ddiogel – yn yr oergell, nid ar dymheredd yr ystafell, a pheidiwch byth ag ail-rewi bwyd sydd eisoes wedi’i ddadmer.
- Golchwch ffrwythau a llysiau amrwd yn drylwyr cyn eu bwyta, hyd yn oed os ydych chi’n bwriadu eu plicio, gan y gall bacteria drosglwyddo o’r wyneb allanol.
