Mae 9-15 Mawrth 2026 yn Wythnos Croeso i dy Bleidlais, pan fydd ysgolion a grwpiau ieuenctid yn dathlu democratiaeth.
Bob blwyddyn, mae’r digwyddiad yn canolbwyntio ar un thema allweddol a’r thema eleni fydd…pam fod pleidleisio’n bwysig.
Mae’r Wythnos Croeso i dy Bleidlais yn cefnogi pobl ifanc i gael gafael ar wybodaeth ddibynadwy i fod yn wybodus am wleidyddiaeth, democratiaeth ac etholiadau, a chymryd y camau cyntaf i gymryd rhan yn lleol. P’un a yw’n darganfod pwy sy’n eu cynrychioli yn eu hardal, archwilio’r materion sydd bwysicaf iddynt neu gael effaith gadarnhaol yn eu cymuned, mae llawer o ffyrdd y gall pobl ifanc ddod yn wybodus a chymryd rhan.
Mae thema eleni, pam mae pleidleisio yn bwysig, yn gyfle i bobl ifanc ddysgu’r gwahaniaeth y mae pleidleisio yn ei wneud a sut y gall eu lleisiau gael eu clywed.
Mae Wythnos Croeso i dy Bleidlais yn gyfle i drafod pwysigrwydd pleidleisio a democratiaeth yn eich ardal. Ystyriwch gwestiynau fel ‘Pa faterion sy’n bwysig i chi?’, ‘Beth mae gwahanol lefelau llywodraeth yn gyfrifol amdano?’ a ‘Sut allai eich pleidlais wneud newid?’.
Nod Wythnos Croeso i dy Bleidlais yw rhoi’r wybodaeth a’r hyder sydd eu hangen ar bobl ifanc i fwrw eu pleidlais a dysgu am ffyrdd eraill o gymryd rhan mewn democratiaeth. Mae’n gyfle gwych i athrawon ac addysgwyr ddechrau’r sgwrs gyda phobl ifanc.
Gallwch ddysgu mwy am Wythnos Croeso i dy Bleidlais yn y podlediad hwn.
Dywedodd Alwyn Jones, swyddog canlyniadau Fflint Wrecsam: “Mae mor bwysig bod pobl ifanc yn gwybod beth i’w wneud ar ddiwrnod etholiad, a sut i ddod o hyd i’r holl wybodaeth sydd ei hangen arnynt i sicrhau eu bod yn gwneud penderfyniad gwybodus. Mae Wythnos Bleidleisio 2026 yn gyfle gwych i ddod â’r holl wybodaeth sydd ei hangen ar bobl at ei gilydd, yn arbennig o bwysig gydag etholiad y Senedd sy’n digwydd ym mis Mai.
“Byddwn yn annog yr holl bobl ifanc, ysgolion a sefydliadau sy’n gweithio gyda phobl ifanc i gymryd rhan drwy fynd i wefan y Comisiwn Etholiadol i ddysgu mwy am y digwyddiad ynghyd â llu o wybodaeth, fideos a chwisiau sy’n gwneud y broses gyfan yn ddiddorol ac yn hawdd ei deall.”
Os ydych chi’n gweithio mewn ysgol neu gyda grŵp ieuenctid, cofrestrwch i gymryd rhan yn nigwyddiad 2026 a byddwch yn derbyn adnoddau am ddim cyn yr wythnos i’ch helpu i gymryd rhan.
Mae mwy o wybodaeth am Wythnos Croeso i dy Bleidlais ar gael yma.
