Mae llythyrau’n gwahodd pobl ifanc i gael eu brechu rhag meningitis B wedi cael eu hanfon at filoedd o bobl ifanc rhwng 17 a 18 oed ar draws Gogledd Cymru.
Mae mwy na 8,000 o bobl ifanc a anwyd rhwng 1 Medi 2007 a 31 Awst 2008 yn cael eu gwahodd i apwyntiad a gaiff ei gynnal yn un o’r 25 o ganolfannau brechu cymunedol ar draws y rhanbarth yn ddiweddarach y mis hwn, a byddant yn cael ail apwyntiad ryw bedair wythnos yn ddiweddarach.
Mae dau ddos o’r brechlyn yn hollbwysig er mwyn sicrhau’r amddiffyniad gorau posibl rhag meningitis B.
Gall pobl rhwng 18 a 25 oed a fydd yn dechrau ar gwrs preswyl yn y brifysgol neu’r coleg am y tro cyntaf yr hydref hwn hefyd drefnu i gael eu brechu trwy gysylltu â’n tîm brechu o 20 Gorffennaf ymlaen. Ar hyn o bryd, bydd y brechiad rhag MenB yn cael ei gynnig i’r grwpiau risg uwch hyn yn unig.
Bydd pobl ifanc sydd wedi colli brechiadau eraill a argymhellir hefyd yn cael cynnig y cyfle i ddal i fyny yn y clinigau hyn.
Gwnaeth Llywodraeth Cymru gyhoeddi’r ymgyrch frechu ragofalus y mis diwethaf, yn dilyn brigiad o achosion o MenB yng Nghaint yn gynharach eleni lle aeth 21 o bobl yn sâl a lle bu i ddau unigolyn ifanc farw, er tristwch mawr.
Darllenwch fwy yn y wefan Bwrdd Iechyd Prifysgol Betsi Cadwaladr.
