Mae’r wefan hon yn defnyddio cwcis. Trwy ei defnyddio, rydych yn cytuno i’w defnydd. Am fwy o wybodaeth, darllenwch ein Polisi Preifatrwydd.
Derbyn
Newyddion Cyngor Wrecsam
  • Busnes ac addysg
  • Y cyngor
  • Pobl a lle
  • Fideo
  • Arall
  • English
Darllen Iechyd Cyhoeddus Cymru yn annog pobl gymwys yng Nghymru i gael eu brechiadau rhag y ffliw a’u pigiadau atgyfnerthu COVID-19
Rhannu
Notification Show More
Latest News
The Guildhall, Wrexham
Cyngor Wrecsam yn ystyried mwy o gynigion i arbed costau wrth i’r wasgfa ariannol aruthrol barhau
Y cyngor
Council Tax
Siapio dyfodol Treth y Cyngor yng Nghymru
Y cyngor Fideo Pobl a lle
20mph
Gallwch gael eich cosbi am ddifrodi neu symud arwyddion 20mya
Y cyngor Pobl a lle
Victorian Market
Marchnad Fictoraidd wedi’i lleihau oherwydd gwyntoedd cryf a ragwelir
Y cyngor Arall
Cyrtiau tennis y Parciau yn agor yn swyddogol yn dilyn gwaith ailwampio 
Cyrtiau tennis y Parciau yn agor yn swyddogol yn dilyn gwaith ailwampio 
Y cyngor Pobl a lle
Newyddion Cyngor Wrecsam
Search
  • Busnes ac addysg
  • Y cyngor
  • Pobl a lle
  • Fideo
  • Arall
  • English
Dilynwch NI
© 2023 Cyngor Bwrdeistref Sirol Wrecsam
Newyddion Cyngor Wrecsam > Blog > Arall > Iechyd Cyhoeddus Cymru yn annog pobl gymwys yng Nghymru i gael eu brechiadau rhag y ffliw a’u pigiadau atgyfnerthu COVID-19
Arall

Iechyd Cyhoeddus Cymru yn annog pobl gymwys yng Nghymru i gael eu brechiadau rhag y ffliw a’u pigiadau atgyfnerthu COVID-19

Diweddarwyd diwethaf: 2021/09/29 at 1:32 PM
Rhannu
Darllen 6 funud
Iechyd Cyhoeddus Cymru yn annog pobl gymwys yng Nghymru i gael eu brechiadau rhag y ffliw a'u pigiadau atgyfnerthu COVID-19
RHANNU

Erthyl Gwadd – Iechyd Cyhoeddus Cymru

Mae Iechyd Cyhoeddus Cymru yn annog pob person cymwys yng Nghymru i gael eu brechlynnau ffliw a phigiadau atgyfnerthu COVID-19 am ddim gan y GIG pan fydd yn dechrau ar ei raglen frechu genedlaethol fwyaf erioed dros y gaeaf.

Wrth i’r pandemig byd-eang barhau, mae effaith COVID-19 ar y genedl wedi bod yn sylweddol, ond gall y ffliw fod yn ddifrifol hefyd. Mae’r siawns o fynd yn ddifrifol wael gyda COVID-19 neu’r ffliw yn cael ei lleihau’n fawr drwy frechu, ac mae’r risgiau o ledaenu’r feirysau hyn yn lleihau hefyd.

Dewch i weithio ym maes gofal cymdeithasol, er mwyn eich cymuned.

Mae brechu yn arbennig o bwysig i’r rhai sy’n hŷn, yn feichiog, neu sydd â chyflwr iechyd ac sy’n fwy agored i niwed o ran cymhlethdodau o ganlyniad i’r heintiau. Mae hefyd yn bwysig iawn bod gweithwyr gofal iechyd rheng flaen a’r rhai sy’n gweithio mewn cartrefi gofal neu’n darparu gofal yng nghartrefi pobl eu hunain yn cael eu brechlynnau er mwyn helpu i leihau lledaeniad.

