Fel bob amser, rydym yn gobeithio am y gorau ond yn paratoi am y gwaethaf gydag eira, rhew, gwyntoedd cryfion, neu beth bynnag a ddaw.
Diogelu’r bobl yr ydych yn eu caru, lawrlwythwch yr ap Covid-19 GIG.
Rydym eisiau gwneud yn siŵr fod y trefniadau i gyd yn eu lle i’n helpu ni i ddelio â’r tywydd garw a gallu mynd o gwmpas y lle gyda chyn lleied o amhariad â phosibl.
Mae gennym fflyd o gerbydau graeanu wedi eu cynnal yn dda a digonedd o wirfoddolwyr gweithgar o’r Gwasanaethau Stryd sy’n camu i’r adwy i yrru’r cerbydau graeanu.
Mae gennym 10 llwybr graeanu ynghyd ag 7,500 tunnell o raean a gaiff ei gyflenwi bob tro byddwn yn graeanu’r ffyrdd.
Mae gennym gynlluniau ar waith hefyd i ddarparu ar gyfer cyfnodau estynedig o dywydd garw sy’n cynnwys cynlluniau i raeanu stadau tai (pan ei bod yn ddiogel i wneud hynny) cyn y casgliadau bin a chadw ardaloedd fel llety gwarchod a llwybrau ysgol mor glir a diogel â phosibl.
“Graeanu neu beidio yn y gaeaf?”
Dyma’r cwestiwn a wynebir sawl gwaith y dydd gan ein goruchwylwyr profiadol. Gallai graeanu’n rhy fuan olygu y bydd yn cael ei olchi i ffwrdd gan y glaw. Rhy hwyr – a gallai eich taith fod yn un llithrig.
Os hoffech wybod os yw’r cerbydau graeanu yn eich cyrraedd chi, cadwch lygad ar ein cyfrif Twitter – neu chwiliwch am #wxmgrit.
Rydym hefyd yn anfon hysbysiadau drwy system MyUpdates, sy’n anfon negeseuon e-bost yn uniongyrchol i danysgrifwyr.
Pan fydd disgwyl tywydd garw iawn, neu os ydym yn profi cyfnod hir o dywydd oer, rhewllyd, byddwn yn rhoi’r wybodaeth ddiweddaraf i chi am le i ddod o hyd i wybodaeth ar gasgliadau biniau ac ysgolion ar gau ac ati ar y blog hwn, ein gwefan ar www.wrecsam.gov.uk a’n cyfrifon cyfryngau cymdeithasol felly cadwch lygad arnynt.
???? Cofiwch gael golwg ar eich cerbyd cyn mynd allan yn ystod neu cyn unrhyw dywydd garw. Mae’r Swyddfa Dywydd yn rhoi cyngor ardderchog ond dylech gofio neilltuo rhagor o amser ar gyfer eich taith ac aros yn ddiogel.
Dywedodd y Cyng. David A. Bithell, Aelod Arweiniol yr Amgylchedd a Chludiant: “Rydym mor barod ag y gallwn ni fod ac mae gyrwyr eisoes wedi bod yn gwirio eu lwybrau graeanu i wneud yn siŵr eu bod yn ymwybodol o unrhyw broblemau posibl. Rydym yn gwerthfawrogi’r gwasanaeth hwn ac eisiau sicrhau ein bod yn cadw pawb i symud yn ystod tywydd garw, sy’n hanfodol ar gyfer yr economi lleol. Cymerwch ddigon o ofal yn ystod y gaeaf, sylwch ar rybuddion a chyngor tywydd a gweithredwch yn briodol.”
“Helpwch lle fedrwch chi”
Cadwch lygad hefyd ar eich perthnasau hŷn neu gymdogion diamddiffyn. Gall tywydd garw olygu y byddant yn wynebu mwy o anawsterau wrth wneud tasgau sylfaenol bob dydd fel siopa am hanfodion. A wnewch chi gynnig cymorth lle fedrwch chi –gallai wneud gwahaniaeth mawr i rywun sy’n methu mynd allan ar eu pen eu hunain.
Dywedodd y Cynghorydd Joan Lowe, Aelod Arweiniol Iechyd a Gofal Cymdeithasol i Oedolion: “Dywedodd y Cynghorydd Joan Lowe, Aelod Arweiniol Iechyd a Gofal Cymdeithasol i Oedolion: “Mae pob un ohonom yn cael trafferth yn ystod tywydd garw gyda chludiant a thasgau bob dydd felly dychmygwch sut beth yw hyn i rywun gyda diffyg symudedd ac yn methu mynd allan o gwbl.
“Rydym hefyd mewn cyfnod anodd o gadw pellter cymdeithasol lle na allwn ni fynd i mewn i eiddo unrhyw un arall, felly rhowch ystyriaeth i sut y gallwch chi helpu gyda thasgau fel siopa hanfodol a chodi presgripsiynau. Peidiwch â bychanu faint o wahaniaeth y gallech chi ei wneud drwy helpu i gyflenwi siopa neu godi’r ffôn am sgwrs sydyn.”
Lawrlwythwch yr ap Covid-19 GIG ….a helpwch i gadw Wrecsam yn ddiogel yr hydref yma.
Lawrlwythwch yr ap GIG
