Ym mis Awst, fel cartref yr Eisteddfod Genedlaethol, rydyn ni’n disgwyl cyfnod prysur i’n darparwyr llety lleol gyda’r holl leoedd carafanau ym Maes Carafanau’r Eisteddfod wedi hen werthu allan – ond mae nifer cyfyngedig o leiniau pebyll ar gael o hyd ar y safle yn ogystal â’r lleoliad ‘Hwyrnos‘ newydd.
Diolch byth, mae gan Wrecsam amrywiaeth eang o westai dilys, lletyau gwely a brecwast, lletyau hunanarlwyo a pharciau gwyliau i ddewis ohonyn nhw, gyda phob un yn paratoi i roi croeso cynnes.
Os nad ydych chi wedi llwyddo i drefnu eich llety ar gyfer wythnos yr Eisteddfod eto, mae rhywfaint o argaeledd yn parhau i fod yn yr ardal, er bydden ni’n argymell trefnu cyn gynted â phosibl gan fod y galw’n uchel.
Mae’r rhestr isod yn cynnig rhai syniadau am leoedd i aros yn ardal Wrecsam a gogledd-ddwyrain Cymru;
Rhestr lletyau swyddogol Croeso Cymru ar gyfer Sir Wrecsam (gweler; Llety gwyliau | Llefydd i aros | Croeso Cymru )
Mae’r wefan ymweld â Gogledd Ddwyrain Cymru hefyd gyda amrywiaeth eang o ddarparwyr llety achrededig, wedi’u rhestru yn; Llety – Gogledd Ddwyrain Cymru – North East Wales
Os ydych chi’n cael trafferth dod o hyd i’r hyn sydd ei angen arnoch chi yn Wrecsam, neu os ydych chi’n gobeithio aros ychydig ymhellach i ffwrdd, mae gan ein partneriaid rhanbarthol yn Go North Wales, Visit Chester & Cheshire a Visit Shropshire rai rhestrau gwych hefyd.
Swydd Gaer – Visit Chester & Cheshire | Accommodation
Swydd Amwythig – Visit Shropshire – Accommodation in and around Shropshire
Go North Wales – Accommodation & Places To Stay in North Wales
Os ydych chi’n berchen ar fusnes llety i dwristiaid yn Wrecsam a’r cyffiniau, efallai yr hoffech chi ystyried defnyddio’r gwasanaeth cyfieithu AM DDIM Helo Blod – a defnyddio rhywfaint o Gymraeg ar eich cyfryngau cymdeithasol neu yn eich hysbysebion i groesawu cwsmeriaid.
Dywedodd Aelod Arweiniol yr Economi, Adfywio a Thwristiaeth, y Cynghorydd Nigel Williams: “Os ydych chi’n aros yn ardal Wrecsam ar gyfer wythnos yr Eisteddfod – beth am archwilio rhai o’n hatyniadau lleol hefyd? Rydyn ni’n gartref i Safle Treftadaeth y Byd UNESCO sy’n rhychwantu 11 milltir ym Mhontcysyllte, mae gennyn ni ddwy Ystâd Ymddiriedolaeth Genedlaethol (Erddig a Chastell y Waun), ynghyd â lleoedd gwych eraill i ymweld â nhw fel ardal hardd Dyffryn Ceiriog ar gyrion Ardal o Harddwch Naturiol Eithriadol Bryniau Clwyd, Canolfan Darganfod Gwyddoniaeth Xplore, Tŷ Pawb (neuadd gelfyddydau, marchnadoedd a bwyd), canol dinas bywiog heb draffig, tafarndai a bariau gwych gan gynnwys y Saith Seren (ein canolfan a thafarn gymunedol Gymraeg), yn ogystal â lleoedd gwych i fwyta.
“Allwn ni ddim aros i roi croeso i bawb i Wrecsam.”