Fel yr esbonia Dr Christopher Johnson, Epidemiolegydd Ymgynghorol a Phennaeth Dros Dro Rhaglen Frechu yn erbyn Clefydau Ataliadwy Iechyd Cyhoeddus Cymru: “Mae’n hysbys mai cael brechlyn ffliw bob blwyddyn yw un o’r ffyrdd mwyaf effeithiol o amddiffyn rhag y ffliw. Yn yr un modd, mae’r brechiad atgyfnerthu COVID-19 yn ymestyn yr amddiffyniad rhag haint mewn unigolion yn y grwpiau cymwys hynny a gwblhaodd eu cwrs sylfaenol o frechiadau COVID-19 yn gynharach eleni.

“Mae’r broses yn syml ac yn effeithiol. Ar gyfer y rhan fwyaf o grwpiau cymwys mae’r brechlynnau ffliw ar gael naill ai gan y practis cyffredinol neu’r fferyllfa gymunedol. Mae trefniadau ar wahân yn eu lle ar gyfer babanod, plant oedran ysgol a staff y GIG a gofal cymdeithasol. Bydd y rhan fwyaf o frechiadau atgyfnerthu COVID-19 yn cael eu cynnig yn y canolfannau brechu torfol presennol, gyda gwahoddiadau’n cael eu dosbarthu gan fyrddau iechyd lleol.”

Mae’r rhai sy’n gymwys i gael brechlynnau ffliw a COVID-19 am ddim gan y GIG wedi’u nodi mewn cyngor gan y Cyd-bwyllgor ar Imiwneiddio a Brechu (JCVI). Mae’r grwpiau ar gyfer y ddau frechlyn yn debyg ond nid ydynt yn cyfateb yn union. Mae argymhellion llawn y JCVI ar gael ar-lein ar gyfer y ffliw a’r rhaglen pigiad atgyfnerthu COVID-19.

Er mwyn annog pobl i fanteisio ar y brechlynnau hyn, mae Iechyd Cyhoeddus Cymru wedi lansio ymgyrch yn seiliedig ar y thema ‘helpwch i gadw eich bywyd ar agor’ o ganlyniad i gael y brechlynnau pan gânt eu cynnig. Mae’n cynnwys hysbyseb deledu a radio newydd yn ogystal â chynnwys cyfryngau cymdeithasol a digidol ac fe’i cynhelir o 28 Medi, gyda’r hysbyseb deledu yn cael ei darlledu gyntaf o 4 Hydref.

Rhaid amddiffyn ein gilydd dros y Gaeaf. Ewch i gael eich brechlynnau COVID-19 a'r Ffliw i helpu i gadw'ch bywyd ar agor.

Gwiriwch a ydych yn gymwys: https://t.co/tnIjeosoYq pic.twitter.com/wKL7ITgBhe

— Iechyd Cyhoeddus Cymru (@IechydCyhoeddus) September 29, 2021

Dywedodd y Gweinidog Iechyd a Gwasanaethau Cymdeithasol, Eluned Morgan: “Mae gwasanaethau iechyd a gofal cymdeithasol yn parhau i weithio’n galed i’n diogelu ni a’n hanwyliaid rhag heriau’r pandemig. Rydym yn pryderu am storm berffaith o’r ffliw a COVID-19 y gaeaf hwn, ac rydym yn gwneud popeth i baratoi.

“Eleni, rydym yn ymestyn ein rhaglen brechu rhag y ffliw i gynnwys pawb dros 50 oed a rhwng 7 ac 11 oed yn y rhaglen ysgolion. Mae ein rhaglen pigiad atgyfnerthu Covid 19 eisoes wedi dechrau cael ei chyflwyno ac rwy’n annog yn gryf y rhai sy’n gymwys i gael eu brechlynnau cyn gynted â phosibl er mwyn helpu i amddiffyn eu hunain, eu teuluoedd a’u cymuned.”

Mae feirysau ffliw a COVID-19 yn lledaenu’n hawdd, a gallant fod yn ddifrifol iawn i bobl hŷn, plant ifanc, menywod beichiog a’r rhai sydd â chyflyrau iechyd.

“Diolch byth, roedd tymor y ffliw yn ysgafn y llynedd,” meddai Dr Johnson, “ond yn y rhan fwyaf o flynyddoedd mae’n arwain at frigiad o achosion mewn cartrefi gofal ac ysbytai, ac yn gyffredinol rydym yn gweld cannoedd o bobl yn cael eu derbyn i’r ysbyty neu unedau gofal dwys gyda’r ffliw. Rydym hefyd yn gwybod o’n profiadau gyda COVID-19 mor ddinistriol y gall ei effeithiau fod.

