Rydym yn agosáu at ein targed o ailgylchu 70 y cant o’n gwastraff – ac mae atal gwastraff bwyd yn rhan fawr o hynny.
Y llynedd, bu i ni gyrraedd 65 y cant, ac rydym yn ddiolchgar iawn i drigolion Wrecsam am eu cymorth i gyrraedd y pwynt yma.
Ond mae gennym ni dipyn o waith i’w wneud eto cyn i ni gyrraedd 70 y cant.
PEIDIWCH BYTH Â METHU CASGLIAD BINIAU – COFRESTRWCH AM DDIWEDDARIADAU WYTHNOSOL.
Byddai mynd i’r afael â gwastraff bwyd yn ein helpu i gyflawni’r pump y cant olaf yna.
Bagiau cadi
Yn gynharach eleni, bu i ni ddosbarthu nifer ychwanegol o fagiau gwastraff bwyd y gellir eu compostio i dros 60,000 o gartrefi ledled y fwrdeistref sirol.
Gallwch ddefnyddio’r cadis ymyl palmant llwyd i ailgylchu bron bob gwastraff bwyd, gan gynnwys:
- Ffrwythau a llysiau – amrwd ac wedi’u coginio
• Cig a physgod – amrwd ac wedi’u coginio
• Esgyrn a phlisgyn wy
• Reis, pasta, grawnfwyd a nwdls
• Bara, cacennau, teisennau crwst a bisgedi
• Bagiau te a gwaddodion coffi
• Caws, wyau ac iogwrt
• Ffa, cnau, codlysiau a hadau
• Sbarion bwyd oddi ar eich plât
“Helpwch ni i drechu’r rhwystr olaf”
Meddai’r Cynghorydd David A Bithell, Aelod Arweiniol yr Amgylchedd a Chludiant: “Rydym yn hynod ddiolchgar i drigolion Wrecsam am y gwaith y maen nhw wedi’i wneud dros yr ychydig flynyddoedd diwethaf, yn ein helpu ni i gyrraedd ein cyfradd ailgylchu bresennol o 65 y cant.
“Mae angen ychydig o ymdrech eto i ni gyrraedd ein nod o 70 y cant, a bydd taflu gwastraff bwyd i’r bin ailgylchu yn hytrach na’r bin du yn ein helpu i drechu’r rhwystr olaf yna.”
Peidiwch byth â methu casgliad biniau – cofrestrwch am wythnosol rŵan.
[button color=”” size=”large” type=”square_outlined” target=”new” link=” https://fynghyfrif.wrecsam.gov.uk/cy/AchieveForms/?form_uri=sandbox-publish://AF-Process-ceb55423-9f5d-4124-b713-805ac7a73e3e/AF-Stage-854336b9-1221-4e6a-88d7-785fb2f8e340/definition.json&redirectlink=%2Fcy&cancelRedirectLink=%2Fcy&consentMessage=yes”]COFIWCH EICH BINIAU[/button]
