Ydych chi’n chwilio am yrfa yn y GIG a ddim yn siŵr ble i ddechrau?
Eisiau newid gyrfa, ond heb yr holl gymwysterau sydd eu hangen arnoch?
Mae Cymunedau am Waith a Mwy Wrecsam ynghyd â Gyrfa Cymru a’r AGPh yn cynnal digwyddiad recriwtio’r GIG ar 7 Gorffennaf, 2025 yn Neuadd Goffa Wrecsam 10am-2pm.
Bydd dros 20 o adrannau’r GIG yno, gan roi’r cyfle i chi siarad â staff yn Ysbyty Maelor Wrecsam a darganfod mwy am y rolau sydd ar gael yno.
Mae hwn yn gyfle prin i gael cymorth gan staff fydd yn gallu cynnig cyngor ar y broses ymgeisio.
Bydd Coleg Cambria a Phrifysgol Wrecsam yno hefyd i’ch galluogi i archwilio’r cyrsiau sydd ar gael i’ch helpu i uwchsgilio.
Ychwanegodd y Cynghorydd Nigel Williams, yr Aelod Arweiniol dros yr Economi, Busnes a Thwristiaeth: “Mae’r digwyddiad hwn yn gyfle perffaith i ddarganfod mwy am swyddi yn y sector gofal iechyd ac mae’n gyfle prin i gael cymorth gyda cheisiadau a dod o hyd i wybodaeth am ennill sgiliau a chymwysterau newydd.
“Os oes gennych ddiddordeb mewn gweithio yn y GIG, rwy’n eich annog i ddod i lawr a manteisio ar y cyfle.”
Derbyniwch y newyddion a’r wybodaeth ddiweddaraf yn syth i’ch mewnflwch.
