Heddiw, rydym yn gofyn i bawb helpu i gadw Wrecsam yn daclus – a helpu i ofalu am ein cornel hyfryd ni o’r byd.
Mae hyn yn bwysig i bobl, ac mae bellach yn bryd i ni weithio gyda’n gilydd ar draws Wrecsam i dacluso ein parciau, lleiniau glas a mannau agored.
Yn Wrecsam, rydym yn arbennig o lwcus i gael ardaloedd o harddwch naturiol eithriadol a diddordeb gwyddonol arbennig, yn ogystal â pharciau a mannau agored y Faner Werdd… felly mae’n bwysig ein bod yn eu gweld ar eu gorau, heb sbwriel a’r broblem o faw cŵn a thipio anghyfreithlon.
Yn ogystal â difetha ein gallu i fwynhau ein hamgylchedd, mae sbwriel yn bygwth cynefinoedd a bywyd gwyllt.
Sut allaf wneud gwahaniaeth?
- Sicrhewch eich bod yn cario eich sbwriel adref gyda chi.
- Sicrhewch eich bod yn clirio baw eich ci ar ôl iddo faeddu.
- Trefnwch sesiwn casglu sbwriel cymunedol – gall Caru Cymru eich helpu gyda hyn a gallwch ddarganfod mwy ar-lein.
- Gallwch roi gwybod am unrhyw graffiti neu dipio anghyfreithlon ar-lein
- Peidiwch â chael eich dal allan â chynnig ‘dyn mewn fan’. Mae’n rhaid i unrhyw un sy’n gwaredu eich gwastraff feddu ar Drwydded Cludydd Gwastraff. Sicrhewch eich bod yn gofyn i weld y drwydded cyn talu rhywun i waredu eich sbwriel.
Os byddwch yn dod ar draws sbwriel neu dipio anghyfreithlon, rhowch wybod drwy ein cyfleuster rhoi gwybod ar-lein.
Peidiwch â cheisio agor unrhyw fagiau na’u symud fel y gall ein swyddogion ymchwilio i’r mater yn ddiogel a gweld a oes unrhyw fanylion y gallwn eu defnyddio i gyflwyno dirwyon, neu hyd yn oed ystyried erlyniaeth neu rybudd cosb benodedig.
Gadewch i ni atal sbwriel rhag bod yn niwsans
Meddai’r Cynghorydd Terry Evans, Aelod Arweiniol yr Amgylchedd: “Rydym yn gwerthfawrogi ein cymunedau, ac rydym yn galw ar bawb i wneud gwahaniaeth drwy helpu i’w cadw’n lân ac yn daclus.
“Gall bob un ohonom helpu gyda hyn, a chyn belled ein bod yn gallu gwneud hynny’n ddiogel, dylai bob un ohonom wneud ein rhan i atal sbwriel rhag bod yn niwsans.
“Mae pob un o’r Canolfannau Ailgylchu Gwastraff y Cartref ar agor a dylid mynd ag unrhyw wastraff dros ben i un o’r canolfannau hyn.
“Mae clirio sbwriel a thipio anghyfreithlon hefyd yn defnyddio amser ac adnoddau gwerthfawr. Pan fyddwch yn edrych ar raddfa’r fwrdeistref sirol, mae’n amser ac adnoddau nad oes gennym. Felly, chwaraewch eich rhan a Chadw Wrecsam yn Daclus
Derbyniwch y newyddion a’r wybodaeth ddiweddaraf yn syth i’ch mewnflwch
Efallai yr hoffech hefyd ddarllen Gwasanaethau 4G a band-eang cyflym ar gyfer Gogledd Cymru
