Ddydd Mercher 2 Mai rhwng 1 – 2pm bydd Comisiynydd Pobl Hŷn Cymru yn ymweld â Llyfrgell Wrecsam ac yn rhoi sgwrs am ddim.
Dyma’r cyfle perffaith i chi ddweud wrthi beth sy’n bwysig i chi a darganfod sut y gall helpu. Mae’r Comisiynydd yn lais annibynnol ac yn gefnogwr pobl hŷn ar draws Cymru gyfan. Mae’n gweithio i wneud yn siŵr bod Cymru yn le da i dyfu’n hŷn – nid dim ond i rai ond i bawb.
Mae’n gweithio i sicrhau bod y rheiny sy’n agored i niwed neu mewn peryg yn cael eu cadw’n ddiogel, ac yn sicrhau bod pob person hŷn â llais sy’n cael ei glywed, bod ganddynt ddewis a rheolaeth, nad ydynt yn teimlo’n unig nac yn teimlo bod rhagfarn yn eu herbyn, a’u bod yn derbyn y cymorth a’r gwasanaethau sydd eu hangen arnynt. Caiff gwaith y Comisiynydd ei yrru gan beth mae pobl hŷn yn ei ddweud sy’n bwysig iddyn nhw, ac mae eu lleisiau nhw wrth galon popeth mae’n ei wneud.
- Cofrestru -
Mae’r digwyddiad hwn yn rhan o sesiynau Dysgu Dros Ginio, a gynhelir gan lyfrgell Wrecsam ar ddydd Mercher cyntaf bob mis.
Bwriad y rhaglen Dysgu Dros Ginio yw archwilio dulliau newydd lle gallwch ddysgu a hynny wrth gael hwyl hefyd, a phob mis gall ymwelwyr â’r llyfrgell gymryd rhan mewn sesiynau newydd cyffrous.
Mae hwn yn sesiwn am ddim yn Llyfrgell Wrecsam dydd Mercher 2 Mai, 1-2pm.
Am fwy o wybodaeth ffoniwch Llyfrgell Wrecsam ar 01978 292090
Dwedwch sut y medrwn ni ateb i’r heriau tai dros y pum mlynedd nesaf.
DW I EISIAU CYNNIG FY MARN AR DAI
