Gall trigolion nawr adnewyddu eu tanysgrifiad gwastraff gardd i gwmpasu’r cyfnod 1 Ebrill, 2026 hyd at 13 Mawrth, 2027 trwy ymweld â’n tudalen gwastraff gardd.
Y ffordd gyflymaf o dalu am y gwasanaeth yw trwy wneud taliad ar-lein. Gallwch wneud eich taliad yn hawdd ar adeg sy’n gyfleus i chi trwy ddilyn y camau syml yn ein ffurflen ar-lein. Ond gwnewch yn siŵr eich bod wedi cofrestru mewn digon o amser i osgoi colli unrhyw gasgliadau pan fydd y gwasanaeth yn dechrau ym mis Ebrill.
Y gost ar gyfer 2026/27 yw £35 fesul bin gwyrdd y flwyddyn, ac mae’r gwasanaeth yn rhedeg o ddydd Mercher 1 Ebrill 2026 tan ddydd Mercher 31 Mawrth 2027. Byddwn yn parhau i adolygu’r gwasanaeth yn y dyfodol.
Dywedodd y Cynghorydd Terry Evans, yr Aelod Arweiniol dros yr Amgylchedd: “Mae’r pris ar gyfer gwasanaeth 2026/27 wedi’i rewi ar £35, sy’n ein cadw ni yn un o’r awdurdodau lleol rhataf a mwyaf economaidd yng Nghymru a Lloegr ar gyfer casgliadau gwastraff gardd. Mae’r cyfnod adnewyddu wedi agor, felly manteisiwch a thanysgrifiwch i’r gwasanaeth casglu rhagorol hwn yn barod ar gyfer y Gwanwyn a’r Haf.”
Talwch ar-lein lle bo hynny’n bosibl
Y ffordd hawsaf o dalu am y gwasanaeth yw drwy ymweld â’r dudalen gwastraff gardd ar ein gwefan.
Gall unrhyw breswylwyr a hoffai gael ychydig o gymorth i wneud taliad ar-lein ymweld â Galw Wrecsam yn Llyfrgell Wrecsam, neu gallwch alw heibio eich swyddfa ystâd dai leol. Rhowch wybod i’n staff eich bod am dalu am eich casgliadau gwastraff gardd a byddant yn eich helpu drwy’r broses, a gallant hyd yn oed eich helpu i greu cyfeiriad e-bost os nad oes un gennych.
Gall ffrind neu berthynas danysgrifio ar-lein ar eich rhan.
Rhaid bod gennych gyfeiriad e-bost i danysgrifio ar-lein. Os nad oes un gennych, gallwch ffonio Strydlun ar 01978 298989 i dalu â cherdyn.
Dim sticeri bin
Fel yn y flwyddyn flaenorol, ni fyddwn yn anfon sticeri bin fel rhan o’r gwasanaeth casglu gwastraff gardd. Yn hytrach, byddwn yn defnyddio ein system logistaidd i nodi eiddo sydd wedi talu am y gwasanaeth diweddaraf. Rydym yn argymell i chi arddangos eich enw neu rif eich tŷ ar eich bin gwyrdd i’w gwneud hi’n haws i ni baru’ch bin yn erbyn y manylion ar ein system.
Telerau ac Amodau
Mae telerau ac amodau wedi’u diweddaru ar gael ar ein gwefan. Ein nod yw darparu o leiaf 15 casgliad gwastraff gardd y flwyddyn i bob aelwyd.
Gan na fyddwn bellach yn anfon sticeri bin, ni fyddwn yn anfon copïau papur o’r telerau a’r amodau. Gallwch gasglu copi papur mewn person o Galw Wrecsam.
Dydw i ddim eisiau adnewyddu’r gwasanaeth – a wnewch chi gymryd fy min gwastraff gardd?
Gellir cymryd unrhyw finiau gwastraff gardd diangen i ffwrdd ar gais. Ar ôl gofyn am hyn, gall gymryd sawl wythnos i’r bin gael ei gasglu. Yn y cyfamser, gwnewch yn siŵr fod eich bin yn wag ac yn hygyrch, ond heb ei adael allan gan achosi rhwystr.
Efallai y byddai’n werth cadw eich hen fin gwastraff gardd am y tro oherwydd, os yw eich bin gwastraff gardd yn cael ei gymryd i ffwrdd a’ch bod yn newid eich meddwl yn y dyfodol, bydd tâl yn cael ei godi am un newydd.
Beth galla i ei wneud gyda fy ngwastraff gardd os nad ydw i eisiau talu am y gwasanaeth casglu?
Gallwch fynd â’ch gwastraff gardd i un o ganolfannau ailgylchu gwastraff y cartref (yn rhad ac am ddim). Fel arall, gallech gompostio gwastraff gardd gartref. Cymerwch olwg ar ganllaw Cymru’n Ailgylchu ar ‘Sut i sefydlu compostio gartref’ sy’n darparu gwybodaeth ddefnyddiol.
Am fwy o wybodaeth, ewch i wrecsam.gov.uk/gwastraffgardd
Gallwch dderbyn gwybodaeth ac argymhellion ailgylchu yn syth i’ch mewnflwch
Os ydych yn cofrestru i dderbyn ein hysbysiadau e-bost ar Wybodaeth ac Argymhellion Ailgylchu, gallwn anfon ein straeon newyddion diweddaraf ac argymhellion i chi, er mwyn eich helpu i gael y mwyaf allan o’ch ailgylchu, cyngor lleol (gan gynnwys newidiadau sy’n effeithio arnoch chi), a manylion ar ymgyrchoedd sydd ar y gweill i chi gymryd rhan ynddynt.
Ydych chi’n derbyn ein e-byst i’ch atgoffa am eich bin?
Pan fyddwch chi’n cofrestru i dderbyn y rhybuddion, fe fyddwch chi’n cael e-bost i’ch atgoffa cyn eich casgliad nesaf, ond mae hefyd yn ffordd dda i ni gysylltu â chi am unrhyw amhariadau allai effeithio ar y gwasanaeth. Os hoffech chi e-byst i’ch atgoffa am eich bin, cliciwch yma a dilynwch y ddolen i gofrestru.
Adnewyddwch eich casgliadau bin gwyrdd ar gyfer 2026/27 – bydd y casgliadau’n dechrau ym mis Ebrill!
