Cefnogaeth wych ar gyfer ein gofalwyr maeth yn Wrecsam

“O’r cyswllt cyntaf rydw i wedi cael cefnogaeth lawn gan y tîm maethu yn Wrecsam.” Alison, Gofalwr Maeth gyda Chyngor Wrecsam

Cynnwys

Ydych chi erioed wedi ystyried bod yn ofalwr maeth? Ydych chi erioed wedi ystyried maethu plentyn neu berson ifanc?Rhagor o wybodaeth

Ydych chi erioed wedi ystyried bod yn ofalwr maeth?

Wyddoch chi ein bod yn cynnig llawer o gefnogaeth i holl ofalwyr maeth Cyngor Wrecsam? Mae’r gefnogaeth yn cynnwys:

Ymweliadau rheolaidd
Cyngor a chyfarwyddyd gan weithiwr cefnogi goruchwyliol
Cefnogaeth gan ofalwyr maeth eraill
Newyddlenni rheolaidd a grwpiau coffi cefnogol
Hyfforddiant ac adnoddau i gynyddu gwybodaeth a dealltwriaeth
Cyngor a strategaethau gan weithwyr proffesiynol aml asiantaeth i helpu cyflawni’r canlyniadau gorau ar gyfer plant a phobl ifanc

I gynorthwyo ag unrhyw bwysau ariannol, rydym hefyd yn cynnig y cymorth ariannol canlynol:

- Cofrestru -

- Lwfans i dalu am y gost o ofalu am y plentyn
- Taliad sgiliau
- Gostyngiad o 75% yn eich treth y cyngor
- Cardiau ar gyfer gofalwyr maeth i gael gostyngiadau ar nifer o weithgareddau
- Cynigion hamdden ar gyfer plant
- Dathliadau blynyddol ar gyfer gofalwyr maeth, plant a phobl ifanc

Diogelu’r bobl yr ydych yn eu caru, lawrlwythwch yr ap Covid-19 GIG.

Mae gofalwyr maeth yn creu cartrefi diogel a chefnogol i blant a phobl ifanc ond, yn Wrecsam, mae arnom ni angen mwy o bobl i ddangos diddordeb.

Ydych chi erioed wedi ystyried maethu plentyn neu berson ifanc?

Os felly, hoffai Gwasanaeth Maethu Wrecsam glywed gennych chi. Maen nhw’n chwilio am ofalwyr maeth posibl sy’n ymroddedig i blant a phobl ifanc o bob oed. Mae’n bwysig cadw plant yn eu hardaloedd lleol er mwyn sicrhau cysondeb o ran teulu, ffrindiau ac ysgolion.

Helpwch ni i gadw plant lleol yn ddiogel yn Wrecsam drwy ddarparu cartref diogel a charedig.