Am gael rhagor o wybodaeth am sut i gefnogi unigolion a theuluoedd sy’n byw gyda dementia? Os felly, bydd y gweithdai hyn sydd ar ddod o ddiddordeb i chi…
Nod ‘Cefnogi pobl sy’n byw gyda dementia’ a gynhelir ddydd Mawrth, 10 Mawrth, yng ngofod perfformio Tŷ Pawb, yw dangos pŵer gofyn “Beth sy’n bwysig i chi?” a’r gwahaniaeth y mae’n ei wneud pan fyddwn yn gwrando er mwyn dysgu.
Mae’r hwylusydd gwadd, Tommy Whitelaw, yn arwain tair sesiwn yn ystod y dydd, a gallwch gadw eich lle am ddim ar eich gweithdy dewisol.
Y tair sesiwn
- 9.30am-12.30pm – Gweithdy i weithwyr proffesiynol sy’n gweithio gydag unigolion a theuluoedd sydd â dementia ac yn eu cefnogi. Dewch i ddysgu mwy am y mudiad ‘Beth sy’n bwysig i chi?’ ac effaith gwrando a charedigrwydd. Bydd y gweithdy hwn yn eich galluogi i archwilio sut beth yw ymarfer sy’n canolbwyntio ar yr unigolyn ar draws gwahanol dimau a lleoliadau gofal.
- 1.30pm-2.30pm – Gweithdy ar gyfer mudiadau preifat a gwirfoddol, a’r cyhoedd. Yn y sesiwn hon gallwch ddysgu am brofiad byw Tommy o ofalu am ei fam, Joan, yn ystod eu taith dementia.
- 3pm-4pm – Gweithdy ar gyfer mudiadau preifat a gwirfoddol, a’r cyhoedd. Yr un sesiwn ag uchod.
Cadwch eich lle!
Gallwch gadw eich lle ar unrhyw un o’r sesiynau uchod trwy Eventbrite.
Sylwer, bydd rhai rhannau o’r sesiynau hyn o natur bersonol iawn.
Yn ogystal, mae’r gweithdy yn cynnwys rhannau sy’n gwahodd cynrychiolwyr i gymryd rhan. Fe’ch anogir i gymryd rhan, ond nid yw’n orfodol, ac mae’r gofod wedi’i gynllunio i sicrhau bod pawb yn teimlo’n gyfforddus ac wedi eu cefnogi.
Digwyddiad Iechyd Menywod 2026 – Newyddion Cyngor Wrecsam
Derbyniwch y newyddion a’r wybodaeth ddiweddaraf yn syth i’ch mewnflwch.
