Wyddoch chi fod ffordd o gael y wybodaeth a chyngor diweddaraf o ran ailgylchu yn uniongyrchol i chi, fel nad ydych yn colli allan ar unrhyw beth pwysig sy’n eich effeithio chi?
Os ydych yn cofrestru i dderbyn ein hysbysiadau e-bost ar Wybodaeth ac Argymhellion Ailgylchu, gallwn anfon ein straeon newyddion diweddaraf ac argymhellion i chi, er mwyn eich helpu i gael y mwyaf allan o’ch ailgylchu, cyngor lleol (gan gynnwys newidiadau sy’n effeithio arnoch chi), a manylion ar ymgyrchoedd sydd ar y gweill i chi gymryd rhan ynddynt.
Meddai’r Cynghorydd Terry Evans, Aelod Arweiniol yr Amgylchedd: “Mae’r e-bost Gwybodaeth ac Argymhellion Ailgylchu yn darparu gwybodaeth, argymhellion a chyngor hanfodol ar ailgylchu yn Wrecsam. Trwy gael y wybodaeth ddiweddaraf, gallwch helpu i gyfrannu tuag at Wrecsam glanach a chael effaith cadarnhaol ar ein hamgylchedd.”
Ydych chi’n barod i gymryd rhan? Mae cofrestru’n hawdd, dim ond nodi eich cyfeiriad e-bost a gallwn ddechrau anfon ein hargymhellion a gwybodaeth i chi.
Gwiriwch pa ddiwrnod y mae eich biniau yn cael eu casglu i gael y wybodaeth ddiweddaraf am eich casgliadau
Wyddoch chi y gallwch chi wirio pryd mae eich casgliadau bin diweddaraf yn syml trwy deipio eich cod post neu stryd?
Mae’r cyfleuster Gwirio’ch diwrnod casglu biniau yn ffordd wych o gael gwybod yn union pryd mae’ch biniau yn cael eu casglu, a gall fod yn arbennig o ddefnyddiol ar adegau pan fyddwch yn gweld newidiadau i’ch patrwm casglu arferol, megis dros gyfnod y Nadolig.
Ni fydd angen i chi fewngofnodi i wirio’ch diwrnod casglu biniau, a gallwch wirio ar ran eich ffrindiau, aelodau o’ch teulu a chymdogion hefyd.
Ffordd arall o gael y wybodaeth ddiweddaraf ynglŷn â chasgliadau biniau yw cofrestru i dderbyn negeseuon atgoffa trwy e-bost. Trwy wneud hyn, fe gewch chi neges e-bost i’ch atgoffa i roi’ch biniau allan y diwrnod cyn y diwrnod casglu. Mae’n ffordd dda i ni adael i chi wybod ynglŷn ag unrhyw newidiadau sy’n effeithio arnoch chi hefyd.
