Wrecsam v Coventry | Dydd Gwener, 31 Hydref | Cic gyntaf 8pm
Mynd i’r gêm ddydd Gwener? Cofiwch am wasanaeth Parcio a Theithio Ffordd Rhuthun…
Cyn y gêm
Parcio y tu allan i swyddfeydd Cyngor Wrecsam ar Ffordd Rhuthun, Wrecsam LL13 7TU
Bydd bysus yn rhedeg bob 20 munud gan ddechrau am 6pm; bws olaf 7.20pm.
Ar ôl y gêm
Bydd bysus yn rhedeg bob 20 munud gan ddechrau am 10pm o Ffordd yr Wyddgrug; bws olaf 11.20pm.
Sylwer, yn flaenorol, roedd y bysus cyntaf ar ôl y gêm yn mynd o Dunelm Mill, ond mae gwelliannau i’r gwasanaeth yn golygu bod pob bws ar ôl y gêm bellach yn mynd o Ffordd yr Wyddgrug.
Dim ond £1 am daith ddwyffordd i oedolion (50c i blant)
Maes parcio’n cau am 11.59pm.
Nod y gwasanaeth parcio a theithio yw lleihau tagfeydd.
Bydd defnyddio gwasanaeth Parcio a Theithio Ffordd Rhuthun hefyd yn golygu y bydd eich car wedi’i barcio’n ddiogel ac yn gyfleus. Ar ddiwrnodau gêm, bydd swyddogion gorfodi parcio allan i wneud yn siŵr nad yw ceir yn cael eu parcio’n anghyfreithlon neu’n beryglus yng nghanol y ddinas a’r ardal gyfagos.
Mae cefnogwyr cynyddol Clwb Pêl-droed Wrecsam yn dod â galw cynyddol am barcio ar ddiwrnod y gêm. Felly, mae Cyngor Wrecsam wedi parhau i weithio gydag Arriva North West & Wales i weithredu a gwella’r gwasanaeth bws gwennol pwrpasol sy’n gweithio ar y cyd â’r parcio ar ddiwrnod gêm sydd ar gael ar ein safle yn Ffordd Rhuthun.
Nod y gwasanaeth hwn yw lleihau tagfeydd traffig a chynnig parcio cyfleus ar ddiwrnod gêm i gefnogwyr pêl-droed.
Derbyniwch y newyddion a’r wybodaeth ddiweddaraf yn syth i’ch mewnflwch.
