Mae digwyddiad gwych yn cael ei gyflwyno i’n rhaglen Nadolig eleni ac rydym yn paratoi ar gyfer Pentref y Nadolig cyntaf Wrecsam – gyda mynediad am ddim! Ho Ho Ho
Mae Pentref y Nadolig yn agor ar Llwyn Isaf am 12 hanner dydd, ddydd Gwener 14 Rhagfyr a bydd yn Wrecsam tan 4pm ddydd Sul 16 Rhagfyr. Bydd yn ffordd wych o fynd i ysbryd y Nadolig a chael anrhegion a chyflenwadau munud olaf.
Bydd bythynnod bach yn agor eu drysau i gynnig gwledd go iawn o fwyd i ddod â dŵr i’ch dannedd, amrywiaeth o nwyddau wedi’u gwneud â llaw a chynnyrch unigryw.
Dewch i fwynhau’r awyrgylch ac ymlacio yn y tipi hudolus gyda diod o win cynnes wrth wrando ar adloniant Nadoligaidd.
Gallwch hefyd fanteisio ar barcio am ddim ar ôl 10am ym mhob maes parcio sy’n eiddo i’r cyngor yng nghanol y dref, gan gynnwys Tŷ Pawb am y tridiau.
Amseroedd agor y pentref yw:
Dydd Gwener, 14 Rhagfyr – 12 hanner dydd tan 8pm
Dydd Sadwrn, 15 Rhagfyr – 10am – 8pm
Dydd Sul, 16 Rhagfyr – 10am – 4pm
Mae rhagor o wybodaeth am y digwyddiad hwn a digwyddiadau eraill y Nadolig ar gael ar lein yn yma neu anfonwch e-bost at events@wrexham.gov.uk
[button color=”” size=”large” type=”square_outlined” target=”new” link=”http://www.yourvoicewrexham.net/KMS/elab.aspx?noip=1&CampaignId=766&SessionId=7W3XW8KTF6&language=cy”]DWI ISIO MYNEGI FY MARN![/button]
[button color=”” size=”large” type=”square_outlined” link=”https://newyddion.wrecsam.gov.uk”]DOES DIM OTS GEN [/button]
