Bydd Tŷ Pawb yn cynnal tridiau o gerddoriaeth fyw a gweithgareddau teuluol AM DDIM ym mis Chwefror eleni i ddathlu Dydd Miwsig Cymru.
Wedi’i sefydlu gan y cyflwynydd radio Huw Stephens, mae Dydd Miwsig Cymru yn ddathliad cenedlaethol blynyddol o fyd bywiog cerddoriaeth Gymraeg.
Bob mis Chwefror, cynhelir gigs a digwyddiadau arbennig ledled y wlad, gan arddangos cerddoriaeth Gymreig o bob genre.
Digwyddiad Dydd Miwsig Cymru eleni yn Wrecsam fydd y mwyaf erioed i Tŷ Pawb ei gynnal!
Dyma’r rhaglen lawn:
Dydd Iau 12fed Chwefror
Cyfansoddi Perthyn
Drysau: 6.30pm
Perfformiad cerddoriaeth fyw gyda Yasmine Latkowski (Panedeni), Ayoub Boukhalfa (Côr One World Oasis) a SERA, yn archwilio cartref a pherthyn trwy draddodiadau Arabaidd a Chymreig.
Byddwch yn clywed offerynwyr arbenigol o draddodiadau Arabaidd a Chymreig, harmonïau lleisiol cyfoethog, rhythm, ac adrodd straeon — ac yn cael cipolwg ar yr hanesion, y synau a’r teithiau personol y tu ôl i’r gerddoriaeth.
Bar ac ardal fwyd ar agor!
Mae’r digwyddiad am ddim i fynychu ond cynghorir i archebu i warantu sedd –
Dydd Gwener 13eg Chwefror
CERDDORIAETH FYW – gyda Candelas
Drysau: 5.30pm
Mae’r gig arbennig hwn, sy’n addas i deuluoedd, yn cynnwys un o fandiau roc gorau Gogledd Cymru, wedi’i drefnu gan Menter Iaith, gyda chefnogaeth gan grŵp ‘Y Sîn ar y Ffin’ Ysgol Morgan Llwyd.
Mae ‘Y Sîn ar y Ffin’ yn brosiect Menter Iaith, gyda chefnogaeth Cyngor Celfyddydau Cymru a Chyngor Wrecsam, gyda’r nod o gyflwyno cerddoriaeth Gymreig i blant yn ardal Wrecsam, a rhoi cyfle iddynt weld rhai o fandiau gorau’r wlad.
Mae gan Candelas ychydig o gefnogwyr yn Wrecsam eisoes, ar ôl cael llwyddiant ysgubol yn ardal gefnogwyr Clwb Pêl-droed Wrecsam yn ddiweddar!
Mae hwn yn gig sy’n addas i deuluoedd, ond mae croeso i bob oed!
Bydd y bar a’r ardal fwyd ar agor.
Nid oes angen archebu – dim ond troi fyny!
CWPAN FA YN FYW: Wrecsam v Ipswich
7.30pm
Yn syth ar ôl gig Candelas nos Wener, byddwn yn tynnu’r sgrin fawr i lawr fel y gallwch chi fwynhau gêm Cwpan FA Wrecsam, a ddisgwylir yn eiddgar, yn FYW yma yn Nhŷ Pawb!
Neu os ydych chi’n chwilio am fwy o gerddoriaeth, ewch draw i’r Magic Dragon, a fydd yn cynnal noson meic agored arbennig, neu Saith Seren, lle bydd Cowbois Rhos Botwnnog a Daf Williams a’r Band yn perfformio’n fyw!
Dydd Sadwrn Chwefror 14eg
Dydd Miwisg Cymru / Gwyl Dyfodol hefo FOCUS Wales
Dyma’r un MAWR! Bydd digwyddiad diwrnod cyfan yn Tŷ Pawb (10am-9pm) – i gyd AM DDIM i’w mynychu – dim angen archebu lle!
11am-2pm
Gweithgareddau Teuluol AM DDIM
11.30am-2pm
Cerddoriaeth Fyw yn yr ardal fwyd
Sara Erddig / Côr Vivace / Lleisiau Clywedog / Rhi Jorj a’r Band
4pm-9pm
Gwyl Dyfodol gyda FOCUS Wales
Yn cynnwys:
MWSOG / SEAZOO / MALI HAF / Y BATTENBERG TEULU /
OSGLED / ELIN A CARYS / ANDY HICKIE / CÔR DAW
Dathliad o iaith a diwylliant Cymru y gall pawb ei fwynhau!
Dywedodd Aelod Arweiniol Cyngor Wrecsam sydd â chyfrifoldeb am Dŷ Pawb, y Cynghorydd Hugh Jones: “Mae Tŷ Pawb wedi bod yn falch o arddangos celfyddydau a cherddoriaeth Cymru ers y diwrnod cyntaf ac rydym wrth ein bodd yn parhau â’n partneriaeth hirhoedlog â FOCUS Wales, sydd wedi ennill sawl gwobr, i ddathlu Dydd Miwsig Cymru eleni.
“Mae cynnal yr eisteddfod genedlaethol wych yma’r haf diwethaf wedi rhoi syniadau, egni a hyder newydd i Wrecsam i hyrwyddo’r iaith a diwylliant Cymru. O ganlyniad, digwyddiad mis Chwefror hwn fydd y digwyddiad mwyaf y mae Dydd Miwsig Cymru Wrecsam erioed wedi’i gynnal ac mae’n rhan o waddol ehangach yr ydym yn ei greu, gan adeiladu ar lwyddiant yr eisteddfod a’r cynulleidfaoedd a’r partneriaethau newydd yr ydym wedi gallu eu datblygu.
“Mae hwn yn debygol o fod yn dri diwrnod hynod bleserus i bob oed. P’un a ydych chi’n gefnogwr cerddoriaeth Cymru gydol oes, neu os ydych chi eisiau dod i fwynhau’r awyrgylch a’r dathliadau, byddwn yn annog pawb i ddod a manteisio i’r eithaf ar y digwyddiadau rhad ac am ddim hyn.”
