Ydych chi eisiau helpu’r amgylchedd, bod yn actif yn yr awyr agored a chwrdd ag eraill yn y gymuned wrth wneud hyn?
Byddwch yn wirfoddolwr am y diwrnod! Dewch i’n helpu i blannu coed ar fannau agored oddi ar Ffordd Brychdwn, Lodge.
Cefndir
Cyllido yn llawn – Ariannwyd gan Trees for Cities, gyda chymorth gan Bartneriaeth Goedwigoedd Wrecsam.
Mae Partneriaeth Goedwigoedd Wrecsam yn gweithio gyda’i gilydd i blannu coed ledled y sir i wella cysylltedd coetir yn yr ardal a’n helpu i gyrraedd ein nodau brigdwf ar gyfer y Sir. Bydd yn helpu tuag at ein nodau fel rhan o Addewid Coetir Wrecsam.
Ar y diwrnod
Cynhelir y digwyddiad ar ddydd Sadwrn, 22 Chwefror, 2025 o 10am – 2pm.
Bydd lluniaeth am ddim ar gael. Os ydych yn aros dros amser cinio dewch â’ch pecyn bwyd a diod eich hunain. Hefyd, nid oes toiledau ar y safle, felly cynlluniwch ymlaen llaw (toiledau cyhoeddus agosaf yn Ganolfan Adnoddau Brynteg).
Rhaid i blant ddod gydag oedolyn, mae plannu coed yn addas ar gyfer yr holl deulu, ond bydd plant ifanc angen cymorth oedolyn wrth balu tyllau.
Darperir yr holl offer ac mae menyg ar gael i’w defnyddio. Gwisgwch ddillad cynnes sy’n addas i’r tywydd ac esgidiau glaw neu esgidiau cryfion!
Byddwn ar y safle rhwng 10-2pm ond mae croeso i chi aros cyhyd ag y dymunwch.
Man cyfarfod
Ffordd Brychdwn (cae). Y lleoliad what3words yw dringol.cywirdeb.estyniad (mae what3words yn darparu ‘cod’ yr union leoliad, gan ddefnyddio geiriau ar hap, i helpu pobl i ddod o hyd i leoliadau pan nad yw cyfeiriadau stryd yn ddigon cywir).
Rhowch wybod i ni os oes gennych ddiddordeb
Os hoffech gysylltu i wirfoddoli neu wneud sylw am y cynllun plannu coed cysylltwch â woodlandpledge@wrexham.gov.uk.
Eisiau helpu gyda digwyddiadau yn y dyfodol?
Rydym yn galw ar fusnesau, unigolion, grwpiau cymunedol ac ysgolion a hoffai helpu i blannu coed gyda Chyngor Wrecsam, i gysylltu â ni, gan y bydd mwy o gyfleoedd trwy gydol y gaeaf i bobl gymryd rhan.
Cysylltwch â woodlandpledge@wrexham.gov.uk i gael mwy o wybodaeth.
Efallai yr hoffech hefyd ddarllen: Annog trigolion Wrecsam i ymuno ag ymgyrch “Fix It Feb” Caffi Trwsio Cymru
