Mae WRAP Cymru yn dweud mai’r ffactor ‘ych-a-fi’ (neu ‘yuck factor’) yw’r rheswm fwyaf nad yw pobl yn ailgylchu eu gwastraff bwyd.
Fodd bynnag, nid yw llawer o bobl yn sylweddoli bod ailgylchu gwastraff bwyd yn creu llai o arogl ac yn fwy glân na’i roi yn y bin…cofiwch mae cynnwys eich cadi gwastraff bwyd yn cael eu casglu bob wythnos, tra nad yw gwastraff na ailgylchir.
Er hynny, rydym ni’n gwybod bod y biniau bwyd yn gallu drewi ychydig mwy yn ystod y misoedd cynnes yr haf, ond mae yna ychydig o bethau y gallwch chi eu gwneud i atal hyn rhag digwydd.
Awgrymiadau ar sut i osgoi bin bwyd drewllyd
• Gwagio’r bag yn fwy aml mewn tywydd cynnes
Yn syml, os ydyw’n boeth bydd cynnwys eich cadi bwyd yn dechrau arogli yn gynt nag yn ystod misoedd oerach. Ceisiwch wagio’n fwy rheolaidd pan mae’n gynnes.
- Cofrestru -
• Glanhau/diheintio’r bin yn rheolaidd
Fel unrhyw fin arall, bydd eich cadi angen bach o ofal hefyd. Ceisiwch ei olchi yn rheolaidd, yn arbennig pan mae’n gynnes.
• Gwasgarwch ychydig o ficarbonad soda yng ngwaelod y bin
Mae bicarbonad soda yn ffordd dda o niwtraleiddio arogl yn gyflym, felly os oes gennych ychydig yn y cwpwrdd yna efallai byddwch angen rhoi ychydig yng ngwaelod eich cadi.
• Glanhau unrhyw beth sydd wedi diferu ar unwaith
Weithiau mae diferion yn digwydd, ond mae gwneud yn siŵr eich bod yn eu glanhau yn gyflym yn helpu i atal unrhyw aroglau.
• Cadw cadi bwyd y gegin allan o olau haul uniongyrchol
Dewch o hyd i le oer i storio eich cadi, allan o olau haul uniongyrchol yn help mawr.
• Cadwch y caead ar gau
Bydd cau’r caead yn cadw pryfaid i ffwrdd ac yn stopio’r arogl rhag mynd o amgylch yr ystafell, felly os nad ydych yn gwneud yn barod, ceisiwch ddechrau cau’r caead.
• Peidiwch â gorlenwi eich bag bin bwyd
Problem gyffredin yw bod bagiau bin bwyd yn rhwygo, ac un o’r ffyrdd gorau o atal hyn rhag digwydd yw sicrhau nad ydych yn eu gorlenwi nhw.
• Ewch â’ch cadi cegin y tu allan pan fyddwch yn trosglwyddo gwastraff
Awgrym defnyddiol arall yw cario eich gwastraff bwyd y tu allan i’ch cadi cegin pan fyddwch chi’n barod i’w drosglwyddo i’r cadi ymyl ffordd. Mae hyn yn ei atal rhag rhwygo ac unrhyw hylif rhag colli.
Gobeithio eich bod yn barod i ailgylchu eich gwastraff bwyd. Angen cadi neu fagiau? Dim problem, cewch y ddau am ddim.
Archebu cadi newydd
Rydym ni’n cynnig cadi cegin a biniau ymyl ffordd newydd, felly peidiwch â phoeni – y cyfan sydd angen i chi ei wneud yw archebu un newydd.
Gallwch wneud cais am fin bwyd newydd yn hawdd ar eich gwefan. Fe allwch chi archebu bocsys ailgylchu newydd hefyd os ydych chi eu hangen.
Rydym ni’n cynnig bagiau bin bwyd am ddim
Gallwch glymu bag bin bwyd gwag i handlen eich bin bwyd ar ddiwrnod eich casgliad nesaf – bydd y criw ailgylchu yn gadael rholyn newydd i chi.
Neu, os yw’n well gennych chi, gallwch gasglu’r bagiau bin bwyd am ddim (yn ogystal â sachau glas newydd) o amryw leoliadau yn Wrecsam, gan gynnwys nifer o siopau cyfleus, swyddfeydd ystadau, llyfrgelloedd a chanolfannau ailgylchu.
I gael rhagor o wybodaeth am ailgylchu yn Wrecsam, ewch i https://www.wrecsam.gov.uk/services/biniau-ac-ailgylchu
