Ydych chi’n barod i wneud y gorau o’r Eisteddfod sy’n ymweld â ni eleni? Gallai defnyddio rhywfaint o Gymraeg yn eich busnes helpu i ddenu cwsmeriaid newydd. Gyda’r Eisteddfod yn dod i Wrecsam yr haf hwn, does dim amser gwell i ddechrau defnyddio Cymraeg. Gall fod mor syml â chyfnewid ‘croeso’ am ‘welcome’ neu ‘diolch’ am ‘thank you.’ Rhowch gynnig arni – cewch eich synnu gan yr adborth cadarnhaol!
Gwasanaeth Cyfieithu Am Ddim i Fusnesau
Os ydych chi am fynd gam ymhellach, beth am ychwanegu bwydlen arbennig Cymraeg neu ddefnyddio ychydig o Gymraeg i hyrwyddo eich cynhyrchion neu wasanaethau? Mae Helo Blod yn cynnig cyfieithiadau AM DDIM o hyd at 500 gair y mis yn ogystal â gwasanaeth ar gyfer gwirio’r Gymraeg. Mae’n adnodd gwych i unrhyw un nad yw’n siarad Cymraeg neu sydd eisiau sicrhau bod eu neges yn iawn! Os ydych chi’n teimlo’n hyderus, beth am roi cynnig arni eich hun? Nid oes rhaid iddo fod yn berffaith – noes deb yn perffaith! Bydd eich ymdrechion i ddefnyddio Cymraeg yn sicr yn cael eu gwerthfawrogi!
Cadwch y Dyddiad – Cyfle Brecwast Busnes
- Cofrestru -
- Dyddiad: 16/06/25
- Amser: 8-10am
- Lleoliad: Moneypenny Wrecsam, LL13 7ZB
- Archebu: Ewch i dudalen Eventbright
Mae’r digwyddiad brecwast am ddim hwn yn cynnig cyfle i fusnesau lleol ddysgu mwy am yr Eisteddfod Genedlaethol, sy’n digwydd yn Is-y-coed rhwng Awst 2 – 9 eleni. Gallai’r ŵyl ddenu dros 100,000 o ymwelwyr gydol yr wythnos, felly mae’n gyfle perffaith i ddenu cwsmeriaid newydd ac arddangos eich busnes. Bydd aelodau o dîm yr Eisteddfod a Chyngor Wrecsam yno i ateb unrhyw gwestiynau sydd gennych.
Meddai’r Cynghorydd Hugh Jones, Hyrwyddwr y Gymraeg yng Nghyngor Wrecsam, “Mae defnyddio ychydig o Gymraeg yn costio dim ond gall arwain at fanteision diwylliannol ac ariannol cadarnhaol iawn. “Darganfyddwch sut y gallwch chi a’ch busnes wneud y gorau o’r 100,000+ o ymwelwyr ag Eisteddfod Wrecsam yr haf hwn drwy fynd i’r brecwast busnes a chynnig Croeso Cymraeg!”
