Ydych chi’n gymwys i gael gwelliannau effeithlonrwydd ynni cartref am ddim?

Oeddech chi’n gwybod bod cynllun yng Nghymru sy’n cynnig pecyn o welliannau effeithlonrwydd ynni cartref am ddim?

Gallai hynny olygu boeler newydd, gwres canolog neu inswleiddio i helpu i’ch cadw chi a’ch teulu’n gynnes a gostwng eich biliau ynni ar yr un pryd.

Dewch i wybod am y newidiadau yn y cyfyngiadau Covid-19 yng Nghymru.

Gweithredir y cynllun gan “Nyth – Gwneud Cymru’n Glyd” a’i ariannu gan Lywodraeth Cymru. Mae wedi’i anelu at aelwydydd incwm isel a’r rheiny sy’n byw mewn ardaloedd difreintiedig ledled Wrecsam a Chymru.

Ond peidiwch â phoeni os nad ydych chi’n gymwys i gael gwelliannau ynni am ddim oherwydd maen nhw hefyd yn cynnig cyngor rhagorol ar gyfer gwneud arbedion.

Mae hwn yn gynllun effeithlonrwydd ynni gwych

Dywedodd y Cynghorydd David A Bithell, Aelod Arweiniol dros yr Amgylchedd a Thrafnidiaeth: “Mae hwn yn gynllun effeithlonrwydd ynni gwych a dylai pobl fod yn gwneud y gorau o’r holl gefnogaeth sydd ar gael. Mae’r gwasanaeth yn rhad ac am ddim ac yn gyfrinachol a bydd yn helpu preswylwyr i gadw’n gynnes a lleihau eu biliau ynni ar yr un pryd.

I rai, bydd hyn yn rhyddhad wrth iddynt frwydro yn ystod misoedd y gaeaf i gadw eu teulu’n gynnes wrth ymdrechu i dalu biliau ynni felly gwnewch yr alwad a gweld pa help rydych chi’n gymwys amdano.”

Gallech fod yn gymwys i gael gwelliannau effeithlonrwydd ynni am ddim os:

• Rydych chi’n berchen ar eich cartref neu’n rhentu oddi wrth landlord preifat (nid y Cyngor na’r Gymdeithas Dai)
• Nid yw eich cartref yn ynni effeithlon ac mae’n ddrud i’w gynhesu
• Rydych chi neu rywun rydych chi’n byw gyda nhw yn derbyn budd-dal prawf modd NEU mae ganddynt gyflwr cronig anadlol, cylchrediad y gwaed neu iechyd meddwl ac incwm islaw trothwyon diffiniedig (mae gwybodaeth lawn am feini prawf iechyd ar gael yma)

Mae cartrefi ledled Cymru eisoes yn elwa o’r cynllun a gallai eich cartref chi fod y nesaf i elwa 🙂

Os oes gennych ddiddordeb mewn darganfod mwy gallwch edrych ar eu gwefan yn nyth.llyw.cymru neu roi galwad iddynt ar 0808 808 2244 (rhadffôn).

???? Mae’r cyfyngiadau yng Nghymru’n llacio’n raddol. Gwnewch yn siŵr eich bod yn deall beth gewch chi ei wneud a beth na chewch chi ei wneud.????

Y RHEOLAU COVID DIWEDDARAF