Yn ystod yr argyfwng costau byw presennol, efallai y bydd preswylwyr yn poeni am wresogi eu cartrefi trwy gydol y misoedd oerach.
Gyda chyllid gan Lywodraeth Cymru, rydym wedi sefydlu’r fenter “Mannau Cynnes”. Ledled ardal Wrecsam, mae adeiladau cymunedol yn ymuno ac yn cynnig mannau cynnes i breswylwyr.
Yn ogystal â llyfrgelloedd Wrecsam a Hwb Lles Wrecsam sy’n cymryd rhan, mae 19 o sefydliadau cymunedol yn cynnig hybiau lle mae pobl yn gallu cynhesu eu hunain, cymryd rhan mewn gweithgareddau a derbyn diod gynnes neu hyd yn oed pryd poeth.
Gweithgareddau a chymorth
Mae’r fenter yn rhedeg o nawr tan ganol mis Mawrth ac mae amserlen weithgareddau ar gael yn yr hybiau sy’n cymryd rhan. Mae hyn yn cynnwys gemau bwrdd, jig-sos, gweithgareddau crefft neu ddarparu lle i gael diod a phryd o fwyd cynnes am ddim.
Nod arall yw mynd i’r afael â chynhwysiant cymunedol ac unigrwydd.
Bydd cymorth a chyngor gan asiantaethau megis Cyngor ar Bopeth a Cymru Gynnes ar gael mewn rhai sesiynau.
Ble i ddod o hyd i’ch hwb Mannau Cynnes agosaf
Yn ogystal â llyfrgelloedd lleol sy’n croesawu pobl i ymuno yn y mannau cynnes a Hwb Lles Wrecsam sy’n cymryd rhan, mae’r hybiau canlynol ar gael ar y diwrnodau a’r amseroedd isod tan ganol mis Mawrth.
Dydd Llun
- Neuadd Plwyf Rhostyllen – 10am – 1pm
- Neuadd Santes Margaret (Acton) – 10am – 12pm
- Prosiect Glowyr Wrecsam – 11am – 12:30pm
Dydd Mawrth
- Neuadd Plwyf Rhostyllen – 10am – 12pm
- Hwb Tyfu Bwyd We are Plas Madoc (51 Peris) – 5pm – 7pm
- UareUK (Hwb Lles) – 10am – 2pm
- Cyngor Cymuned Offa (Neuadd Gymunedol Maesgwyn) – 10am – 12pm
- Cyngor Cymuned Offa (Tŷ Luke O’Connor, Hightown) 1pm – 3pm
- The Rainbow Foundation (Canolfan Gymunedol Little Acton) – 11am – 1pm
- The Rainbow Foundation (Canolfan Enfys Penley) – 12.30pm – 2.30pm
- Prosiect Glowyr Wrecsam (Digwyddiad Cymdeithasol Nos Fawrth) – 6pm – 8pm
Dydd Mercher
- UareUK (Hwb Lles) – 10am – 2pm
- Ymddiriedolaeth Adfywio Brymbo a Than-y-fron (Canolfan Fenter Brymbo) – 10am – 2pm
- Soups ‘R’ Us Cefn (Neuadd George Edwards, Cefn Mawr) – 10am – 2pm ( Ionawr 2026)
- Hwb yr Orsedd (Yr Orsedd) – 11.30am – 3.30pm
- Sesiwn Galw Heibio Mannau Cynnes Partneriaeth Parc Caia – 9.30am – 2.30pm
- Prosiect Glowyr Wrecsam – 11am – 12:30pm
Dydd Iau
- Neuadd Plwyf Rhostyllen – 10am – 1pm
- Clwb Bwyd Parc Caia (Eglwys Sant Marc) – 10am – 1pm
- Grŵp Pobl Hŷn Pentre Gwyn (Happy Hedgehog Cafe) – 10am – 2pm
- Cyngor Cymuned Offa (Neuadd Gymunedol Maesgwyn) – 10am – 12pm
- Cyngor Cymuned Offa (Parciau Bellevue) 1pm – 3pm
- Sesiynau Crefft a Gwybodaeth Croeso Cynnes Tŷ Pawb – 9am – 5pm
- Yr Hwb Lles – 10am – 2pm (Lluniaeth a phrydau poeth ar gael)
- Clwb Cinio Partneriaeth Parc Caia – 10am – 2pm
- Hyb Cymunedol Is-y-coed – 10am – 3pm
Dydd Gwener
- Canolfan Gymunedol Pen-y-cae – 9am – 11am
- The Rainbow Foundation (Neuadd Piercy Marchwiel) – 1.30 – 3.30pm
Ar agor i bawb
Mae’r gwasanaethau a’r gweithgareddau a gynigir yn agored i bawb. Dewch draw i’ch canolfan gymunedol neu’ch llyfrgell leol lle bydd croeso cynnes i chi.
Wrth sôn am y fenter, dywedodd y Cynghorydd David A Bithell, Cadeirydd y Gweithgor Costau Byw, “Mae’n gyfnod anodd i lawer o breswylwyr ar draws cymuned Wrecsam yn ystod yr argyfwng costau byw presennol. Gyda hyn mewn golwg, mae’n bwysig ein bod yn rhoi gwybod i’n preswylwyr bod gennym ganolfannau Mannau Cynnes ar agor iddynt mewn ymgais i helpu mewn rhyw ffordd yn ystod misoedd y gaeaf. Dyma enghraifft wych o sut mae pobl Wrecsam yn dod at ei gilydd ac yn cefnogi ei gilydd yn ystod cyfnodau anodd. Hoffwn ddiolch i’r holl dimau a chanolfannau cymunedol sy’n ymwneud â gwireddu hyn ac rwy’n gobeithio y gall llawer ohonoch fwynhau’r gweithgareddau amrywiol sydd ar gael.”
Dywedodd y Cynghorydd Beverley Parry-Jones, yr Aelod Arweiniol ar faterion Trechu Tlodi, “Mae’r fenter Mannau Cynnes yn wasanaeth hanfodol ar sawl lefel. Yn ogystal â chefnogi ein gilydd trwy’r argyfwng ariannol heriol, mae hefyd yn gyfle da i gymdeithasu a dod at ei gilydd fel cymuned. Trwy gyllid Llywodraeth Cymru, mae gennym rwydwaith cymorth cryf ar draws ein hybiau cymunedol y mae croeso i bawb ddod i ymuno ag ef. Rwy’n anfon fy niolch i bawb sydd wedi gweithio’n anhygoel o galed i ddod â’r fenter hon yn ôl am yr hyn a fydd, gobeithio, yn ymgyrch lwyddiannus arall.”