“Byddwn felly’n rhoi sicrwydd i’r rhai sy’n gymwys ond sy’n colli eu hapwyntiadau am unrhyw reswm i beidio â chynhyrfu. Gellir aildrefnu apwyntiadau drwy gysylltu â’r sefydliad a roddodd eich gwahoddiad gwreiddiol a gwneud cais am ddyddiad newydd,” meddai i gloi.
I helpu i atal y ffliw a feirysau eraill rhag lledu, cofiwch ‘ei ddal, ei daflu, ei ddifa.’

I gael rhagor o wybodaeth am sut y mae brechlynnau yn eich amddiffyn, ac am symptomau’r ffliw a COVID-19, chwiliwch am frechlynnau Iechyd Cyhoeddus Cymru neu ewch i icc.gig.cymru/pynciau/imiwneiddio-a-brechlynnau.

Os ydych chi’n chwilio am yrfa newydd ac os hoffech chi helpu pobl yn eich cymuned, ystyriwch swydd gofal cymdeithasol.

DOD O HYD I SWYDDI GOFALU LLEOL

Rhannu
Erthygl flaenorol Care A ydych chi’n derbyn neu’n darparu gwasanaethau gofal a chymorth? Os felly, darllenwch ymlaen….
Erthygl nesaf Litter Picking Hubs Dysgwch fwy am ganolbwyntiau casglu sbwriel yn Wrecsam

Cysylltu

590 Dilynwyr Hoffi
1k Dilynwyr Dilyn
500 Dilynwyr Dilyn
- Cofrestru -
Ad image

Y newyddion diweddaraf

The Guildhall, Wrexham
Cyngor Wrecsam yn ystyried mwy o gynigion i arbed costau wrth i’r wasgfa ariannol aruthrol barhau
Y cyngor Rhagfyr 6, 2023
Council Tax
Siapio dyfodol Treth y Cyngor yng Nghymru
Y cyngor Fideo Pobl a lle Rhagfyr 6, 2023
20mph
Gallwch gael eich cosbi am ddifrodi neu symud arwyddion 20mya
Y cyngor Pobl a lle Rhagfyr 6, 2023
Victorian Market
Marchnad Fictoraidd wedi’i lleihau oherwydd gwyntoedd cryf a ragwelir
Y cyngor Arall Rhagfyr 6, 2023

Efallai yr hoffech weld y rhain hefyd

Victorian Market
Y cyngorArall

Marchnad Fictoraidd wedi’i lleihau oherwydd gwyntoedd cryf a ragwelir

Rhagfyr 6, 2023
Sgwrs Hinsawdd
Pobl a lleArall

Sesiwn galw heibio Sgwrs Hinsawdd -dywedwch eich dweud!

Rhagfyr 1, 2023
Dweud eich dweud ar gyllid plismona yng Ngogledd Cymru
Pobl a lleArall

Dweud eich dweud ar gyllid plismona yng Ngogledd Cymru

Tachwedd 30, 2023
Wrexham General station - Transport for Wales
Arall

Dweud eich dweud ar gynigion ar gyfer Hwb Trafnidiaeth Porth Wrecsam

Tachwedd 13, 2023
Wrexham County Borough Council
//

Mae Newyddion y Cyngor yn darparu’r holl newyddion diweddaraf gan Gyngor Bwrdeistref Sirol Wrecsam.

Dolenni cyflym

  • Fy Niweddariadau
  • Hysbysiadau awtomatig
  • Cysylltwch â’r cyngor
  • Polisi preifatrwydd

Prif storiau

Tanysgrifiwch i’n bwletin newyddion a chael y newyddion a’r wybodaeth ddiweddaraf gan Gyngor Wrecsam.

Newyddion Cyngor Wrecsam
Dilynwch NI

© 2023 Cyngor Bwrdeistref Sirol Wrecsam

Wedi’i dynnu oddi ar y rhestr ddarllen.

Undo
Wrexham Council News
Welcome back!

Sign in to your account

Lost your password?
  • Cymraeg
  • English