Gall swyddi fod yn ddiddorol am wahanol resymau…ond mae rhywbeth arbennig am y cyfle hwn, sydd yn gwneud i’r swydd sefyll alan.
Rydym yn chwilio am Swyddogion Seremoni Achlysurol i gynnal seremonïau priodas a phartneriaeth sifil ledled y fwrdeistref sirol.
Wel does dim llawer o swyddi ble gewch weithio bob dydd gyda phobl sydd yn profi rhai o ddigwyddiadau pwysicaf yn eu bywyd, ond mae cyfle yn fan hyn.
Mae’n swydd achlysurol, a disgwylir i ymgeiswyr llwyddiannus weithio rhai penwythnosau a gwyliau banc, yn ogystal â seremonïau yn yr wythnos, pan fo angen, yn ystod misoedd prysur.
Gallwch weithio o amgylch eich swydd ran-amser neu hyd yn oed swydd lawn amser bresennol. Hoffem glywed yn arbennig gan staff Cyngor Wrecsam sy’n ystyried cynyddu eu horiau.
Rhoddir hyfforddiant a chefnogaeth
Swnio fel llawer o gyfrifoldeb? Peidiwch â phoeni, rhoddir hyfforddiant a chefnogaeth i sicrhau bod gennych y sgiliau a’r hyder i allu cynnal seremonïau, yn ogystal â darparu gwasanaeth cwsmeriaid gwych bob amser.
Am beth rydym yn chwilio
Bydd ymgeiswyr llwyddiannus yn talu sylw gwych i fanylion er mwyn cofnodi gwybodaeth yn gywir, meddu ar sgiliau rheoli amser gwych ac yn cyfathrebu’n glir.
Mae llawysgrifen glir a rhywfaint o brofiad o weithio’n uniongyrchol â’r cyhoedd hefyd yn ddymunol.
Mae hyblygrwydd, y gallu i dalu sylw i fanylion a chywirdeb yn ffactorau allweddol o fewn y swydd hon.
Oes gennych chi ddiddordeb? Gallwch ganfod mwy am y swydd yma.
Neu os ydych wedi darllen digon yn barod ac eisiau ymgeisio, cliciwch y botwm isod.
Y dyddiad cau yw dydd Sul, 10 Hydref.
[button color=”” size=”large” type=”square_outlined” target=”new” link=” https://saas.zellis.com/wrexham/wrl/pages/vacancy.jsf?latest=01004754&language=cy
“] YMGEISIO AM Y SWYDD [/button]
